هەواڵ

لە ماوەی ٦ مانگی یەكەمی ئەمساڵدا، تەنیا لە پارێزگای سنە، نزیك بە ٢ هەزار حاڵەتی تەڵاق تۆمار كراوە، كە بە بەراورد لەگەڵ ماوەی هاوشێوەی ساڵی رابردوو، ١/٥% چوونەسەرەوەی بەخۆیەوە بینیوە.

ئێستاكە پتر لە 4 هەزار و 95 كەس لە زیندانی ناوەندیی شاری ورمێ(دەریا) بەند كراون، كە 300 كەسیان ژنان پێكی دەهێنن.

دادگای تایبەت بە جینایەتی جەنگی لە شاری “داكا” پایتەختی وڵاتی بەنگلادش “میر قاسم عەلی یەكێكی دیكە لە رێبەرانی حیزبی “جەماعەتی ئیسلامی” لەو وڵاتە بە ئێعدام مەحكوم كرد و تاوانی ناوبراو ئەشكەنجە و كوشتنی نەیاران لە ماوەی 9 مانگ شەڕی سەربەخۆیی بەنگلادش لە وڵاتی پاكستان و لە ساڵی 1971ی زایینی راگەیەندراوە.

كۆماری ئیسلامی ئێران ‌و عێراق لە سەر ناوی‌ كەنداو گرژی‌ دەكەوێتە نێوانیان‌و حكومەتی‌ تاران نیگەرانە لە ناوهێنانی‌ كەنداوی‌ عەرەبی‌ لە جیاتی كەنداوی‌ فارس لە لایەن كاربەدەستانی عێراقەوە.

مەئموورانی دەزگای قەزایی كرماری ئیسلامی لە شاری سنە، بە مەبەستی بەدواداچوونی دۆسیەی گەندەڵیی میلیاردی لە شارەوانیی ئەو شارەدا، چەند كەسێكیان دەستگیر كردووە.

ناوی ئەو كەسانەی كە لە خۆپشاندانی تایبەت بە رۆژی جیهانی كۆبانێ لە شاری سنە دەستگیر كران ئاشكرا بوو.

بە پێی دوایین زانیارەیەكان 5 هاوڵاتی ئەمریكی و ئۆسترالیایی لە نێو ریزەكانی شەڕڤانان لە ریزەكانی خەڵكی خۆڕاگری كۆبانێ بە دژی چەكدارانی داعش شەڕ دەكەن.

لەبەیان نامەیەكدا وەزارەتی بەرگری عێراق ئاژمارە بەوە دەكات لە ئەنجامی بۆردومانی فرۆكەی هاوپەیمانان لە قەزای ‘قائیم’ سەر بە پارێزگای ئەنبار لە نزیك شاری ڕومادیە چل و شەش چەكداری داعش دەكوژرێن لە ناو كوژراوەكان ‘ئەبو محەمەدعەدنانی’ وتەبێژی داعش بەرچاو دەكەوێ، هاوكات دەزگا ئەمنیەكان و دەزگای ئیتلاعاتی عێراق ڕۆلێكی باشیان هەبووە، لە دۆزینەوەی شوێن و كاروانی چەكدارانی داعش، لە ناو ئەو بۆردومانانەدا …

بە مەبەستی چارەسەر كردنی كێشەی شوێنی خەوی خوێندكاران لە شار ورمێ، ژمارەیەك لە خوێندكارانی زانكۆی پیشەیی ئەو شارە راگەیەندراوێكیان بڵاو كردەوە.

لە ماوەی چەند رۆژی رابردوودا  بە دەیان كرێكاری شیركەتی “كۆلهام” لە سەدی “داریان”ی شاری پاوە لە لایەن خاوەنكاری شیركەتەكەوە لەسەر كار دەركراون.

