هەواڵ

بۆ هەركام لە چالاكانی كرێكاریی “مەحمود ساڵەحی” خەڵكی شاری سەقز و “عوسمان ئیسماعیلی” خەڵكی شاری مەهاباد، حوكمی 15 رۆژ زیندان دەركراوە.

نوێنەری هەرێمی كوردستان لە تاران باس لە‌و رێكەوتنە دەكات كە بەهۆی كۆمەڵە‌و دیموكرات شەڕی چەكدارییان بەرامبەر بە ئێران راگرت‌و دەڵێت “هەر هێزێك كە پابەندی نەبووبێت لە هەرێمی كوردستان كراوەتە دەرەوە “.

8 كرێكاری سەدی “زاگرۆس” لە شاری گیلانغەرب لەسەر كارەكانیان دەركران.

بەرپرسێكی باڵای وڵاتی یەمەن رایگەیاند كە چەندین ئەندامی سەر بە سپای پاسدارانی ئێران لە یەمەن لەلایەن هێزەكانی ئەو وڵاتەوە بە دیل گیراون.

پاش تێپەڕبوونی نزیكەی 2 هەفتە لە دەستگیركردنی جیاجیای 19 چالاكی مەدەنی، سیاسی و كرێكاریی كورد لە لایەن هێزەكانی كۆماری ئیسلامیەوە، هەتا ئێستاش چارەنووسی ژمارەیەكیان نادیارە.

دوو گروپی شاخەوانیی كوردستان بە سەر شاخی شاهۆ لە ناوچەی كرماشان دا سەركەوتن.

بە بۆنەی رۆژی جیهانی ” زەوی خاوێن” زیاتر لە 10رێگەی نێوان ئاوایی “ناو”ی سە بە سەوڵاوا ـ كانی بڵ لەلایەن لایەنگرانی ژینگە لە دوو پارێزگای سنه و ئیلام خاوێن كرایەوە.

لەپلینۆمی پێنجەمی كومیتەی ناوەندیی كۆمەڵەی زەحمەتكێشان جەخت لەسەر پێكهێنانی هێزێكی لێهاتووی پێشمەرگە دەكرێتەوە‌و باس لە ئامادەكاریی بۆ حوزوری هێزی پێشمەرگەی كۆمەڵە لەناوخۆ كوردستان دەكرێتەوە.

دەوترێ ئەبوبەكر بەغدادی سەرۆكی گرووپی دەوڵەتی ئیسلامی (داعش) بە هۆی بوردمانەكانەوە ئیفلیج بووە.

كۆماری ئیسلامی ئێران ساڵانێكە دەیەوێ لەو شوێنانەی كە دەگونجێ دیوار و لە هەندێك شوێنیش خەندەق لێبدات، ئەوەش بەمەبەستی داخستنی سنوورەكان بەڕووی كۆڵبەران و كاسبكاران و هەروەها ئەنجامدانی كردەوەی نیزامیی لە لایەن هێزە نەیارەكانی حكومەت هاتووەتە ئاراوە، بەڵام تا ئێستا ئەو پڕۆژەیە سەركەوتوو نەبووە تەنیا خەرجییەكی زۆرتری لەسەر دەستی ئێران داناوەو هێشتا كەموكوڕیشی هەیە.

مانگی‌ رابردوو  چوار هەزارو 811 كەس لە عێراق كوژراون و هەزارو 358 كەسی‌ دیكە برینداربون، لە ناوچەی‌ بەنداوی‌ نازم سەرساریش تەرمی‌ 13 سەرباز دۆزرانەوە، كە پێشتر لەلایەن داعشەوە كوژراون.

چەكدارانی داعش دوێنێ هەینی 11ی مانگی گوڵان لانیكەم 50 كوردی ئێزیدیان لەناوچەی تەلعفەر لە 56 كیلۆمەتری شاری موسڵ گوللەباران كرد.

ژمارەیەك لە خوێندكارانی زانكۆی سنە سەبارەت بە بڵاوكردنەوەی مادەی هۆشبەر لەو زانكۆیە، ناڕازین.

كۆمیسیۆنی ئامریكایی ئازادیی مەزهەب لە جیهاندا، رایگەیاند دۆخی ئازادیی لە ساڵی ٢٠١٤ی زایینیدا لە وڵاتی ئێران خراپتر بووە.

بەپێی ڕاپۆرتی نهێنیی كارناسانی ڕێكخراوی نەتەوە یەكگرتووەكان كە بۆ شورای ئەمنیەتی ئەو ڕێكخراوە نێردراوە، ئێران هەر نەبێ لە ساڵی ١٣٨٨ بەم لاوە خەریكی پڕچەككردنی شیعە حوسییەكانی یەمەنە.

لە شاری بۆكان30  كۆنە ڕاوچیی بە ئەزموون، وازیان لە ڕاوكردن هێناوە و نزیك بە 30 كەویشیان گەڕاندووەتەوە بۆ داوێنی سروشت.