یه‌ك شه‌ممه‌ 9 كانونی یه‌كه‌م 2018
ماڵەوە / جیهان / شارێكی دیكەی سوریە لە لایەن داعشەوە دەستی بەسەردا گیرا

شارێكی دیكەی سوریە لە لایەن داعشەوە دەستی بەسەردا گیرا

ڕێكخراوی دەوڵەتی ئیسلامی (داعش)، دەستی بە سەر شاری تەدمر (پالمیرا) لە نێوەڕاستی سوریەدا گرت و هێزەكانی سەر بە بەشار ئەسەدی لەو شارە دەركرد.

بە پێی راپۆرتی سەرچاوەكانی هەواڵ، دوێنێ چوارشەممە 30 مانگی گوڵان داعش دوای شەڕێكی سەخت، دەستی بە سەر شاری تەدمری سوریەدا گرت. لەمبارەیەوە “ڕامی عەبدولڕەحمان”، بەڕێوەبەری ڕوانگەی سووری بۆ مافەكانی مرۆڤ بەیاننامەیەكی بەپەلەی بڵاو كردەوە و تێیدا ڕایگەیاند: “داعش بە تەواوەتی، شاری تەدمری لە ناوەڕاستی سوریەدا داگیر كردووە و هێزەكانی سەر بە “بەشار ئەسەد” لە هەموو ناوچەكاندا بە تەواوی كشاونەتەوە. بە وتەی ناوبراو، تا ئێستە تەنیا زیندانی تەدمر لە ڕۆژهەڵاتی شارەكە و بارەگای هەواڵگریی سەربازی لە ڕۆژئاوای ئەوشارە كە ژمارەیەكی زۆر سەربازیان تێدایە، لە لایەن داعشەوە داگیر نەكراون.

شاری تەدمر، یەكێكە لە گرنگترین شارە مێژوویییەكانی جیهانە كە پێشتر پایتەختی شانشینی تەدمر بووە و ئێستە شارێكی گەشتیارییە كە دەكەوێتە پارێزگای حەمس لە نێوەڕاستی سوریە. ئەو شارە 215 كیلۆمتر لە باكووری ڕۆژهەڵاتی شاری دەمشقی پایتەختی سوریەوە دوورە و 150 كیلۆمەتریش لە باشووری ڕۆژئاوای ڕووباری فورات و 160 كیلۆمەتری ڕۆژهەڵاتی شاری حەمس هەڵكەوتووە. شارەكە ئێستە لە سوریەدا بە “بووكی بیابان” ناودەبرێت، بە هۆی ئەو دیمەنە جوانانەی كە شوێنەوارەكانی دەیبەخشن، بەڵام نازانرێت دوای داگیركردنی لە لایەن داعشەوە، چیتر وەك بووكی بیابان دەمێنێتەوە، یان نا.

بابەتی هاوپۆل

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.