دوو شه‌ممه‌ 25 كانونی دووه‌م 2021
ماڵەوە / کوردستان / گیانلەدەستدانی كۆڵبەرێكی دیكە بە دەستی چەكدارەكانی سپای پاسداران

گیانلەدەستدانی كۆڵبەرێكی دیكە بە دەستی چەكدارەكانی سپای پاسداران

بە هۆی دەستڕێژی گوللەی هێزە چەكدارەكانی كۆماری ئیسلامی، كۆڵبەرێكی دیكەی كورد گیانی لەدەستدا.

بە پێی هەواڵی گەیشتوو بە “زاگرۆس پۆست”، رۆژی دووشەممە 18ی مانگی رەشەممە، كۆڵبەرێكی كوردی خەڵكی ناوچەی مەریوان، لە كاتی كۆڵبەریدا لە خاڵی سنووریی “ئاسنەوا”، لە لایەن هێزە چەكدارەكانی سپای پاسدارانی ئێرانەوە دراوەتە بەر دەستڕێژی گوللە و گیانی لەدەستداوە.

ناوی ئەو كۆڵبەرە “فەرەیدوون لوتفوڵڵاهی” كوڕی عەبدوڵڵا و دانیشتووی ئاوایی “زوێران” سەربە ناوچەی سەرشیوی مەریوان بووە و هەتا ئێستاش تەرمەكەی رادەستی بنەماڵەكەی نەكراوە.

شایانی باسە، بە هەزاران كەس لە خەڵكی زەحمەتكێش و چەوساوەی كوردستان، تەنیا لەبەر دابین كردنی بژیوی ژیانی خۆیان و بنەماڵەكانیان روو دەكەن كاری كۆڵبەری و كاسبكاریی لە سەر سنوورەكان و بەو بۆنەوە كەمتر رۆژێك هەیە لە لایەن چەكدارەكانی كۆماری ئیسلامیەوە نەدرێنە بەر دەستڕێژیی گوللە و خۆیان و ئاژەڵە بارهەڵگرەكانیان بەرەوڕووی لەنێوچوون نەبنەوە یان خەساری ماڵییان بەرنەكەوێت.

بابەتی هاوپۆل

لاوێکی دیکە لە سنە دەستگیر کرا

دوێنێ شەممە ٤ی رێبەندان، لاوێکی خەڵکی سنە لە لایەن ھێزەکانی کۆماری ئیسلامیی ئێرانەوە دەستگیر کرا. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.