کوردستان

رۆژانی رابردوو شه‌پۆلێکی به‌ربڵاوی خۆڵبارین رووی کردووه‌ته رۆژهه‌ڵاتی کوردستان‌و پارێزگاو شاری ئیلام زیاترین رێژه‌ی چڕیی خۆڵبارینه‌که‌ی به‌رکه‌وتووه‌و له‌و چه‌ند رۆژه‌دا به ده‌یان هاوڵاتیی پیرو منداڵ به هۆی ته‌نگه نه‌فه‌سییه‌وه ره‌وانه‌ی نه‌خۆشخانه کراون.

له درێژه‌ی سه‌ردان‌و چاوپێکه‌وتن‌ه‌کانی جه‌لال تاڵه‌بانی که‌سی یه‌که‌می یه‌کێتیی نیشتمانی‌و کورد له به‌غدا تا ئێستا، ئه‌مڕۆ چوارشه‌مه وه‌فدێکی باکوور که نامه‌ی رێبه‌ری پ.ک.کی‌یان پێبوو گه‌یشتنه به‌رزاییه‌کانی سلێمانی‌و نامه‌که‌یان گه‌یاندووه‌ته لای تاڵه‌بانی.

دوای تێپه‌ڕینی زیاتر له 27سال به سه‌ر بۆردمانی شیمیایی شاری سه‌رده‌شت هێشتا ئه‌و شاره بنکه‌یه‌کی تایبه‌ت به چاودێری‌و چاره‌سه‌ریی به‌رکه‌وتووانی شیمیایی نییه.

دوای که‌وتنه‌وه‌ی ئاگرێکی به‌ڕفراوان له پشت ئاوایی ‘ده‌ره‌وه‌ران’ی مه‌ڕیوان، چالاکانی ژینگه پارێزی ئه‌و شاره هه‌ڵمه‌تێکیان راگه‌یاند بۆ کوژاندنه‌وه‌ی ئاگره‌که‌، به‌ڵام هێزه‌کانی سنوورپارێزی کۆماری ئیسلامی به پاساوی ئه‌منیه‌تی رێگه‌یان نه‌دا ژینگه‌پارێزان بچنه شوێنی ئاگره‌که.

له گه‌ڕه‌کی هه‌واره‌به‌رزه‌ ی ره‌به‌ت ئه‌شکه‌وتێکی ئاویی دۆزراوه‌ته‌وه‌و به مه‌به‌ستی پشکنینی ناو ئه‌شکه‌وته‌که تیمێکی شاره‌زا له زانکۆی کوردستان‌ی سنه‌وه ره‌وانه‌ی ره‌به‌ت کراون.

دوو لاوی خه‌ڵکی میاندواوو بۆکان به هۆی مه‌له‌کردن له ئاوێکی نزیک میاندواو که‌وتنه ژێر ئاوو گیانیان له ده‌ستدا.

جاده‌کانی ناوچه‌ی هه‌ورامان له رۆژهه‌ڵاتی کوردستان بارودۆخێکی خراپیان هه‌یه‌و ساڵانه ژماره‌یه‌کی زۆر له رووداوی هاتوچۆ تێیاندا رووده‌دات، مه‌ترسیدارترین جاده‌ی ناوچه‌ی هه‌ررامان جاده‌ی ژاڵانه‌یه له نێوان شاره‌کانی هه‌ورامان ته‌خت‌و دزڵی‌و پاوه.

بڕیاره له درێژه‌ی هه‌ڵمه جه‌ماوه‌رییه‌کان بۆ راگه‌یاندنی سه‌ربه‌خۆیی کوردستان، له وڵاتی فه‌نلاندیش هاوشێوه‌ی نۆروێژو دانمارک فێستیڤاڵێکی جه‌ماوه‌ری به به‌شداریی کوردانی دانیشتووی ئه‌و وڵاته به‌ڕێوه‌ بجێت، به‌ڵام وه‌ک رێکخه‌رانی روونیان کردووه‌ته‌وه ئه‌و فێستیڤاڵه کۆبوونه‌وه‌یه‌کی ملیۆنی ده‌بێت.

