دوو شه‌ممه‌ 11 كانونی یه‌كه‌م 2017
ماڵەوە / کوردستان / 3 پێشمەرگەی رۆژهەڵاتیی لە كەركوك شەهید كران

3 پێشمەرگەی رۆژهەڵاتیی لە كەركوك شەهید كران

سێ پێشمەرگە پارتی ئازادیی كوردستان كە حیزبێكی رۆژهەڵاتییە، لە هێرشەكەی ئەمرۆ هێزی پێشمەرگە‌و دژە تیرۆر لە كەركوك شەهید بوون.

لەمبارەیەوە حسەین یەزادنپەنا، جێگری سەرۆكی پارتی ئازادی كوردستان بە سایتی باسنیوزی رایگەیاند: لە هێرشەكەی ئەمڕۆ دووشەممە 18ی مانگی رەشممە، لە ناوچەی “سەخەرە” و “سمائیل ئاوا” 3 شەهیدمان هەبووە، كە خەڵكی شاری سنە و كامیاران و سەقز بوو .

ناوی ئەو 3 پێشمەرگە شەهیدە بریتیە لە “به‌ ناوه‌كانی‌ دیاكۆ (ئارش) ره‌حیمی‌، زانكۆ كامیارانی‌‌و هیرش سه‌قز” راگەیەندراوە.

وتیشی: “هێزی پێشمەرگە لە میحوەری باشوور و ڕۆژئاوای كەركووك لە پێشڕەوی دایە. لە باشووری كەركووك هەردوو گوندی سمائیل ئاوا و سەخەرە لە دەست هێزی پێشمەرگە دایە، لە ڕۆژئاوای كەركووك “دوركارەبا” و “تەلوەرد” گیراوە، و گوندی مەلا عەبدوڵڵا گەمارۆ دراوە و دەوترێ، تا ئێستا 350 چەكداری داعشیش لە هێزشەكەی ئەمڕۆدا كوژراون.

جێگای وەبیرهێنانەوەیە، پێشتریش پارتی ئازادیی كوردستان راگەیاندبوو، كە 2 پێشمەرگەی دیكەی سەر بەو حیزبە لە شەرەكانی باشووری كوردستان دژی داعش، شەهید كراون.

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …