زاگرۆس پۆست
پۆلیسی هێند رۆژی سێشەممە 8ی رێبەندان رایگەیاند، پیاوێك لە ناوچەی توریستی گوا هەڵكەوتوو لە باشوری رۆژئاوای هێند دەسبەسەركراوە كە بە دەستدرێژیی كردنەسەر كچێكی 4 ساڵ تەمەنی ئێرانی تاوانبار كراوە.
بە وتەی پۆلیسی هێند، رۆژی دووشەممە 7ی رێبەندان پیاوێكی 32 ساڵ تەمەن لە ئاوایی باكووری ئارپورا بە هێرشكردن بۆسەر كچێكی 4 ساڵ تەمەن كە خەڵكی ئێرانەو هاوڕێ لەگەڵ دایكی بە مەبەستی سەفەری گەشتیاریی رۆیشتبوونە وڵاتی هێند دەستدرێژیی كراوەتە سەری.
ئەو مێرمنداڵە كچە باسی ئەو روداوەو دستدرێژیی كردنەسەرەی لەگەڵ دایكی باسكردووە‌و ئەویش دەسبەجێ پۆلیسی لەو رووداوە ئاگادار كردوتەوە.
پاش ناڕەزایەتیەكانی ساڵی رابردووی خەڵكی هێند بە دەستدرێژیكردنی بە كۆمەڵ بۆ سەر خوێندكارێكی كچ لە شاری دێهلی نەو كە بووەی هۆی گیانلەدەستدانی، توندوتیژیی جینسی لەو وڵاتە لە لایەن دەزگاكانی راگەیاندن بە شێوەیەكی بەرچاو رەنگی داوەتەوە.
