کوردستان

گۆڕێكی بەكۆمەڵی‌ لە باكووری‌ خۆرئاوای‌ شاری‌ موسڵ‌ دۆزرایەوە كە 400 تەرمی‌ تێدایە.

سه‌رله‌به‌یانیی دوێنێ شه‌مه پێشمه‌رگه‌یه‌کی کچی خه‌ڵکی رۆژهه‌ڵاتی کوردستان‌و ئه‌ندامی ‘پارتی ئازادیی کوردستان'(پاک) له میحوه‌ری که‌رکوک له ئاکامی تۆپبارانکردنی ده‌وڵه‌تی ئیسلامی ناسراو به داعش بۆ سه‌ر سه‌نگه‌ره‌کانیان گیانی له‌ده‌ستدا.

دوای ئه‌وه‌ی کۆمه‌ڵه‌ی زه‌حمه‌تکێشان پرۆژه‌ی یه‌کگرتنه‌وه‌ له‌گه‌ڵ کۆمه‌ڵه‌ی شۆڕشگێڕی به شکستخواردوو ناوبرد، کۆمه‌ڵه‌ی شۆڕشگێڕ ئۆباڵی ئه‌و چاره‌نووسه‌ی خستووه‌ته ئه‌ستۆی لیژنه‌ی دانووستانکاری کۆمه‌ڵه‌ی زه‌حمه‌تکێشان‌و وێڕای نه‌خشه‌ رێگایان بۆ یه‌کگرتنه‌وه روونکردنه‌وه‌یان له‌و باره‌وه بڵاو کردووه‌ته‌وه.

رۆژی دووشەممەی رابردوو كومیتەی ناوەندی كۆمەڵەی زەحمەتكێشانی كوردستان راگەیەنراوێكی سەبارەت بە بنبەست گەیشتنی پرۆسەی یەكگرتنەوە لەگەڵ كۆمەڵەی شۆڕشگێری زەحمەتكێشانی كوردستانی ئێران بڵاوكردەوە. زاگرۆست بە پێویستی زانی بۆ ئاگاداری زیاتری خوێنەران دەقی هەر دوو نەخشەڕێگای پێشنیار كراوی هەردوو لایەنی كۆمەڵە بڵاوبكاتەوە.   نەخشە رێگای كۆمەڵەی زەحمەتكێشانی كوردستان كە لە رێكەوتی (2ی نۆڤامبری 2013) نوسراوە‌و ئاراستەی كۆمەڵەی شۆِشگێڕ كراوە. لێرە بیخوێنەرەوە نەخشە …

دوێنێ دووشەممە پێنج حیزبی رۆژهەڵاتی كوردستان (سێ كۆمەڵەكە‌و دوو دیموكراتەكە) كۆبوونەوە‌و بڕیاریاندا بۆ چەندین پرسی گرنگ، كۆمیتەیەكی هاوبەش پێكبێنن.

دوای ماوەی نۆ مانگ وتووێژو دیاڵۆگ بۆ یەکگرتنەوەی دوو باڵی کۆمەڵە، لە راگەیەندراوێک‌دا کۆمەڵەی زەحمەتکێشانی کوردستان بە سەرۆکایەتیی عومەر ئیلخانی‌زادە رادەگەیەنن کە هەوڵەکانیان بۆ یەکگرتنەوەی دوو باڵی کۆمەڵە لە ئێستادا لەگەڵ حیزبی کۆمەڵەی شۆرشگێری زەحمەتکێشانی کوردستانی ئێران بە سەرۆکایەتیی عەبدوڵڵا موهتەدی نەگەیشتە ئاکام‌و پرۆسەکە شکستی هێناوە. دەقی راگەیەندراوەكە: ڕاگەیاندنی کۆمەڵەی زەحمەتکێشانی کوردستان سەبارەت بە پرسی یەکگرتنەوە خەڵکی تێکۆشەر و ئازادیخواز! …

35 كەس لە ئەندامانی كۆمەڵەی شۆڕشگێڕی زەحمەتكێشانی كوردستانی ئێران داوایان لە عەبدوڵڵا موهتەدی سكرتێری گشتیی حیزبەكەیان كردووە، كە واز لە پۆستەكەی بهێنێ. ئەو 35 ئەندامەی كۆمەڵەی شۆرشگێڕی زەحمەتكێشان بەهۆی ناڕەزایەتی لە دەركردنی شەش كەس لە ئەندامانی پێشووی رێبەریی كۆمەڵە و هۆشدار بە سێ كەسی دیكەش، ئەو داواكارییەیان راگەیاندووە. ئەو نۆ كەسەش لە نامەیەكی دیكەدا رایانگەیاندبوو كە”ئەو بڕیارە بەلای ئێمەوە هیچ …

شارۆمەندێكی خەڵكی ورمێ بەناوی جەعفەر میرزایی رۆژی 15ی گەلاوێژی ئەمساڵ بەهۆی ئەوەی ئاڵای كوردستانی لەسەر كڵاوی منداڵەكەی دابوو لەلایەن هێزەكانی ئیتلاعاتەوە دەستگیر دەكرێت.

