زاگرۆس پۆست
دوابەدوای ناڕەزایەتی ساڵێ لەوەپێشی كرێكارانی كانگای چادرملوو و سكاڵای خاوەنكار، 5 كەس لەو كرێكارانە بە یەك ساڵ زیندانی تەعزیری و شەلاق، مەحكوم كران.
كرێكارانی ناڕازیی كانگای چادرملوو لە ماوەی 2 ساڵی رابردوودا، خوازیاری بەكردەوە دەرهێنانی گەڵاڵەی ریزبەندی پیشەكان، چوونەسەرەوەی كارانە و هەڵوەشاندنەوەی حوكمی دەركردنی بەرپرسی ئەنجومەنی پیشەیی كرێكارانی چادرملوو بوون.
دوابەدوای ئەم ناڕەزایەتیانە، خاوەنكار بە تۆمەتگەلێك لەوانە “تێكدانی نەزم و پێشگیری لە جێبەجی كردنی مافی كەسانیتر”، لە ٣٠ كەس لە نوێنەرانی كرێكاران، شكایەتی كرد.
لە كۆتاییدا، لە ئاكامی حوكمی سەرتایی دادگای كۆماری ئیسلامی، ٥ كەس لەو كرێكارانە بە زیندان و شەلاق مەحكوم كران و ٢٥ كرێكاری دیكەش لەو تۆمەتانەی كە درابووە پاڵیان، تەبرەئە كران.
