کوردستان

رێكخراوی فەرهەنگی، ئەدەبی مەولەویی كوردی سنە، كۆڕێكی رێزگرتن لە كار و تێكۆشانی ئەدەبیی “جەلال مەلەكشا” شاعیری گەورەی كورد بەڕێوە دەبات.

بە هۆی پێكدادانی 2 ئۆتۆمبیل لە نزیك شاری سەقز 4 كەس بوونە قوربانیی.

مامۆستایەكی كوردی قوتابخانە سەرەتاییەكانی ناوچەی چۆمی مەجیدخان لەلایەن دادگای شاری میاندواوەوە بە چوار مانگ بەندكردن حوكم دراوە.

مۆرەیەكی ناسراوی ئیتلاعات لە شاری بۆكان كە لە لایەن خەڵكەوە بە كەسێكی بەدناو و باجگیر دەناسرێت، بە زەربی گوللە كوژرا.

هاوكات لەگەڵ نوێ‌ نەكرانەوەی‌ گرێبەستی‌ كرێكارانی‌ كێشت و سەنعەتی‌ مەهاباد 160 كەس لەم كرێكارانە لەسەر كارەكانیان دەردەكرێن.

هێزەكانی پێشمەرگە 11 گوند لە تیرۆریستانی داعش پاك كردەوە و لەو ناوچانە جێگیر دەبن.

بەیتوڵڵا عەباسپوور قارەمانی لەش‌جوانی ئێران و جیهان بە هۆی نەخۆشیەوە كۆچی دوایی كرد.

“ئاسۆ رۆستەمی” چالاكی كوردی راگیراو لە بەندی 8ی زیندانی ئێڤین تووشی جەڵتەی مێشك بوو. بە پێی راپۆرتی هرانا، شەوی رابردوو “ئاسۆ رۆستمی” چالاكی مەدنیی كوردی راگیراوی لە بەندی 8ی زیندانی ئێڤین، تووشی جەڵتەی مێشك بوو و گواسترایەوە بۆ بێهداریی. رۆستمی پاش ئەوەیكە دەركەوت كە تووشی ئەو رووداوە هاتووە، بە بێ هیچ چاودێرییەك لە لایەن هێزەكانەوە گواسترایەوە بۆ نێو بەند. ئەو …

“بێهرووز ئاڵخانی” زیندانی سیاسی كورد، هاوڕێ لەگەڵ 5 زیندانی دیكە بە تاوانی قاچاخی مادەهۆشبەرەكان لە یەكەم ساتەكانی بەرەبەیانی ئەمڕۆ چوارشەممە 4ی مانگی خەرمانان لە “زیندانی ناوندیی ورمێ” لەسێدارە دران.

بێهروز ئاڵخانی گیراوی سیاسی كوردی مەحكووم بە ئێعدام لە زیندانی ورمێ بە مەبەستی جێبەجێكردنی حوكمەكەی بۆ ژووری تاكەكەسی گوازراوەتەوە.

ئەفشین سۆهرابزادە بەندكراوی‌ سیاسیی كورد سەرلە بەیانیی ڕۆژی‌ دووشەممە لە زیندانی‌ میناب بۆ زیندانی‌ ئێڤین لە تاران گواسترایەوە.

لە ناوچە سنوورییەكانی شاری پیرانشار هێزە چەكدارەكانی كۆماری ئیسلامی تەقەیان لە ژمارەیەك كۆڵبەری كورد كرد و بەو هۆیەوە كۆڵبەرێك كوژرا و یەكێكی دیكەش بریندار بووە.

“عەدنان حەسەنپوور” رۆژنامەنووسی بەندكراوی كورد هاوڕێ‌ لەگەڵ دوو بەندكراوی سیاسیی دیكەی كورد دوێنێ‌ دووشەممە 2ی مانگی خەرمانان بە هۆكارێكی نادیار لە زیندانی مەریوانەوە گوازرانەوە بۆ زیندانی ناوەندیی سنە.

چالاكێكی سیاسی كورد بە ناچار وڵاتی بەجێهێشت و ئێستا لە شاری توركیە نیشتەجێ بووە.

وەرزشوانێكی لاوی كورد بە بردنەوەی سێ میداڵی زێڕ لەپاڵەوانیەتییەكانی هەڵگرتنی قورسایی لەئێران، وەكوو “دیاردەی نوێی هەڵگرتنی قورسایی” (پەدیدەی تازەی وەزنەبەرداریی) ناودێڕ كرا.

بە پێی راپۆرتی راگەیاندنەكانی نزیكە لە پارتی كرێكارانی كوردستان، میدیاکانی وڵاتی سوید لەهەواڵەکانیاندا جێگەیەکی تایبەتیان داوە بەو سویدیانەی بۆ شەڕی دژ بە چەتەکانی داعش چوونەتە وڵاتانی سوریا و عێراق، بەڕێوبەرێکی پەیەدە لەوڵاتی سویدیش بۆ میدیاکانی ئەو وڵاتەی ئاشکرا کردوە کە تا ئێستا نزیکەی 500 ئەوروپی چوونەتە ناو یەپەگەوە.