ئێران

دوای ئه‌و‌ه‌ی هه‌واڵنێرییه‌کان رایان گه‌یاند پێنج سه‌ربازی سنوورپارێز له به‌لووچستانی ئێران بێسه‌روشوێن بوون، ئێواره‌ی ئه‌مڕۆ شه‌مه جه‌یشولعه‌دل که گرووپێکی سه‌له‌فیی جیهادییه به بڵاوکردنه‌وه‌ی وێنه‌ی ئه‌و سه‌ربازانی به‌رپرسایه‌تیی به دیل گرتنی به ئه‌ستۆ گرتن.

دوای ئه‌وه‌ی له ماوه‌ی رابردوودا لایه‌نی ئوسوڵگه‌رای کۆماری ئیسلامی ره‌خنه‌یان له هه‌ڵوێستی نه‌رمی تیمی رۆحانی‌و به تایبه‌ت محه‌مه‌دجه‌واد زه‌ریف وه‌زیری ده‌ره‌وه‌ی ئێران روو له ئیسراییل گرت، لایه‌نی به‌رامبه‌ر سوربونی خۆیان له سه‌ر هه‌ڵوێستی سیاسییان ده‌ربڕیوه‌و ئه‌و جیاوازییه گه‌یشتووه‌ته ئاستی نێوده‌وڵه‌تی.

كاتژمێر 6ی سەرلەبەیانی رۆژی پێنج شەممە 17ی رێبەندان هێزەئەمنیەتیەكانی كۆماری ئیسلامیی لە شاری تەورێز پارێزەرێكیان بە ناوی غوڵامڕەزا خەلیلی دەسبەسەركرد. ئەم پارێزەرەی دادگا پاش دەسبەسەركردن لە لایەن هێزەئەمنیەتیەكان گوازراوەتەوە بۆ شوێنێكی نادیارو تا ئێستا هیچ زانیاریەك لە شوێن‌و چارەنووسی لەبەردەستدا نیە. سەرچاوەیەكی نزیك لە بنەماڵەی ئەم پارێزەرە بە كەمپێنی بەرگری لە زیندانیانی سیاسی‌و مەدەنی راگەیاند، تا ئێستا‌و پاش دەسبەسەركردنی غوڵامڕەزا …

هه‌واڵده‌ریی حکومه‌تیی ئیرنا بڵاویکرده‌وه‌: سه‌رۆکی ده‌زگای ده‌‌نگ‌وره‌‌نگی ئێران رێگه‌ی نه‌داوه وتووێژی زیندووی رۆحانی له‌گه‌ڵ خه‌ڵک بڵاو بێته‌وه.

دوای ئه‌وه‌ی ده‌وڵه‌تی کۆماری ئیسلامی پێدانی چه‌ند کیلۆیه‌ک خۆراکی بۆ ژماره‌یه‌ک له بنه‌ماڵه‌کانی ئێران په‌سه‌ند کرد، له زۆربه‌ی شاره‌کاندا ریزی دورودرێژ له خه‌ڵکی هه‌ژار بۆ وه‌رگرتنی نیوه‌ناچڵی ئه‌و پێداویستییانه رێکه‌وت که تا ئه‌مڕۆ چوارشه‌مه 5/2/2014 سێ که‌س کوژراون‌و که‌سێکیش له ئیلام خۆی کوشتووه، که زانراوه هۆکاری خۆکوژییه‌که‌ی ئه‌وه‌ بووه نه‌یتوانیوه خۆراکه‌که وه‌ربگرێت‌و به‌و شێوه‌یه بێهیوا بووه. ئه‌م ڤیدیۆیه، دیمه‌نێکی کورته …

