کوردستان

ئەنجوومەنی پارتی ژیانی ئازادی كوردستان، لە بەیاننامەیەکدا هەڕەشە لە هەردوو حیزبی دیموکرات دەکات و پێیان دەڵێت “هه‌وڵی تاقیكردنه‌وه‌ی ئاستی سه‌بری بزووتنه‌وه‌ی ئاپۆیی و گه‌لی وڵاتپارێزی كوردستان نه‌ده‌ن”.

لە ئەنجامی تەقینەوەی بۆمبێكی چێنراو لە باشووری مووسڵ و لە نێو بارەگایەكی داعشدا، 2 ئەمیری ئەو ڕێكخراوە توندڕەوە كوژران كە یەكێكیان كوردە.

بە هۆی تەقینەوەی مین لە شاری قەسری شیرین سەر بە پارێزگای كرماشان هاوڵاتییەكی بریندار بوو.

خوێندكارێكی كورد بە بڕیاری دەزگای قەزایی كۆماری ئیسلامی و بە مەبەستی تێپەڕاندنی حوكمەكەی، رەوانەی زیندان كرا.

كچێكی لاوی دیكە بە هۆی خۆكوژییەوە لە شاری شنۆ گیانی لەدەستدا.

شارەداری سنە رایگەیاند: پاش بەدواداچوونی پێویست لە لایەن شارەداریی و بە هاوكاریی دامەزراوە پەیوەندیدارەكان لە بەشی ماڵیی شارەداریی سنە، لە ئاكامدا 11 تۆمەتبار لە پەیوەند لەگەڵ دزیی كردن (اختلاس) دەستگیر كران.

ئامارەكان دەریدەخەن، نزیكەی 16 تا 20 میلیۆن مینی چێندراو لە ئێران بوونی هەیە و زۆربەی هەرە زۆری ئەو مینە چێندراوانە لە 4 پارێزگای كوردنشینی”ئیلام، كرماشان، سنە و ورمێ”دایە.

بە پێی راپۆرتی هەواڵنێرییە حكومەتییەكانی ئێران، سەدان سەر مەڕ و ماڵات و زیاتر لە یەك میلیارد تمەن باری كاسبكارانی كورد، لە لایەن هێزەكانی كۆماری ئیسلامیەوە دەستی بەسەردا گیرا.

چەكدارانی داعش دانیان بە شكستەكەیان دانا لە گرێسپی و دەڵێن كشانەوەیان لە ناوچەكە تاكتیكی بووە و بۆ ئەوەبووە چەكدارەكانیان بە بۆردوومانی چڕی فڕۆكەكان نەكوژرێن، بەڵام بە گوتەی پەیامنێری رووداو لە دەروازی سنووری گرێسپی (ئاق چەقەلان)، لەنێوان گرێسپی لە رۆژئاوا و باكووری كوردستان، ئاوارەكان هێندە دڵنیان بە كۆنترۆڵكردنی شارەكە لەلایەن یەپەگە و بەشێكی ئاوارەكان داوادەكەن رێگایان پێبدرێت بگەڕێنەوە گرێسپی.

مانگرتن و ناڕەزایی شۆفیرتاكسیەكانی سنە پاش دانی بەڵێن لە لایەن پارێزگارەوە بە شێوەی كاتیی، كۆتایی پێهات.

ئیدارەی ئیتلاعات‌و ناوەندە ئەمنیەتییەكانی كۆماری ئیسلامی لە شاری مەهاباد هەڕەشەیان لە بنەماڵەی “مەنسوور ئاروەند” كردوە كە نابێ سەرەخۆشیی بۆ دابنێن.

“مەنسوور ئاروەند” زیندانیی سیاسی كورد كە ماوەیەك پێش ئێستا گواسترابووە بۆ زیندانی میاندواو، سەر لە بەیانیی رۆژی رابردوو لەسێدارە درا.

شۆفیر تاكسیەكانی شاری سنە لە ناڕەزایی بە گرانبوونی نرخی بەنزین و لە هەمان كاتدا نەگۆڕینی نرخی كرێ دەستیان دایە رێكخستنی كۆبوونەوەی ناڕەزایی دەربڕین.

ئەندامێكی دیەی سپای پاسداران لە شاری سەردەشت بە هۆی شەڕ و تێكهەڵچوون لەگەڵ هێزە كوردییەكان كوژرا.

ژنێك لە شاری نەغەدە لە لایەن هاوسەرەكەیەوە درایە بەر زەبری چەقۆ و كوژرا.

لە ناوچە جیاجیاكانی كوێستانەكانی زاگرۆس، ئاگركەوتنە هێشتاكە بەردەوامە و هێزە پەیوەندیدارەكان زۆر بە خاوی و كەمتەرخەمی هەوڵ بۆ كوژاندنەوەی ئاگرەكە دەدەن.