زاگرۆس پۆست
بۆ هەركام لە چالاكانی كرێكاریی “مەحمود ساڵەحی” خەڵكی شاری سەقز و “عوسمان ئیسماعیلی” خەڵكی شاری مەهاباد، حوكمی 15 رۆژ زیندان دەركراوە.
بە پێی راپۆرتی “زاگرۆس پۆست”، بنەماڵەكانی “مەحمود ساڵەحی و عوسمان ئیسماعیلی” رایگەیاندووە: بە تێپەڕبوونی 6 رۆژ لە بڕیاری دەستگیكردنی ئەم دوو چالاكە كرێكارییە، لقی 5ی دادیاریی دادسەرای ئینقلابی شاری سنە و چاوپێكەوتن لەگەڵ قازیی ئەو لقە، زانیویانە كە ئەو 2 چالاكە كرێكارییە بە تۆمەتی پێكهێنانی رێكخراوە كرێكارییەكان، حوكمی 15 رۆژ زیندانیان بۆ بڕاوەتەوە.
ئەوان هەروەها رایانگەیاندووە: ئێمە وەك بنەماڵەكانی مەحمود ساڵەحی و عوسمان ئیسماعیلی وێڕای مەحكوم كردنی دەستگیركرانی ئەم كەسانە خوازیاری ئازادیی خێرای ئەو چالاكە كرێكارییانەین.
جێگای ئاماژەیە، لە ماوەی چەند مانگی رابردوو و بەتایبەت لە ماوەی رۆژانی رابردوو بە نزیك بوونەوە لە رۆژی جیهانیی كرێكار دەیان كەس لە چالاكانی كرێكاریی كوردستان دەستگیر و تا ئێستا چارەنووسی نزیكەی 20 كەسیان هێشتاكە نادیارە.
