هەواڵ

لە دوو شاری قەسری شیرین و بانە مینە چێنراوەكانی سەردەمی شەڕی ئێران و عێراق بە هاووڵاتیاندا تەقیونەتەوە و بەو هۆیەوە سێ كەس بە توندی بریندار بوون بە چەشنێك كە لاقی یەكێكیان پەڕیوە و یەكێكی دیكەش گیانی لەدەستداوە.

ژمارەیەك هەڵسوڕاوی سیاسی رۆژهەڵاتی كوردستان سەبارەت بە پیلانی تیرۆریستی كۆماری ئیسلامی دژی حیزبەكانی رۆژهەڵات لە باشوری كوردستان نامەیەكی سەرئاوەڵادا ئاراستەی سەرۆكی هەرێمی كوردستان دەكەن.

لە ناوچەی سنووری “شەهابەدین”ی شاری بانە مینێكی چێندراوی سەردەمی شەڕی ئێران و عێراق تەقییەوە و لە ئەنجامدا هاوڵاتیەكی كورد گیانی لەدەست دا.

پاش بڵاو بوونەوەی هەواڵی هەوڵدان بۆ تیرۆركردنی “رەزا كەعبی” بەرپرسی دەستەی كارگێڕیی كۆمەڵەی زەحمەتكێشانی كوردستان و هەروەها دانانی چەندین بۆمب لە بارەگای ناوەندیی كۆمەڵەی شۆڕشگێڕی زەحمەتكێشانی كوردستان، حیزبەكانی رۆژهەڵاتی كوردستان بە بڵاو كردنەوەی راگەیەندراوی جیاجیا، ئەو كردەوەیان بڵاو كردەوە.

سەرۆكی لیژنەی سەرەتایی بەدواداچوون بۆ سەرپێچی دامەزراوەی سەرۆك كۆماریی ئێران رایگەیاند، لە ماوەی یەك ساڵی رابردوو نزیكەی 800 دۆسیە لە پویەند لەگەڵ سەرپێچیی كاربەدەستانی پلە بەرزی دەوڵەتی ئەحمەدی نژاد، بریتی لە دۆسیەكانی گەندەڵیی ماڵی لە لایەن رێكخراوی پشكنینی گشتیی وڵاتەوە، لێكۆڵینەوەی لەسەر دەكرێ.

كاژێر 12ی شەوی رابردوو “قوربانعەلی پیرانی” بەرپرسی دەزگای ئیتڵاعاتی كۆماری ئیسلامی ئێران لەشاری پیرانشار لە لایەن كوڕەكەیەوە كوژرا.

وەرزشوانێكی كورد لە پێشبڕكێی واڵیباڵی پاڵەوانیەتی پیاوانی ئاسیا، وەك باشترین یاریزان دەستنیشان كرا.

بە هۆی دزیی كردنی چەكدارانە لە بەنزینخانەیەك لەشاری سەقز وێڕای بردنی بڕە پارەیەك خاوەن بەنزینخانەكەش بە توندی بریندار بوو.

“پەرویز ئەفشار” جێگری كەم كردنەەی داواكاریی ستادی خەبات دژی مادەی هۆشبەر لە ئێران، رۆژی شەممە 17ی مانگی گەلاوێژ باس لە بەركاهێنانی مادەی هۆشبەر لە لایەن 125 هەزار خوێندكارەوە كرد.

“سیروان نژاوی” زیندانی سیاسی كوردی مەحكوم بە ئێعدام لە زیندانی تەبرێز لەسێدارە درا.

“نامێق دڵدڵ” هاوڵاتیی كوردی خەڵكی بۆكان لە بەندی 209ی زیندانی ئەوین بە 10 ساڵ زیندان حوكم درا.

دووهەمین هەوڵی تیرۆریستی لە ماوەی 2 رۆژی رابردوو دژی كۆمەڵە ئەنجام درا، بەڵام هیچ یەك لەو هەوڵانە بە ئاكام نەگەیشت و شكستیان پێ هێنرا.

سکرتاریەتی كۆمەڵەی زەحمەتكێشانی كوردستان سەبارەت بە هەوڵە تیرۆریستیەكەی كۆماری ئیسلامی دژی جێگری سكرتێری حیزبەكەیان راگەیەندراوێكی بڵاو كردەوە.

هەوڵی تیرۆری جێگری سكرتێری “كۆمەڵەی زەحمەتكێشانی كوردستان” لە لایەن بەكرێگیراوێكی كۆماری ئیسلامی ئێرانەوە، بێ ئاكام مایەوە.

زنجیرە چالاكیەكانی گرووپی شاخەوانیی “داڵان پەڕی سەقز” بۆ سەر شاخ و چیاكانی كوردستان بەردەوامیی هەیە.

دوو چالاكی كرێكاریی كورد لە لایەن دام و دەزگا ئەمنیەتیەكانی كۆماری ئیسلامیەوە بانگهێشتی دادگا كران و لێپرسینەوەیان لێ كرا.