هه‌ینی 15 تشرینی دووه‌م 2019
ماڵەوە / کوردستان / پارێزەری چالاكە سیاسی و مەدەنیەكان خۆی بە زیندان ناساند

پارێزەری چالاكە سیاسی و مەدەنیەكان خۆی بە زیندان ناساند

مەسعود شەمس نژاد یەكێك لە پارێزەرە ناسراوەكان بە تۆمەتی پڕوپاگەندە دژی كۆماری ئیسلامی بە 4 مانگ زیندان مەحكوم كراوە، كە ئەمڕۆ بە مەبەستی جێبەجێ كردنی حوكمەكەی خۆی بە زیندانی شاری ورمێ ناساند.

مەسعود شەمس نژاد لەو پارێزەرە ناسراوانەیە كە پارێزگاریی لە دۆسیەی دەیان چالاكی سیاسی و مەدەنی لەوانە چەند چالاكی سیاسی مەحكوم بە ئێعدام بە ناوەكانی: “حەبیب ئەفشاری، رزگار ئەفشاری، حەبیب گوڵپەریپوور، حسێن خزری و عەلی ئەحمەدی سلێمان”ی لە ئەستۆدا بووە.

عوسمان مەزین پارێزەری مەسعود شەمس نژاد بە هەواڵنێریی موكریانی راگەیاندووە كە، بە پێی بڕیاری سەرۆكی لقی 2ی دادگای ورمێ، تۆمەتی ئەندامیەت لە یەكێك لە حیزبە كوردیە نەیارەكانی كۆماری ئیسلامی لە سەر شەمس نژاد لابراوە، بەڵام بە تۆمەتی پڕوپاگەندە دژی كۆماری ئیسلامی لە لایەن لقی 9ی دادگاوە بە 4 مانگ زیندان مەحكوم كراوە، كە بۆ جێبەجێ كردنی ئەو حوكمە ئەمڕۆ خۆی بە دادگا ناساندووە.

 

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.