زاگرۆس پۆست
ژمارەیەك لە ئەندامی پارتی سۆسیال دیمۆكرات SDP لە ئانكارا پایتەختی وڵاتی توركیە بە دروشمی “كۆبانێ سەردەكەوێ” چوونە نێو دەفتەری كەناڵی ئەلجەزیرە توركی لە ئانكارا و پلاكاردێكیان لە پەنجەرەی بیناكە هەڵواسی و پشتیوانی خۆیان بۆ كۆبانێ دووپات كردەوە.
دوای ئەوەی خۆپێشاندەران كاژێر 9:30 خوولەك چوونە نێو دەفتەرەكە، ژمارەیەكی زۆر پۆلیس چوونە نێو دەفتەرەكە و فلێكسی خۆپێشاندەرانیان هێنایەخوارەوە و 9 خۆپێشاندەریان دەستگیركردن كە سیانیان ژنن، دوای كاتژمێرێك لە بەردەوامبوونی خۆپێشاندانە سەرجەمیان برانە بنكەی پۆلیسی ئانكارا.