رۆژی شه‌ممه‌ی رابردوو رێکه‌وتی یه‌کی خه‌رمانان به‌رپرسێکی سپای پاسداران به ناوی لوقمان له لایه‌ن که‌سانێکی نه‌ناسراوه‌وه‌ کوژرا.

خاوه‌ن شیرنی خانه‌یه‌ک له ورمێ به ناوی سه‌لام ئه‌حمه‌دی به هۆی نه‌گۆڕینی ناوی دووکانه‌که‌ی (لاوان) و هه‌روه‌ها  بینینه‌وه‌ی شیرینییه‌ک له شێوه‌ی ئاڵای کوردستان له کامپیوتێره‌که‌ی له لایه‌ن ئیتلاعات‌ی ورمێ‌وه ده‌ستبه‌سه‌رو دواتر ره‌وانه‌ی به‌ندیخانه‌ی ئه‌و شاره کرا.

له به‌ره‌به‌یانی رۆژی هه‌ینیی رابردووه‌وه ژماره‌یه‌ک له هێزه‌کانی هه‌ردوو باڵی کۆمه‌ڵه‌ی زه‌حمه‌تکێشان‌و کۆمه‌ڵه‌ی شۆڕشگێڕ بۆ به‌شداریکردنی شه‌ڕ دژ به داعش چوبونه ناوچه‌ی نادرئاوای رۆژئاوای که‌رکوک، به‌ڵام به هۆی گوشاره‌کانی کۆماری ئیسلامی دواجار ناچار کران سه‌رله‌ئێواره‌ی دوێنێ دووشه‌مه هێزه‌کانیان بکشێننه‌وه.

رۆژی هەینی رابردوو هێزێک لە پێشمەرگەكانی كۆمەڵەی زەحمەتكێشانی كوردستان بۆ پشتیوانی هێزی پێشمەرگەی كوردستان‌و شەڕ لەگەڵ چەكدارانی داعش رەوانەی بەرەكانی شەڕ كران.

به‌رپرسانی کۆماری ئیسلامی له شاری بۆکان به سوود وه‌رگگرتن له هه‌لی کۆکردنه‌وه‌ی یارمه‌تیی خه‌ڵکی بۆ لێقه‌وماوانی شنگال، هه‌وڵی ره‌وانه‌کردنی پاره‌و یارمه‌تییه خه‌ڵکییه‌کان بۆ غه‌زه ئه‌ده‌ن.

له ماوه‌ی یه‌ک حه‌فته‌ی رابردوودا که‌مپه‌ینی کۆکردنه‌وه‌ی یارمه‌تی بۆ کۆبانی‌و شنگال له زۆربه‌ی شاره‌کانی رۆژهه‌ڵات رێژه‌یه‌کی به‌رچاو له پێداویستییه سه‌ر‌ه‌تاییه‌کانی بۆ خه‌ڵکی ئه‌و ناوچانه دابین کردو تا ئێستاش شاری مه‌ریوان به کۆکردنه‌وه‌ی بڕی 150ملیۆن تمه‌ن یارمه‌تی سه‌رتۆپی شاره‌کانی رۆژهه‌ڵاته.

له ماوه‌ی حه‌فته‌ی رابردووداو دوای لێقه‌ومانی خه‌ڵکی شنگال، جه‌ماوه‌ی رۆژهه‌ڵاتی کوردستان له زۆربه‌ی شاره‌کان ده‌ستیان داوه‌ته کۆکردنه‌وه‌ی هاوکاری‌و پێداویستییه سه‌ره‌تاییه‌کان.

لەنامەیەكدا لە ژێرناوی “وەڵامی ڕەخنە بە تەسفیەیی حیزبی درایەوە!” ژمارەیەك لە ئەندامانی پێشووی كۆمیتەی ناوەندی كۆمەڵەی شۆڕشگێڕ، بەبۆنەی دەركردنی ژمارەیەك لە ئەندامانی پێشووی كۆمیتەی ناوەندی، رەخنەیەكی توند ئاراستەی سەركردایەتی ئەو حیزبە دەكەن.