جیهان

سەلاحەدین دەمیرتاش هاوسەرۆكی “هەدەپە” بە دەربڕینی رای خۆی سەبارەت بە سەركەوتنەكانی حیزبوڵڵای لوبنان جەختی كردەوە، كە حیزبی دیموكراتیكی گەلان (هەدەپە) وێڕای مەودای جوغرافیایی لەگەڵ حیزبوڵڵای لوبنان و ئەرتشی سوریە، پشتیوانییان لێ دەكات.

هێزە نەیارەكانی بەشار ئەسەد و چاودێرانی مافی مرۆڤی سوریە رایانگەیاند كە هێزە نەیارەكانی بەشار ئەسەد پایەگایەكی سەربازیی ئەرتشییان لە باشووری ئەو وڵاتە كونتڕۆڵ كەن. ئەم شكەستەی هێزە دەوڵەتییەكانی سوریە گوشارەكانی سەر بەشاری ئەسەد زۆرتر دكات كە لەم دواییانەدا بەردەوام بەرەوڕووی شكست و دۆڕان دەبێتەوە.

بە پێی راپۆرسییەك، زۆربەی هەرە زۆری خەڵكی عەرەبستان ئێران و داعش بە گەورەترین هەڕەشە بۆ سەر وڵاتەكەیان دەزانن و خوازیاری هێنانە ئارای “گەڵاڵەی ئاشتیی عەرەبی” بۆ ئاشتیی لەگەڵ ئیسرائیلن. ئەمەش لەحاڵێكدایە كە تەنیا 19% لە خەڵكی عەرەبستان ئیسرائیل بە دوژمنی سەرەكیی خۆیان دەزانن.

گرووپی تیرۆریستیی دەوڵەتی ئیسلامی (داعش) شاری هراوە هەڵكەوتوو لە رۆژهەڵاتی وڵاتی لیبی داگیر كردز هاوكات سەرۆك كۆماریی تونس هوشداریدا كە قوربانیی دواتری ئەم گرووپە وڵاتی تونسە. دەوترێ كە داعش لە ئاكامی دەستڕاگەیشتن بە چەكی ئەتۆمیشدایە.

رۆژنامەی ئیسرائیلی “یەدیعوت ئەلحەرنوت” لە زاری كاربەدەستێكی نیزامییەوە باسی لەوە كردووە كە رێژەی كوژراوانی حیزبوڵڵای لوبان لە سوریە گەیشتووەتە 2000 كەس. بە وتەی ئەم رۆژنامەیە تەنیا لە ماوەی دوو هەفتەی رابردوو 100 كەس لە قەلمونی سوریە كوژراون.

گرووپی “دەوڵەتی ئیسلامی” لەم دواییانە ڤیدیۆیەكی بڵاو كردووەتەوە كە تێیدا سەرۆكی عەشیرەتەكانی پارێزگای ئەنباری عێراق دانیشتنێكیان ئەنجام داوە و 50 سەرۆك عەشیرەت لە ترسی دەسەڵاتی ئێران و میلیشیا شیعەكان بەسەر عێراقدا، لەگەڵ “ئەبوبەكر بەغدادی” رێبەری داعش بەیعەتیان كردووە.

ئەمڕۆ  جێگری وەزیری دەرەوەی ئەمریكا رایگەیاند، كە زیاتر لە 10 هەزار چەكداری رێكخراوی داعش لە ماوەی دەستپێكردنی هێرشە ئاسمانییەكانی هاوپەیمانان بۆ سەر داعش كوژراون.

بەپێی ئاماری رێكخراوی نەتەوە یەكگرتوەكان لەمانگی رابردوودا لە عێراق زیاتر لە 1000 كەس كوژراون‌و دوو هێندەش برینداربوون.

ئەندامی كۆمیساریای مافی مرۆڤ سەر بە رێكخراوی نەتەوە یەكگرتوەكان دوێنێ هەینی رایگەیاند چەكدارانی داعش لە عێراق 5 ملیۆن تاوانی دژ بە مافەكانی مرۆڤیان ئەنجام داوە.

گۆڕێكی بەكۆمەڵ لە نزیك تكریت دۆزرایەوە كە روفاتی 470 تەرمی لەخۆگرتووە‌و بەدەستی چەكدارانی داعش كوژراون.

چاودێری مافی مرۆڤی سوریە رایگەیاند: چەكدارانی داعش لانیكەم 217 كەس لە دانیشتوانی شاری دێرینی “پالمیرا” لە سوریە گوللەباران كرد.

بە هۆی شەڕوپێكدادانی بەهێز لە نێوان چەكدارانی داعش و میلیشیا شیعەكان لە سنوری شارۆچكەی سامەرا لە باشوری پارێزگای تكریت، “ئەبو تەلحەی ئەنساری” مەترسیدارترین سەركردەی داعش كوژرا.

گروپی دەوڵەتی ئیسلامی ناسراو بە داعش رایدەگەیەنێت بە هاوكاری هێزەكانی لایەنگری خۆی لە حكومەتی پاكستان دەتوانێت چەكی ئەتۆمی بەدەستبێنێت یان دروستی بكات.

“عەزال فەهداوی” ئەندامی ئەنجوومەنی پارێزگای ئەنبار رایگەیاند: دوای شەڕێكی سەخت لەگەڵ هێزە ئەمنییەكانی عێراق، چەكدارانی داعش ناوچەی دوورگەی ئەلبوفەهد و شارەدێی حسێبەیان لە رۆژهەڵاتی شاری رومادی ناوەندی پارێزگاكە كۆنترۆڵ كرد.

دەوڵەتی هۆلەند گەڵاڵەی قەدەغەكردنی كەڵك وەرگرتن لە بورقع و رووبەندی ئیسلامی لە شوێنە گشتییەكان و بەتایبەت لە قوتابخانەكان، نەخۆشخانەكان و كەلوپەلی هاتوچۆ كردن، پەسەند كرد.

سەرچاوەیەكی بەرپرس، لە دەروازی “وەلید”ی سەر سنووری عێراق وسوریە ئاشكرای كرد، پاش ئەوەی لەو دەروازەیە كشانەوە و هەڵهاتن هێزەكانی حكومەتی سوریە گڕیان لە باڵاخانە و بیناكانی خزمەتگوزاریی لە دەروازەی سنووری “تنفی” سوریە وەرداوە كە دەكەوێتە بەرامبەر دەروازەی وەلیدی، سنووری عێراق.