هەواڵ

بە وتەی یەكێك لە ئەندامانی كومیسیۆنی بێهداشت و دەرمانی مەجلیسی ئێران، نزیكەی 12 میلیۆن نەخۆشی دەروونی وعەسەبی لە ئێراندا بوونی هەیە.

“عەزال فەهداوی” ئەندامی ئەنجوومەنی پارێزگای ئەنبار رایگەیاند: دوای شەڕێكی سەخت لەگەڵ هێزە ئەمنییەكانی عێراق، چەكدارانی داعش ناوچەی دوورگەی ئەلبوفەهد و شارەدێی حسێبەیان لە رۆژهەڵاتی شاری رومادی ناوەندی پارێزگاكە كۆنترۆڵ كرد.

لە ماوەی رۆژانی رابردوو بە هۆی تەقەی هێزەكانی كۆماری ئیسلامی لە كۆڵبەران و كاسبكارانی كورد لە رۆژهەلاتی كوردستان، 2 كۆڵبەری دیكە گیانیان لەدەستداوە.

دەوڵەتی هۆلەند گەڵاڵەی قەدەغەكردنی كەڵك وەرگرتن لە بورقع و رووبەندی ئیسلامی لە شوێنە گشتییەكان و بەتایبەت لە قوتابخانەكان، نەخۆشخانەكان و كەلوپەلی هاتوچۆ كردن، پەسەند كرد.

گەریلاكانی پارتی كرێكارانی كوردستان PKK لەسەر سنوورەكانی نێوان باشوور و رۆژهەڵاتی كوردستان لە ناوچەی كێلەشین، لە دوێنێ پێنجشەممەوە گەمارۆی هێزێكی (حیزبی دیموكراتی كوردستانی ئێران)یان داوە.

بەپێی ئامارە ڕەسمییەكان 75%ی زیندانییان لە ئێران گیرۆدەی مادەهۆشبەرەكانن و بە پێی وتەی وەزیری بێهداشت كە سەردانی یەكێك لە زیندانەكانی ئێرانی كردوە، ئەو زیندانییانە وەك “بۆمبی سەعاتی”یان لێ هاتووە و لەوانەیە لە هەر كات و ساتێكدا بتەقێنەوە و رێژەی زیندانیان لە ئێران دوو هێندەی زەرفیەت و ستانداردی دیاریكراوە.

بە پێی دوایین ئامارە فەرمیەكانی خودی كۆماری ئیسلامی ئێستاكە لە ئێران زیاتر لە 11 هەزار ئیمام زادە بوونی هەیە.

سەرچاوەیەكی بەرپرس، لە دەروازی “وەلید”ی سەر سنووری عێراق وسوریە ئاشكرای كرد، پاش ئەوەی لەو دەروازەیە كشانەوە و هەڵهاتن هێزەكانی حكومەتی سوریە گڕیان لە باڵاخانە و بیناكانی خزمەتگوزاریی لە دەروازەی سنووری “تنفی” سوریە وەرداوە كە دەكەوێتە بەرامبەر دەروازەی وەلیدی، سنووری عێراق.

لە ماوەی 72 كاتژمێردا لە ئێران و لە لایەن دام و دەزگا قەزایی و ئەمنیەتیەكانی كۆماری ئیسلامیەوە 32 كەس لەسێدارە دران.

كەناڵی ٢ی ئاسمانیی سوید(P2)، ریزبەندێكی لە هونەرمەندانی نیشتەجێی ئەو وڵاتە بڵاو كردووەتەوە، كە ناوی هونەرمەند “ناسر رەزازی” لە ریزی یەكەمدایە و وەكوو باشترینەكان دیاری كراوە.

تیمێكی شاخەوانیی كوردستان پێكهاتوو لە شاخەوانانی شاری سەقز بە سەر لووتكەی كێوی “بڵقەیس”دا سەركەوتن.

وێڕای ئازادكردنی ژمارەیەكی كەم لە دەستگیركراوەكانی خۆپیشاندانەكەی رۆژی پێنجشەممە لە شاری مەهاباد، ژمارەیەكی زۆر لەو كەسانە هێشتاكە لە گرتووخانەكانی ئیدارەی ئیتلاعاتدان و بەرەوڕووی ئەشكەنجە و لێدان بوونەتەوە.

ڕێكخراوی دەوڵەتی ئیسلامی (داعش)، دەستی بە سەر شاری تەدمر (پالمیرا) لە نێوەڕاستی سوریەدا گرت و هێزەكانی سەر بە بەشار ئەسەدی لەو شارە دەركرد.

تەرمی ئۆستوار یەكەم “سادق یوسفی” كە بە پێی راگەیەندراوەكانی كۆماری ئیسلامی سەرلەبەیانی دوێنێ چوارشەممە 30 مانگی گوڵان بە دەستی هێزی پێشمەرگەی كوردستان لە پاسگای سنووری ئاوایی “ئەنجیران” لە شاری مەریوان كوژرابوو، دوانیوەڕۆی هەمان رۆژ ئەسپەردە كرا.

لە ماوەی دوو رۆژی رابردوو 21 كەس لە شارە جیاجیاكانی ئێران لە لایەن دام و دەزگا قەزایی و ئەمنیەتیەكانی كۆماری ئیسلامیەوە بە تۆمەتگەلێكی جیاواز لەسێدارە دراون.

لە ماوەی رابردوودا چالاكێكی كلتووریی كورد لە شاری سنە و 4 چالاكی دیكەش لە شاری مەهاباد لە لایەن هێزەكانی كۆماری ئیسلامیەوە دەستگیر كراون.