حسێن نەقوی حسێنی نوێنەری بناژۆخوازی مەجلیسی كۆماری ئیسلامی، وێڕای رەخنەگرتن لە موسیقا ژەندن بە شێوەی تاكە كەسی و هەروەها گۆرانی وتنی ژنان لە نێو كۆنسرتەكان رایگەیاندووە كە، ژمارەیەك لە نوێنەرانی مەجلیس لەمبارەوە رەخنەیان لە حەسەن رووحانی سەرۆك كۆمار و وەزیری ئیرشاد (رێنوێنی) سەبارەت بە “پەرەسەندنی ئەم بابەتە” هەیە.

شەڕ لەنێوان ( شۆڕشگێرانی رەقەو لیوای فەجرو بەرەی كوردو یەپەگەو پێشمەرگە) لە بەرەیەك لە دژی داعش بەردەوامەو لە ماوەی 24 كاتژمێری رابردوودا 30 چەكداری داعش لە شاری كۆبانێ كوژراون. شەڕڤانانی‌ كور بە هاوكاریی هێزی پێشمەرگەی باشووری كوردستان بەردەوامن لە بەرگریكردن لەشاری‌ كۆبانێ ‌‌و لە ئێستادا شەڕی‌ كۆڵان بەكۆڵان لەگەڵ چەكدارانی‌ داعش دەكەن. ئەم ڤیدیۆیەش تایبەتە بە شەڕی كۆڵان بە كۆڵانی …

700 رۆژنامەنووس لە كاتی ئەنجامدانی كارەكانیاندا لەم 10 ساڵەی دواییدا كوژراون. رێكخراوی پەروەردەو زانست و رۆشنبیری نەتەوە یەكگرتووەكان (یونسكۆ) ، لە رۆژی كۆتاییهێنان بەدەربازبوونی ئەو تاوانبارانەی دەستدرێژی دەكەنە سەر رۆژنامەنووسان كە دەكاتە ئەمڕۆ 11ی مانگی خەزەڵوەر، رایگەیاند: لەو‌ تاوانانەی بەرامبەر رۆژنامەنووسان دەكرێت ‌ لە 90% ی تاوانبارەكان بەهۆی نەبوونی بەڵگەی پێویست و نەبوونی ئیرادەی سیاسیەوە رزگار دەبن و دادگایی ناكرێن. …

3 كەس لەو هاوڵاتیانەی كە لە شاری قوروە سەر بە پارێزگای سنە بۆ پشتیوانی لە خەڵكی خۆڕاگری كۆبانێ لە هەوڵی سازدانی كۆبوونەوەیەكی ناڕەزایی دەربڕین بوون، لە لایەن هێزە ئەمنیەتی و ئینتزامیەكانی كۆماری ئیسلامیەوە دەستگیر كران.

ئەبو محەممەد عەدنانی ، وتەبێژی داعش، رایگەیاند، ئەنجومەنی شورای “دەوڵەتی ئیسلامی”(داعش) بڕیاریداوه  بە دوورخستنەوەی ئەبو بەكر بەغدادی لە پۆستی خەلیفەی دەوڵەت و دانانی كەسێكی تر كە بە رەگەز خەڵكی وڵاتی عەرەبستانە. بەپێی هەواڵی ماڵپەڕی عیراق قانوون، ئەبو محەممەد عەدنانی، وتەبێژی گروپی داعش لە تۆمارێكی دەنگیدا كە سایت و پەیجەكانی تۆڕی كۆمەڵایەتیه کانی نزیك لە داعش بڵاویانكردووەتەوە رایگەیاند :” ئەنجومەنی شورا …

عەلی فەدەوی فەرماندەی چەكدارە دەریاییەكانی سپای پاسدارانی كۆماری ئیسلامی، لە بەرنامەیەكی تەلەفیزیۆنیدا رایگەیاند، یەكێك لە بەرنامەكانی سپای پاسداران دەركردنی هێزەكانی ئەمریكا لە “كەنداو”ە.