هەواڵ

ئەمشەو سێشەممە 30 سەرماوەز دوو تەقینەوە لە نزیك مقەڕی مەكتەبی سیاسی حیزبی دیموكراتی كوردستان روویدا كە بەهۆیەوە ژمارەیەك شەهید‌و برینداربوون.

سوپای پاسدارانی رژیمی ئێران رایگەیاند هێزەكانیان لەشاری سەراوان لە پارێزگای سیستان بەلوچستان لەگەڵ گروپێكی چەكداردا بە شەڕهاتوون ‌و بەقسەی ئەوان پاسدارێك كوژراوە‌و یەكێكی دیكەش بریندارە.

رێكخراوی رۆژنامەنووسانی بێسنوور رایگەیاند لە ساڵی 2016دا زیاتر لە 74 رۆژنامەنووسی پیشەیی لە سەرانسەری دنیا كوژراون و سوریا زیاترین پشكی پێ بڕاوە.

سەرۆك كۆماری عێراق، واژووی لەسەر یاسای دەستەی حەشدی شەعبی كرد كە پێشتر ئەنجوومەنی نوێنەرانی عێراق دەنگی لەسەر دابوو.

ئامینە کاکە باوە ئەندامی پارلەمانی سوید لەسەر لیستی پارتی چەپ وەک کەسایەتیی ساڵی سوید هەڵبژێردرا.

پاش چەندین رۆژ دەستبەسەربوون لە گرتوخانەی ئیتلاعات ئەمرۆ ئارام فەتحی هەڵسوڕاوی مەدەنی شاری مەریوان ئازا كرا.

نادیە موراد و لەمیا بەشار، هەردوو کچە کوردی ئێزیدی کە لەدەستی داعش رزگاریان بووە ئەمرۆ لە پەرلەمانی ئەوروپا خەڵاتی ساخارۆفیان پێ بەخشرا.

پۆلیسی ئەنكارا بۆ لێكۆڵینەوە لەسەر تەقینەوەكانی ئیستانبول دوو پەرلەمانتاری پارتی دیموكراتیكی گەلان (هەدەپە)ی دەستگیر كرد.

دوو رێكخراوی داكۆكیكاری مافی رۆژنامەنوسان لە راپۆرتی جیاجیادا توركیایان وەك گەورەترین زیندانی رۆژنامەنوسان‌و میدیاكاران دەستنیشان كرد‌و كۆماری ئیسلامیش وەك پێنجەمین وڵات بۆ دەستگیركردنی رۆژنامەنوسان ناوی هاتووە.

مامۆستایەكی بەشی مێعماری زانكۆی ئازادی بۆكان، بەهۆی سازكردنی ۆركشۆپێك بۆ خوێندكارانی كوڕ‌و كچی ئەو زانكۆیە، لەلایەن سەرۆكایەتی زانكۆكە لەسەركار دەردەكرێت.

لە شاری سلێمانی کۆنفرانسی پارتە سۆسیالیست دیموکراتەکانی ئەوروپا و جیهانی عەرەبی دەستی پێكرد كە نوێنەری ژمارەیەك لە حیزبەكانی رۆژهەڵاتی كوردستانیش تێیدا بەشدارن.

سەرلەبەیانی رۆژی پێنجشەممەی رابردوو دوو لاو لە شاری قوروە لەلایەن چەند كەسی نەناسراو بەر دەستڕێژی گوللە دەدرێن‌و دەكوژرێن.

شەهلا محەمدیانی كچە كوردێكی شاری مەهابادە كە لەسەرماوەزی ساڵی 94 لە لایەن دادگای مەهابادەوە بەتۆمەتی پەیوەندی بە حیزبە كوردییەكان بە 4 ساڵ زیندان مەحكوم كرا.

كرێكارانی كشت‌و سەنعەتی مهاباد زیاتر لە هەفتەیەكە بۆ دەربڕینی ناڕەزایی بە نەبوونی حەقدستەكانیان بەردەوام كۆبوونەوەی ناڕەزاییان سازكردوە، بەڵام تا ئێستا بەرپرسان هیچ وەڵامێكیان نەداونەتەوە.

بەهۆی كێشەی خێزانییەوە ژنێك لە شاری كامیاران ئاگری لە جەستەی خۆی بەردا‌و پاش چەند رۆژ گیانی لەدەستدا.

جێگری سکرتێری گشتی ڕێکخراوی نەتەوەیەکگرتووەکان ڕایگەیاند بەشی ڕۆژهەڵاتی شاری حەلەب لە سوریا دەگۆڕێت بۆ” قەبرستانێکی گەورە” ئەگەر ناوچەکانی ژێر دەسەڵاتی هێزە ئۆپۆزسیۆنەکان بەردەوام لەلایەن هێزەکانی سەر بەحکومەتی سوریا و ڕوسیاوە هێرشیانبکرێتەسەر.