رێكخراوی تەندروستی جیهانی رایگەیاند، جیهان لە ماوەی 20 ساڵی داهاتوو لەبەردەم شەپۆلێكی گەورەی كوشندە بە ناوی شێرپەنجەیە‌و پێشبینی دەكرێت كە ئامارەكانی تووشبوون بەم نەخۆشیە تا 70 لە سەد بەرز بێتەوە كە دەكاتە 25 ملیۆن كەس لە ساڵدا. تەندروستی جیهانی لە نوێترین راپۆرتی خۆیدا سەبارەت بە نەخۆشی شێرپەنجە كە هاوكات لەگەڵ رۆژی جیهانی ئەم نەخۆشیە بڵاوی كردوتەوە تەئكید دەكاتەوە كەڵك وەرگرتن …

دوای وتووێژی ته‌له‌فونی محه‌مه‌دعه‌لی محه‌مه‌دیان مامۆستای خوێندنگای شێخ شه‌ڵتوتی مه‌ریوان له‌گه‌ڵ رۆژنامه‌ی گاردیه‌ن، ژماره‌یه‌کی زۆر له هه‌واڵنێرییه‌کانی ئێران  وتووێژی ئه‌و مامۆستایه‌یان له‌گه‌ڵ گاردیه‌ن چه‌واشه‌کارانه بڵاو کرده‌وه.

‘عه‌لی دێهباشی’ به‌رپرسی گۆڤاری بوخارا به تۆمه‌تی سوکایه‌تی کردن به ژنانی داپۆشراو دادگایی کرا. له‌و پێوه‌ندییه‌دا هه‌واڵده‌ری حکومه‌تیی فارس رایگه‌یاندووه‌ دێهباشی به تاوانی چاپ‌و بڵاوکردنه‌وه‌ی بابه‌تی پێچه‌وانه‌ی یاسای ئیسلامی له چوارچێوه‌ی سووکایه‌تیکردن به په‌چه‌ی ژناندا سزا دراوه. سزای دێهباشی جگه له‌وه‌ی له لایه‌ن دادواکاری گشتیی دادگای شۆڕش‌و گشتییه‌وه پێی راگه‌یه‌نراوه، له لایه‌ن لیژنه‌ی لێکۆڵه‌ری دادگاوه پشتڕاست کراو‌ه‌ته‌وه. له لایه‌کی تره‌وه‌و …

دابه‌دوای په‌سه‌ندکردنی یارمه‌تیی مانگانه ناسراو به به‌سته‌ی پێداویستیه‌کان، ناڕه‌زایه‌تی به شێوه‌ی دابه‌شکردنی زۆربه‌ی چین‌و توێژه‌کانی ناو ئێران‌و داموده‌زگای حکومه‌تییه‌کانیشی گرتووه‌ته‌وه. به گوێره‌ی ئه‌و مه‌رجانه‌ی بۆ به‌هره‌مه‌ندبوون له به‌سته‌ی پێداویستیه‌کان دیاریکراوه، پێویسته موچه‌ی مانگانه‌ی به‌رپرسی بنه‌ماڵه که‌متر له 500،000 تمه‌ن بێت تا ئه‌و یاسایه بیگرێته‌وه. دروشمی ده‌وڵه‌ت بۆ ئه‌م پلانه ئه‌وه بووه که زۆربه‌ی کرێکاران لانیکه‌م موچه وه‌رده‌گرن‌و ئه‌و پلانه‌ش ده‌‌یانگرێته‌وه، …

هاشم شەعبانی نژاد‌و هادی راشدی دوو هەڵسووڕاوی فەرهەنگیی عەرەب لە شاری رامشیری ئەهواز ئێعدامكران‌و سەرچاوەكان باس لەوە دەكەن ئێعدامی ئەو دوو چالاكە رۆژی یەكشەممەی رابردوو ئەنجامدراوە‌و ئەمڕۆ بنەماڵەكانیان ئاگاداركراونەتەوە. بە پێی هەواڵی كەمپێنی بەرگری لە زیندانیانی سیاسی‌و مەدەنی، حوكمی ئێعدامی هاشم شەعبانی نژاد هادی راشدی دوو چالاكی بواری فەرهەنگیی لە شاری رامشیر لە لایەن لقی 32ی دیوانی باڵا تەئیدكراوە‌و هاوكات …

