سێ شه‌ممه‌ 26 ئازار 2024

داعش ئەبوبەكر بەغدادی لابرد و چۆنیەتی هاتنی بۆ نێو عێراق ئاشكرا کرد

ئەبو محەممەد عەدنانی ، وتەبێژی داعش، رایگەیاند، ئەنجومەنی شورای “دەوڵەتی ئیسلامی”(داعش) بڕیاریداوه  بە دوورخستنەوەی ئەبو بەكر بەغدادی لە پۆستی خەلیفەی دەوڵەت و دانانی كەسێكی تر كە بە رەگەز خەڵكی وڵاتی عەرەبستانە.

بەپێی هەواڵی ماڵپەڕی عیراق قانوون، ئەبو محەممەد عەدنانی، وتەبێژی گروپی داعش لە تۆمارێكی دەنگیدا كە سایت و پەیجەكانی تۆڕی كۆمەڵایەتیه کانی نزیك لە داعش بڵاویانكردووەتەوە رایگەیاند :” ئەنجومەنی شورا بڕیاری لابردنی ئەبو بەكر بەغدادی دەركرد و لە شوێنەكەی ئەو كەسێكی به رەگەز خەڵكی وڵاتی عەرەبستان دانرا”.

لەلایەكی ترەوە، سەرچاوە هەواڵنێرییەكانی توركیە رایانگەیاندووە، كە برایەكی ئەبو بەكر بەغدادی و ئەمیندارەكەی لە سەرەتای مانگی رابردووەوە بێ سەروشوێنن و ئاماژە بەوەشدراوە كە بەغدادی 300 ملیۆن دۆلاری بردووە و لەگەڵ بازرگانەكانی كەنداو كاری وەبەرهێنان دەكات.

لە لایەكی دیكەوە هەواڵنێریی خەندان لە زاری سەرچاوەیەكی باوەڕپێكراو بڵاوی كردووەتەوە، داعش بە 305 چەكدار لە سوریەوە هاتوونەتە ناو خاكی عیراق و لە ماوەی 4 رۆژدا تەواوی شاری موسڵیان داگیر كردووە.

هەروەها دەوترێ، لە یەكەم رۆژی هاتنی چەكدارانی داعش بۆ ناو خاكی عیراق ، 305 چەكدار بوون، لە ناوچەی جەزیرە لە عین الحار  لە سوریەوە بۆ توڵە سەندنەوە هاتوونە ناو خاكی عیراق.

سەرچاوەكە وتووشیەتی: دوای دوو مانگ مانەوەیان لە ناو شاری موسڵ نزیكەی 15 هەزار كەس چوونەتە ناو ریزەكانی داعش و توانیویانە لە ماوەیەكی كەمدا هەشت شار لەگەڵ 20 ناوچەی سەر بە ئیدارەی پارێزگای موسڵ بخەنە ژێركۆنترۆڵی خۆیانەوە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.