شارەوانیی رەبەت بە ناوی دوستکردنی شارۆچکەی پیشەسازی دەیهەوێت سەدان هیکتار لە دارستانەکانی شاری رەبەت لە ناو بەرێت‌و دەگوترێ کە ئەم دارستانانە لە نزیک گوندی هۆرمزاوێن تا ئێستا ئاماده‌کاری بۆ ه‌ناوبردنی 7هێکتار له رووبه‌ری دارستانه‌که کراوه.

بڕیار بوو فڕینی دوانیوه‌ڕۆی رۆژی شه‌مه‌ی رابردوو له تارانه‌وه بۆ سنه له رێگه‌ کۆمپانیای قشم ئێیرلاینه‌وه ئه‌نجام بدرێت که به هاوڵاتییانی مشته‌ری راگه‌یه‌نرا فڕۆکه‌که کێشه‌ی بۆ پێشهاتووه‌و 24هاوڵاتیی ئه‌و فڕۆکه‌یه‌ش له بری فڕۆکه سواری ئۆتۆمبێل کران.

بۆیه‌كه‌مجار به‌ڵگه‌یه‌ک بڵاو بووه‌ته‌وه که تێیدا مه‌لا مسته‌فا باس له‌ هۆكاری‌ كۆتاییهاتنی‌ شۆڕشی‌ ئه‌یلول‌ی كردووه‌و ددانی به‌وه‌دا ناوه كه‌ له‌ژێر فشاری‌ ئێراندا فه‌رمانی‌ به‌ پێشمه‌رگه‌ كردوه‌ چه‌كه‌كانیان دابنێن.

ئه‌مڕۆ شه‌مه به ئاماده‌ بوونی هه‌زاران که‌س له کوردانی به‌شه جیاجیاکانی کوردستان ل شاری ستۆکهۆڵمی پایته‌ختی سۆئێد خۆپیشاندان بۆ پشگریی له سه‌ربه‌خۆیی کوردستان رێکخرا.

سبەینێ شەممە 19-7-2014، جەلال تاڵەبانی سەرۆك كۆماری عێراق و سكرتێری گشتی یەكێتی نیشتمانی كوردستان بە تەندروستییەكی باشەوە دەگەڕێتەوە خاكی هەرێمی كوردستان.

لەم رۆژانەی دواییدا خاوەنكاری شیركەتی بیناسازیی “بانتا ئاویەر” لە شاری سنە 7 كرێكاری ئەو شیركەتی لە سەر كارەكانیان دەركردووە.

به هۆی ده‌ستکاریکردنی مین له لایه‌ن و‌رزێڕێکی خه‌ڵکی ئاوایی به‌رده‌ڕه‌شان له سه‌ر رێگه‌ی مهاباد بۆ میاندواو، مینه‌که له ناو ماڵی ئه‌و وه‌رزێڕه ته‌قییه‌وه‌و له ئاکامدا کوڕێکی گیانی له‌ده‌ستداو خۆی‌و سێ که‌سی تر له ئه‌نجامانی بنه‌ماڵه‌که‌ی ره‌وانه‌ی نه‌خۆشخانه کران.

ئه‌مڕۆ چوارشه‌مه له شاری ئیلام پیشانگایه‌ک به مه‌به‌ستی بانگه‌شه‌کردن بۆ په‌‌چه‌و پۆششی ئیسلامی به ناوی ‘حیجابی ئاسان’ به‌ڕێوه‌چووه‌و به‌رپرسانی فه‌رهه‌نگیی ئه‌و پارێزگایه‌ش رایان گه‌یاندووه پیشانگاکه حه‌فتانه به‌ڕێوه ده‌چێت.