پۆلیسی هێند رۆژی سێشەممە 8ی رێبەندان رایگەیاند، پیاوێك لە ناوچەی توریستی گوا هەڵكەوتوو لە باشوری رۆژئاوای هێند دەسبەسەركراوە كە بە دەستدرێژیی كردنەسەر كچێكی 4 ساڵ تەمەنی ئێرانی تاوانبار كراوە. بە وتەی پۆلیسی هێند، رۆژی دووشەممە 7ی رێبەندان پیاوێكی 32 ساڵ تەمەن لە ئاوایی باكووری ئارپورا بە هێرشكردن بۆسەر كچێكی 4 ساڵ تەمەن كە خەڵكی ئێرانەو هاوڕێ لەگەڵ دایكی بە مەبەستی …

ئەحمەد تەوەكولی ئەندامی كۆمیسیۆنی بەرنام‌و بووجەی مەجلیس رایگەیاند، لە ساڵی داهاتوو نرخی كەرەسەی سووتەمەنی دوو ئەوندە بەرز دەبێتەوە. هاوكات كاربەدەستانی دەوڵەتی رووحان لە مانگەكانی رابردوو چەندین جار رایانگەیاندووە، دەوڵەتی توانای دانی یارانەكانی نیە، بۆیە لە مانگەكانی داهاتوو پرۆژەی كەمكردنەوەی یارانەكان لە هەیئەتی دەوڵەت دەدرێتە بەر باس‌و لێكۆڵینەوە. بە پێی ئەم گەڵاڵەی دەوڵەتی رووحانی لانیكەم 25 ملیۆن كەس لە وەرگرتنی یارانەكان …

بێهروز كەمالوەند وتەبێژی رێكخراوی وزەی ناوكیی ئێران، رۆژی سێشەممە 8ی رێبەندان رایگەیاند، لێكۆڵەرانی ئاژانسی نێونەتەوەیی وزەی ناوكیی بە مەبەستی سەردانی ناوندی كانگای ئۆرانیۆمی گەچین سەردانی تارانیان كرد. ناوبراو ئاماژەی بەوەدا ئەم سەردانە بە هاوئاهەنگی بەرپرسانی پادمانی رێكخراوی وزەی ناوكیی ئێران ئەنجام دەدرێت‌و ئەم كەسانە بڕیارە سبەی شەو پاش گەڕانەوە لە بەندەرعەباس سەردانی شوێنە ناوكیەكانی دیكەی ئێران بكەن. كۆماری ئیسلامیی رۆژی …

لە كاتێكدا كە سەرۆكی مەجلیسی شورای ئیسلامی لە دژكردەوە بە هەڕەشەكانی ئەمدواییانەی وەزیری دەرەوەی ئەمریكا خوازیاری زۆربوونی بووجەی نیزامیی ئێران بوو، رۆژنامەیەكی چاپی تاران لە راپۆرتێكی خۆیدا ئاماژەی بەوەدا، بووجەی نیزامیی ئێران لە ساڵی داهاتوو 9 لە سەد كەم دەبێتەوە. دەوڵەتی رووحانی بووجەیەكی بۆ بەشی نیزامیی پێشنیاركردووە كە بریتیە لە 1 ملیارد‌و 223 میلۆن دۆلار كە ئەم رێژەی نیشانیدەدات لە …

کۆماری ئیسلامی ئه‌مڕۆ شه‌مه ئامارێکی نوێی له ژنانی شاریی توشبوو به ماده هۆشبه‌ره‌کان راگه‌یاند که برێتییه له 10%ی کۆی ژنان.

چالاکانی مافی مرۆڤ بڵاویان کرده‌وه، ئه‌مرٶ پێنجشه‌مه 7که‌س له زیندانیانی به‌ندیخانه‌ی دیزڵاوای کرماشان له سێداره‌دراون. راگه‌یاندنی کۆماری ئیسلامی تاوانی ئه‌و 7 که‌سه‌ی قاچاخی ماده هۆشبه‌ره‌کان راگه‌یاندووه.