مافی مرۆڤ

دوابەدوای ناڕەزایەتی ساڵێ لەوەپێشی كرێكارانی كانگای چادرملوو و سكاڵای خاوەنكار، 5 كەس لەو كرێكارانە بە یەك ساڵ زیندانی تەعزیری و شەلاق، مەحكوم كران.

مەلایەكی كوردی خەڵكی شاری شنۆ بە هۆی دانی وتاری توند لە دژی گرووپی ئیسلامگەرای توندڕەوی داعش، بانگهێشتی ستادی خەبەری ئیدارەی ئیتلاعاتی شارەكە كرا.

ژنە چالاكێكی كورد كە چەند رۆژ پێش ئێستا لە شاری سنە دەستگیر كرا، بە هۆی شكانی دەستیەوە نەشتەرگەری بۆكرا.

“مەنیژە سادقی” چالاكی مەدەنی و كرێكاریی، گواسترایەوە بۆ زیندانی ناوەندیی شاری سنە.

لە ئاكامی هێرشی هێزە چەكدارەكانی سپای پاسدارانی كۆماری ئیسلامی بۆ سەر كۆڵبەران و كاسبكاران، كاسبكارێ گیانیلەدەستدا، یەكێكی دیكەش بریندار و 40 سەر لە ئاژەڵە بارهەڵگرەكانی ژمارەیەك كۆڵبەری دیكەش بە زەبری گوللە كوژران.

ژمارەیەك لە شۆفیر تاكسیەكان لە ناڕەزایی بە زۆر نەكردنی ئاستی كرێیەكانیان، لە بەردەم شورای شاری ئیلام كۆبوونەوەیەكی ناڕەزایی دەربڕینیان سازدا و خوازیاری بەدواداچوونی خواستەكانیان بوون.

5 زیندانی سیاسیی كورد و زیندانیەكی یارسان، كە زیاتر لە یەك مانگە كە زیاتر لە یەك مانگە لە زیندانی ناوەندیی ورمێ (دەریا) گواستراونەتەوە بۆ شوێنێكی نادیار، هەتا ئێستاش هیچ هەواڵێ سەبارەت بە چارەنووسیان نادیارە.

زیندانیەكی سیاسی كورد رایدەگەیەنێ لە رۆژی داهاتووەوە دەست دەداتە مانگرتن لە خواردن.

3 كەسی دیكە لە زیندانی وەكیڵ ئابادی مەشهەد ئێعدام كران.

بەندكراوێكی كوردی خەڵكی شاری بۆكان كە ماوەی 5 ساڵ لە بەندیخانەی شاری ڕەشت لە دەستبەسەری دابوو، پاش ئەوەی كە لە دۆسیەكەی خۆی هیوا بڕ بووە بە بڕینی شادەماری دەستی كۆتایی بەژیانی خۆی هێناوە.

7 كەس لە زیندانی عادڵ ئابادی شاری شیراز لەسێدارە دران.

مستەفا سەلیمی زیندانی سیاسی كوردی مەحكوم بە ئێعدام لە دۆخێكی جەستەیی زۆر نالەباردایە و تووشی ئیلتهابی رێخۆڵە و ئازاری گورچیلە بووە و تا ئێستا لە لایەن كاربەدەستانی زیندانەوە هیچ بەدواداچوونێك بۆ دۆخی ناوبراو نەكراوە.

حوكمی قەزایی 16 هاوڵاتیی دەستگیر كراو لە شاری ورمێ بە تۆمەتی سیاسی و ئەمنیەتی دەركرا.

ئەحمەد شەهید، ریپۆرتەری تایبەتی رێكخراوی نەتەوەیەكگرتووەكان بۆ مافی مرۆڤ لە ئێران، لە راپۆرتێكدا سەبارەت بە مافی مرۆڤ لەو وڵاتە رایگەیاندووە: لە ساڵی 2014ی زایینیدا 753 كەس لە ئێران لە سێدارە دراون.

پۆلیسی ئاڵوگۆڕی كەشی زانیاریی “فەتا” لە پارێزگای كرماشان، بۆ كچە چالاكێكی ئینترنتی لەو شارە دۆسیەی قەزاییان دروست كردووە و بانگهێشتی دادگای ئەو شارە كراوە.

ژمارەیەكی بەرچاو لە خەڵكی شارەانی مەهاباد، بانە، سنە، رەبەت و نەوسوود لە پەیوەند لەگەڵ بەڕێوەبردنی جێژنی سەری ساڵ و نەورۆز لە لایەن هێزەكانی كۆماری ئیسلامیەوە دەستگیر كران.