کوردستان

بە پێی وتەی نوێنەری شارەكانی سەقز و بانە لە مەجلیسی كۆماری ئیسلامی، سەدەكانی پارێزگای سنە لە قەیراندایە و تەنیا لە ئاوی ئەو سەد و بەنداوانە بۆ خواردنەوە كەڵك وەردەگیرێت.

دادگای كۆماری ئیسلامی لە شاری مەریوان حوكمی 50 زەربە قامچی لە سەر چالاكێكی خوێندكاریی كورد جێبەجێ كرد.

لە ئاكامی رووداوێكی كار لە شاری سەقز، كرێكارێكی خەڵكی شارەكە گیانی لەدەستدا.

رێژەی ئەو منداڵانەی بە نەخۆشیی ئەیدز گیرۆدە بوون، لە پارێزگاكانی رۆژهەڵاتی كوردستان 3 بەرامبەری نێوەنجیی گشتیی ئێرانە و ئەو ژنانەی كە ناسێندراون نەخۆشیی ئیدزیان هەیە، لە پارێزگاكانی ورمێ، سنە، كرماشان و ئیلام، 2 هێندەی نێوەنجی گشتیی ئێرانە.

كەسێك كە بە مەبەستی تاڵانكاریی هێرش دەكاتە سەر بانكێكی شاری سەقز و بە بێ ئەوەی پارەیەكی دەستكەوێ هەڵاتووە.

دامەزراوەی (IPOS) لە ئەمریكا لە راپرسیەكدا لەگەڵ 600 ژن و پیاوی ئێرانی لە شار و لادێیەكاندا سەبارەت بە حجاب پرسیاری كردووە و باسی لەوە كردووە، كە 95% لەم راپرسییە روانگەی هەموو خەڵكی ئێرانە.

2 چالاكی كەلتووری و خوێندكاریی كورد بە دانانی بارمتە و بە شێوەی كاتیی ئازاد كران و 2 هاوڵاتیی كوردی دیكەش دەستگیر كران.

زیاتر لە ٥٠٠ كەس لە كرێكارانی بەنداوی “داریان”بە هۆی نەدانی حەقدەستی وەدواخراوی خۆیان دەستیان دایە مانگرتن.

لە درێژەی شەپۆلی ئێعدامەكان لە لایەن كۆماری ئیسلامی ئێرانەوە، 3 هاوڵاتیی كورد لە زیندانی ناوەندیی ورمێ (دەریا) لەسێدارە دران.

هەڵسوكەوتی بێ رێزانە و گوشار بۆ سەر خوێندكاران بە بیانووی لەبەرچاو نەگرتنی حجاب بووەتە هۆی هەڵگیرسانی تێكهەڵچوون و ناڕەزایی خوێندكاری زانكۆكانی كرماشان.

بە هۆی دەستڕێژی گوللەی هێزە چەكدارەكانی كۆماری ئیسلامی، كۆڵبەرێكی دیكەی كورد گیانی لەدەستدا.

3 كەس لە بەڕێوەبەرانی رۆژی جیهانیی ژن لە شاری سەقز، بانگهێشتی ئیدارەی ئیتلاعاتی ئەو شارە كراون و كەوتوونەتە ژێر گوشار و لێپرسینەوە.

سپای پاسداران و هێزە ئینتزامیەكانی كۆماری ئیسلامی ئێران لە سەر سنورەكانی ماكۆ، خۆی، سەڵماس و ورمێ دەیان پایەگای نیزامیی نوێی دروست كردووە. دانیشتووانی ناوچەكە هۆكاری ئەو كردەوەیەی حكومەت، میلیتاریزە كردنی ناوچە سنوورییەكان و كونتڕۆڵی زیاتری خەڵكی ناو لێدەبەن.

سێ پێشمەرگە پارتی ئازادیی كوردستان كە حیزبێكی رۆژهەڵاتییە، لە هێرشەكەی ئەمرۆ هێزی پێشمەرگە‌و دژە تیرۆر لە كەركوك شەهید بوون.

“بەختیار مێعماری” زیندانی سیاسی كوردی مەحكوم بە ئێعدام، بە هۆیەكی نادیار گواسترایەوە بۆ بەندی قەرەنتینەی زیندانی شاری سنە.

ژنێكی شۆڕشگێڕی چەپی ئافریقایی و دانیشتووی وڵاتی ئاڵمان، لە رەوتی شەڕ و پێكدادانەكان لەگەڵ داعش لە رۆژئاوای كوردستان، گیانی بەخت كرد.