مافی مرۆڤ

سەرلەبەیانیی ئەمڕۆ 18 كەس لە ئێران ئێعدام كران كە 6 كەسیان لە كوردن و لە زیندانی ورمێ ئێعدام كراون و رۆژی رابردووش 7 كەسی دیكە لە زیندانی شیراز لەسێدارە درابوون.

ئەندامی لیژنەی بەڕێوەبەرایەتیی ئەنجوومەنی بەرهەمهێنەرانی كوودە كشتوكاڵییەكانی ئێران دەڵێ، 300 كارخانەی بەرهەم هێنانی كوود لە بەرەبەری داخران دان و بە داخرانی ئەو كارخانانە 15 هەزار كرێكار بێكار دەبن.

كۆڵبەریكی دیكەی كورد لە ناوچە سنوورییەكانی شاری سەردەشت لە لایەن هێزەكانی كۆماری ئیسلامییەوە دراوەتە بەر دەستڕێژی گوللە و كوژراوە.

7 كەس بە تاوانی بازرگانی كردن بە مادەهۆشبەرەكانەوە لە زیندانی شیراز لەسێدارە دران.

نزیكەی 60 كەس لە كرێكارانی كۆگای چوارینەی “سەوزی مەهاباد” بۆ جاری چوارەم لە ماوەی یەك هەفتەی رابردوو لە بەردەم دەفتەری ناوەندیی دەستیان دایە كۆبوونەوەیەكی ناڕەزایی دەربڕین.

بەپێی ئاماری رێكخراوی نەتەوە یەكگرتوەكان لەمانگی رابردوودا لە عێراق زیاتر لە 1000 كەس كوژراون‌و دوو هێندەش برینداربوون.

“پێدرام نەسرۆڵڵاهی” ناسراو بە (نەبەز) پاش زیاتر لە یەك مانگ مانەوە بەندیخانە شاری سنە، بە دانانی بارمتە و بە شێوەی كاتیی ئازاد كرا.

“فازڵ غەراوی” ئەندامی كۆمیسیۆنی باڵای مافەكانی مرۆڤ لە عێراق رایگەیاند، گۆڕێكی بە كۆمەڵ كە 80 تەرمی منداڵ و ژن و پیاوی كوردی ئێزدی تێدابوو لە رۆژئاوای موسڵ دۆزراوەتەوە.

لە ماوەی 48 كاتژمێری رابردوو لانیكەم 21 كەس لە لایەن كۆماری ئیسلامیەوە بە تاوانی جیاجیا لەسێدارە دران.

لە راۆژانی رابروودا 6 لاوی خەڵكی شاری ‌ویلام، بە تۆمەتی لایەنگری لە پارتێكی كوردیی دژبەری حكوومەتی ئێران لەلایەن هێزەكانی ئیتلاعاتەوە دەستگیر كران.

رۆژی رابردوو هاوكات لەگەڵ ئازادكرانی “مەحمود ساڵەحی” و “مەنیژە سادقی” لە چالاكانی كرێكاریی كوردستان، 2 كەسی دیكە لە چالاكانی كرێكاریی بەندكراو بە ناوەكانی “ئارام و فواد زەندی” بە دانانی بارمتە بە شێوەی كاتیی لە زیندان ئازاد كران.

بەهۆی تەقینەوەی مین لە ناوچەیەكی سەر بە شاری پاوە لە پارێزگای كرماشان پیاوێكی تەمەن 53 ساڵ گیانی لەدەست داوە.

رێژەی ئێعدامەكان لە ئێرانی ژێر دەسەڵاتی كۆماری ئیسلامی لە بە ئاستێكی سەرسوڕهێنەر لە حاڵی بەرزبوونەوەدایە.

ژنە چالاكێكی كرێكاریی كورد لە شاری سنە پاش تێپەڕاندنی حوكمەكەی لە زیندان ئازاد كرا.

مەحمود ساڵەحی چالاكی كرێكاریی كوردی خەڵكی شاری سەقز پاش تێپەڕاندانی 32 رۆژ مانەوە لە گرتووخانەی ئیدارەی ئیتلاعاتی شاری سنە، ئەمڕۆ لە كاتێكدا لە دۆخێكی جەستەیی زۆر خراپدایە بە شێوەی كاتیی و بە دانانی بارمتە ئازاد كرا.

دۆخی تەندروستیی چالاكێكی كرێكاریی بەندكراوی كورد لە زیندانەكانی كۆماری ئیسلامی ناجێگیرە.