دوو شه‌ممه‌ 23 ته‌مموز 2018
ماڵەوە / کوردستان / ناردنی پارازیت و فیلتری ئینترنێتی لە سنە و دەوروبەری زیادی كردووە

ناردنی پارازیت و فیلتری ئینترنێتی لە سنە و دەوروبەری زیادی كردووە

لە ماوەی رۆژانی رابردوو ناردنی پارازیت بۆ سەر كاناڵە ئاسمانیەكان و هەروەها فیلتر كردنی ماڵپەڕە ئینترنێتیەكان و تۆڕە كۆمەڵایەتییەكان لە سنە و دەوروبەری بە ئاستێكی بەرچاو زیادی كردووە.

بە پێی هەواڵی گەیشتوو بە “زاگرۆس پۆست”، لە ماوەی رۆژانی رابردوو و پاش سەردانی “حەسەن رۆحانی” سەرۆك كۆماری ئێران بۆ شاری سنە، ناردنی پارازیت بۆ سەر كاناڵە ئاسمانیەكان و بەتایبەت كاناڵە كوردییەكان و هەروەها فیلتر كردن و داخستنی ماڵپەڕە ئینترنتیەكان و تۆڕە كۆمەڵایەتییەكان پەرەی سەندووە.

یەكێك لە هاوڵاتییان لە ئاوایی “نەنەڵە” لە ناوچەی چەمشاری سنە باس لەوە دەكات، پاش ئەوەیكە رۆحانی لەم دواییانەدا سەردانی سنەی كرد، گوشار و كونتڕۆڵی كەشی مەجازیی و ناردنی پارازیت بۆ سەر كاناڵە ئاسمانیەكان زیادی كردووە و زۆر بە دژواری دەتوانین سەیری كاناڵەكان بكەین و خێرایی ئینترنتیش بە ئاستێكی زۆر دابەزیوە.

شایانی باسە، ناردنی پارازیت و شەپۆلی مێغناتیسی مەترسیەكی زۆری بۆ سەر تەندروستی هاوڵاتییان هەیە و بەتایبەت بۆ ژنانی دوو گیان زۆر مەترسیدارە و كاریگەری خراپی لە سەر منداڵەكانیان دەبێت و دەبێتە هۆی پەرەسەندنی جۆرەها نەخۆشی كوشندە.

بابەتی هاوپۆل

چالاکی مەدەنی کورد  لەشاری ســنە  دەستگیر کرا

یەکێک لە چالاکانی مەدەنی ناسراوی شاری سنە، دوایی بانکهێشت کردنی بۆ دادگا، دەستبەسەر کرا