کوردستان

دەزگای قەزاییی ڕژیم لە شاری سنە، حوکمی زیندانی چالاکێکی مەدەنی خەڵکی شاری سنەی، تا کۆتایی هاتنی ڕەوتی قەزاییی دۆسییەکەی دەرکرد.

هێزەکانی ئیتلاعات سەر بە ئیدارەی ئیتلاعاتی ڕژیم لە شاری سەردەشت، هاوڵاتیەک خەڵکی سەردەشتیان دەستبەسەر و ڕاپێچی شوێنێکی نادیار كردووه‌.

شەش چالاکی کرێکاری خەڵکی شاری کامیاران بە تۆمەتی بەشداری لە ڕێوڕەسمی “ڕۆژی جیهانی کرێکار”، لە لایەن دادگای پێداچوونەوە حوکمی زیندانیان بەسەردا سەپا.

دوو کۆڵبەری کورد خەڵکی شاری پیرانشار لە سنووری ئەو شارە دەکەونە بۆسە و بەر دەسڕێژی گوللەی هێزە نیزامیەکانی ڕژیم و لە ئاکامدا کۆڵبەرێک گیانی لەدەست دەدا و کۆڵبەرێکی دیکەش بە قورسی بریندار دەبێت.

هاوڵاتیەکی لاوی خەڵکی کرماشان کە لە تەمەنی ١٦ ساڵان بە هۆی دەمەقاڵەیەکەوە لە قوتابخانەی ئەو شارە، هاوپۆلیەکی خۆی کوشتبوو، بڕیارە تا چەند ڕۆژی داهاتوو لە سێدارە بدرێت.

له‌درێژه‌ی بانگ كردن و هه‌ڕه‌شه‌كردن له‌ چالاكانی مه‌ده‌نی، هێزه‌ ئه‌منیهەتیەكانی ڕژیم لە شاری دیوانده‌ره‌ چالاكێكی مه‌ده‌نیان  بانگهێشت و لێپرسینه‌وه‌یان له‌گه‌ڵ كردووه‌ و هەروەها له‌ڕێگە‌ی ته‌له‌فۆنه‌وه‌ هه‌ڕه‌شه‌یان له‌ چالاكێكی دیكه‌ی ئەوشاره‌ كردووه‌.

کۆڵبەرێکی کوردی خەڵکی شاری بانە، بە تەقەی ڕاستەوخۆی هێزە نیزامییەکانی ڕژیمی ئێران، گیانی لە دەست دەدات.

هێزە کانی ئیتلاعات و ئینتیزامی ڕژیم لە شاری سنە بە بیانووی نەبوونی مۆڵەتی یاسایی پێشیان بە بەڕێوەچوونی سمینارێک لە ژێر ناوی ” تاووتوێی دۆخی کۆمەڵایەتی منداڵان” گرت.

بەرزایەکانی شاخی شاهۆ بۆ جارێکی دیکە لە لایەن سپای پاسدارنەوە تۆپباران کرا و خەسارێکی زۆری بەو ناچەیە گەیاندووە.

دوو کاسبکاری کورد لە سنووری شاری بانە بە تەقەی ڕاستەوخۆی هێزە نیزامییەکانی ڕژیم بریندار کراون و دوایی بۆ نەخۆشخانەی شاری سلێمانی گوازرانەتەوە.

له‌ ئه‌نجامی مانگرتنی سه‌رتاسه‌ری مامۆستایانی ئێران له‌ ڕۆژانی ٢٢ و ٢٣ی مانگی خه‌زه‌ڵوه‌ر، زیاتر لە ١٣ مامۆستا له‌ پارێزگاکانی کوردستان، خوراسانی شۆمالی، مه‌ركه‌زی، فارس،  و خوزستان له‌ لایه‌ن هێزه‌ ئه‌منییه‌كانی ڕژیمەوە‌ ده‌ستبه‌سه‌ر كراون.

هاوڵاتیەرکی خەڵکی شاری پیرانشار کە بە تۆمەتی کوشتنی بە ئەنقەست، لە زیندانی ناوەندیی شاری ورمێ ڕاگیراوه‌، بە هۆی تووش بوون بە نەخۆشیی ڕۆماتیزم، لە چارەسەری پزیشکی بێبەری کراوە.

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە دەسبەسەر کراوە و چارە نووسی نادیارە. بەپێی هەواڵی گەیشتوو بە ماڵپەڕی هەواڵی زاگرۆس پۆست؛ ڕۆژی دووشەممە ٢١ی خەزەڵوەر، مامۆستایەکی کورد بە ناوی ئومید شامحەمەدی، خەڵکی شاری دیواندەرە لە لایەن هێزەکانی ئیدارەی ئیتلاعاتی ئەو شارەوە دەستبەسەر کراوە. شۆرای هاوئاهەنگی ڕێکخراوی سێنفی فەرهەنگیانی ئێران دەستبەسەرکردنی ئەم مامۆستایە …

ئەمڕۆ چوار شەممە ٢٣ی خەزەڵوەر مامۆستایان بۆ دووهەمین ڕۆژ لە سەر داوا و بانگهێشتی “شوڕای هاوئاهه‌نگی ڕێكخراوی فه‌رهه‌نگییانی ئێران”،دەستیان دایە مناگرتن و لە چوون بۆ سەر کلاسی دەرس خۆیان بووارد.

ژمارەیەک لە کرێکارانی شارەداریی شارەداری شاری سنە، كه‌ به‌ شێوه‌ی “وەرزی” لە شارەداری کاریان دەکرد لە ماوه‌ی چەند ڕۆژی رابردوودا، لە سەر کاره‌كانیان دەرکراون.

چالاکێکی کرێکاری کورد خەڵکی شاری سنە بانگهێشتی ئیدارەی  ئیتلاعاتی ئیمنتیزامی ڕژیم لە شاری سنە کرا و دەبێت خۆی بەو ناوەندە بناسێنێت.