کوردستان

هاووڵاتییەكی كوردی خەڵكیگوندی “گامێشگۆل” لە ناوچەی ئاڵەشینی بۆكان بە هۆكارێكی نادیار لەلایەن مەئموورانی وەزارەتی ئیتلاعاتی كۆماری ئیسلامیەوە دەستبەسەر كرا.

3 كرێكاری لاو لە شاری “سەقز” بە هۆی بەرق گرتوویی كوژراو و بریندار بوون.

زیاتر لە یەك هەزار و 400 هێكتار لە خاڵكی پارێزگای “سنە” لە لایەن كۆماری ئیسلامیەوە مینڕێژیی كراوە.

دوو كاسبكاری كوردی دیكە لە ناوچەی “سەلاسی باوەجانی” بە هۆی تەقەی هێزە چەكدارەكانی كۆماری ئیسلامی، كوژران و بریندار بوون.

بەڕێوەبەری ڕاگەیاندن و پەیوەندییەكانی بەڕێوەبەرایەتیی ئاسایشی شارەزوور رایگەیاندووە، كە دوو لاوی دیكە كە دانیشتووی پارێزگای ھەڵەبجەن و لە بەرواری (٢٩/٩/٢٠١٤) پەیوەندییان كردووە بە داعشەوە، ماوەی هەفتەیەكە، لە (بێجی) و لە ئەنجامی بۆردومانی فڕۆكەی هاوپەیمانانەوە كوژراون.

تەرخان كردنی بودجە بۆ پڕۆژە درێژخایەنەكان بۆ ساڵی داهاتوو لە پارێزگای كرماشان نزیك بە ٤٠% بە بەراورد لەگەڵ ئەمساڵ كەم بۆتەوە.

“حسێن یەزادنپەنا” جێگری سكرتێری پارتی ئازادیی كوردستان، وتووێژێكی لەگەڵ رۆژنامەی هاوڵاتی ئەنجامداوە و لە چەند شوێندا “یەكێتی نیشتمانی كوردستان” دەداتە بەر رەخنە و باس لەوە دەكات كە یەكیەتی پەیوەندیی چڕ و پڕی لەگەڵ ئێران هەیە و بۆ رازیی كردنی دڵی ئێران پشتی لە هێزەكانی رۆژهەڵاتی كوردستان كردووە و لە هەمان كاتدا *كۆمەڵە و دیمۆكرات* لە بواری سیاسی و سەربازییەوە بە …

وەرزشوانێكی كوردی خەڵكی شاری “دیواندەرە” توانی پلەی دووهەم لە ئاستی جیهاندا مسۆگەر بكات.

بۆ تەواو كردنی پرۆژەیەكی نیوەكارەكانی شاری”سەوڵاوا” لانیكەم تەنیا بۆ یەك پرۆژە پێویست بە ٣٢ میلیارد تمەن بودجە هەیە.

پارێزگای سنە لە ئاستی رێژەی تەڵاق لە ئێران پلەی چوارەمی هەیە و لە سەرەتای ساڵی 1393 تا ئێستا، هەزار و 500 حاڵەت تەڵاق لەو پارێزگایە روویداوە.

نوێنەری هەمیشەیی كۆماری ئیسلامی لە ئاژانسی وزەی ئەتۆمی، وێڕای ئەوەیكە”ئەنجامدانی تەقینەوەی بەهێز” لە وزەخانەی ئەتۆمی لە ناوچەی “مەریوان” بە ساختەكاریی و تەزویر ناو لێدەبات، دەڵێ: وەها وزەخانەیەكی ئەتۆمی بوونی نیە و هەموو ئیدعاكان لەوبارەوە دوورن لە راستی و كۆماری ئیسلامی ئیزن بە ئاژانس دەدات، یەك جار و بەشێوەی خۆبەخشانە و چاودێریی كراو سەردانی وەها ناوەندێك كە ئیدعای دەكرێ بكرێت.

زیندانیەكی سیاسی كورد بە ناوی “ئەفشین سوهرابزادە” كە بە نەخۆشی شێرپەنجەی رێخۆڵە گیرۆدە بووە، بە هۆی ناڕەزایی بەرامبەر پێڕانەگەیشتن بە دۆخی جەستەیی خۆی، لەجیاتی گواستنەوە بۆ نەخۆشخانە ڕەوانەی ژووری تاكەكەسی كرا.

لانیكەم ٢٠٠ كەس لە كرێكارانی شارەداری مەریوان، لەسەر كارەكانیان دەركراون.

زیندانیەكی دیكە بە ناوی “فەخرەدین فەرەجی” بڕیارە مەرەخەسی پێ بدرێ.

زیندانیانی سیاسی زیندانی ناوەندیی شاری “ورمێ” (دەریا) لە دۆخێكی زۆر خراپدا دەژین.

زیندانیەكی سیاسی بە ناوی “محەمەد ئەمین عەبدوڵڵاهی” پاش 9 ساڵ زیندانی بوون مەرەخەسی پێ درا.