زاگرۆس پۆست
لە ئەنجامی تەقینەوەی بۆمبێكی چێنراو لە باشووری مووسڵ و لە نێو بارەگایەكی داعشدا، 2 ئەمیری ئەو ڕێكخراوە توندڕەوە كوژران كە یەكێكیان كوردە.
“سەعید مەموزینی” یەكێك لە بەرپرسانی پارتی دیموكراتی لە موسڵ دەڵێ: داعش كێشەی نێوخۆیی هەیە و سەركردە و ئەمیرەكانیشی پیلان لە دژی یەكتر دەگێڕن.
هەروەها ئاماژە دەكاتەوە ئەوەیكە، بۆمبێكی چێنراو لە نێو بارەگایەكی داعشدا لە شارەدێی (حەمام ئەلعەلیل)ی باشووری مووسڵدا تەقیوەتەوە و بەو هۆیەوە 2 ئەمیری داعش كوژراون و یەكێكیان كوردن.
ناوبراو لە درێژەی قسەكانیدا دەڵێ: ناوی ئەو ئەمیرە كوردەی نێو ریزەكانی داعش”ئەبو فارس كوردیی” بووە.
