هەواڵ

حەوت فەوجی سپای عێراق لەنزیك بەنداوی سەرسار سەر بە شاری رۆمادیە لەلایەن چەكدارانی داعشەوە گەمارۆ دراون‌و داوا لەدەسەڵاتدارانی بەغدا دەكەن فریایان بكەون.

مەسعود شەمس نژاد یەكێك لە پارێزەرە ناسراوەكان بە تۆمەتی پڕوپاگەندە دژی كۆماری ئیسلامی بە 4 مانگ زیندان مەحكوم كراوە، كە ئەمڕۆ بە مەبەستی جێبەجێ كردنی حوكمەكەی خۆی بە زیندانی شاری ورمێ ناساند.

دوو چالاكی فەرهەنگی ـ خوێندكاریی كورد كە ماوەی١٠ رۆژ لەمەوبەر لە خۆپیشاندانەكانی پشتیوانی خەڵكی شاری تاران بۆ كۆبانێ دەستگیر كراون، چارەنووسیان نادیارە.

بە پێی ئەو هەواڵانەی بە زاگرۆس پۆست گەیشتووە، ژمارەیەك لە چالاكانی كرێكاریی شاری سنە وێڕای گەشتێك بۆ شاری پاوە، لە نزیك ئەو شارە و لە بەردەم غاری قوڕیە قەڵا بە هەڵگردنی پلاكاردێك پشتیوانی خۆیان بۆ خەڵكی خۆڕاگری كۆبانی دەربڕیوە.

كاربەدەستێكی بالای دەوڵەتی پاكستان رۆژی هەینی 25ی رەزبەر رایگەیاند، بە هۆی تەقەی پاسەوانانی سەر سنووری ئێران، ئەفسەرێكی پۆلیسی پاكستان كوژراوە و 4 سەربازی دیكەش بریندار بوون.

فەرماندەی پاسەوانانی سنووری سیستان و بەلوچستان رایگەیاند: دوو كەسی دیكە لە پاسەوانەكانی ئەو سنوورە لە شەڕ لەگەڵ نەیارانی كۆماری ئیسلامی بە ناوەكانی جەواد باقری و رەزا بارانی كە هەردووكیان پلەی ئوستوار دووهەمیان هەبووە، كوژراون.

گروپی ئەنساروشریعە، لقی رێكخراوی تیرۆریستی ئەلقاعیدە لەیەمەن لەبەیاننامەیەكدا پەیوەست بوونی خۆیان بە گروپی دەوڵەتی ئیسلامی ناسراو بە داعش راگەیاند.

لە دەنگدانی كۆمەڵەی گشتیی نەتەوە یەكگرتووەكان كە بۆ پێنج كورسی ئەندامیەتی كاتیی ئەو رێكخراوەیە بەڕێوەچوو، توركیە دووچاری شۆكێكی گەورە بوو كاتێك ژمارەی دەنگەكانی نیوەی ژمارەی دەنگەكانی ئیسپانیا و نزیكەی سێ هێندەی ژمارەی دەنگەكانی نیوزلاند كەمتربوو.

وەزیری بەرگریی ئیتالیا رایگەیاند ژمارەیەك چەك‌و تەقەمەنی‌و فرۆكەی بێ فرۆكەوان، لەگەڵ 280 هێزی سەبازیی ئەو وڵاتە بۆ راهێنانی هێزی پێشمەرگە رەوانەی باشووری كوردستان دەكات.

یەكێك لە سەركردە دڕندە و سەربڕەكانی داعش لە كۆبانێ بە دەستی شەڕڤانەكانی یەپەگە كوژراو وێنەكانیش لە پەیجەكانی داعش بلاو كراوەتەوە.

هەواڵنێریی حكومەتی ئیرنا رایگەیاند، جەبار دریساوی یەكێك لە فەرماندە باڵاكانی سپای پاسدارانی كۆماری ئیسلامی ئێران لە شەڕ دژی داعش لە وڵاتی سوریە كوژراوە.

ئاژانسی هەواڵنێریی رۆیترز بڵاویكردەوە كە ئەمرۆ 25ی مانگی رەزبەر داعش لەو 3 فرۆكەیەی هەیەتی فرۆكەیەكی هەستانوەو بە سەر ئاسمانی شاری حەڵەبدا دەسوڕێتەوە.

ژمارەیەك لە ئەندامی پارتی سۆسیال دیمۆكرات SDP لە ئانكارا پایتەختی وڵاتی توركیە بە دروشمی “كۆبانێ سەردەكەوێ” چوونە نێو دەفتەری كەناڵی ئەلجەزیرە توركی لە ئانكارا و پلاكاردێكیان لە پەنجەرەی بیناكە هەڵواسی و پشتیوانی خۆیان بۆ كۆبانێ دووپات كردەوە.

116 پارێزەری دادگاكانی شاری كرماشان بە نووسینی نامەیەك بۆ بان‌كی مون سكرتێری گشتی رێكخراوی نەتەوەیەكگرتووەكان، وێڕای شی كردنەوەی دۆخی ئێستای كورد و بەرەنگاری ئەم گەلە لەگەڵ چەكدارانی داعش و رەخنەی توند لە هەڵوێست و كردەوەكانی ئەو رێكخراوەیە، خوازیاری ئاوڕدانەوەی جیدی و بەرپرسانە سەبارەت بە بڕیاردان لە سەر چارەنووسی خەڵكی كوردستان بوون.

لە ساڵی ١٣٦٧ی هەتاوە تا ساڵی ١٣٩١ لە پارێزگاكانی ورمێ، ئیلام، كرماشان، سنە و خووزستان دوو هەزار و ٤٣٣ هاووڵاتیی مەدەنیی بە هۆی كەرەسەی بەجێماوی جەنگی و تەقینەوەی مین گیانیان لەدەستداوە و پێنج هەزار و ٦٠١ كەسی دیكەش بریندار بوونە.

وتەبێژی وەزارەتی دەرەوەی ئەمریكا، ڕایگەیاند: سەرەتای ئەم هەفتەیە بەرپرسێكی وەزارەتی دەرەوە دانوستانی ڕاستەوخۆی لەگەڵ شاندێكی پارتە سەرەكیەكەی كوردی سوریە(پەیەدە) ئەنجامداوە. ئەوەش لەكاتێكدایە كە ئەمریكا سەرقاڵی دروستكردنی هاوپەیمانێتییەكە لە دژی داعش لە ناوچەكەدا.