زاگرۆس پۆست
هەروەها ژمارەیەک کوردیش کە ناسنامەی ئەوروپی یان هەیە چوونەتە ڕیزی پێشمەرگە لە باشووری کوردستان.
نوێنەری حکومەتی هەرێمی کوردستان لە وڵاتی سوید زانیار قادر، لەو بارەیەوە بە ڕاگەیاندنەکانی هەمان وڵاتی وتووە، ئێمە ئەو کەسانە هاننادەین بچنە شەڕەوە بەڵکو هانیان دەدەین هاوکاری مرۆیی بکەن.
زۆربەی ئەو ئەوروپیانەی لەناو ڕێزەکانی یەپەگەدا شەڕی دژ بە داعش دەکەن، ناسنامەی خۆیان ئاشکرا ناکەن ، بەڵام یەک لەو شەرڤانە سویدیانە بەناوی (جاسپەر سۆدیر) ناسنامەی خۆی ئاشکرا کردبوو.
(جاسپەر سۆدیر)
سۆدێر وتبووی، ئەو بۆ ئەوەی دۆخی سوریا و ڕۆژئاوای کوردستان بۆ ڕایگشی سوید و جیهان ئاشکرا بکات و پشتگیری بۆ کوردان پەیدابکات، ناسنامەی خۆی ئاشکرا کردووە، وتبووشی نزیکەی 400 سویدی لە ڕێی تۆڕە کۆمەڵایەتیەکان ئامادەیی خۆیان نیشانداوە بۆ تێکۆشان لە ڕۆژئاوای کوردستان بچنە ڕیزەکانی یەپەگەوە.
ناوبراو دەڵێت:” لەناو یەکینەکەی ئەواندا سەدان ژن و پیاوی، ئینگلیز، فەڕەنسی، ئیتاڵی، ئەمەریکی و کەنەدی هەن”.
لەسەر بەشداربوونی خۆی بۆ ناو ڕیزی شەرڤانانی یەپەگە جاسپەر سۆدێر دەڵێت:” من ناچاربووم کە دژی ئەو کۆمەڵکوژیەی چەتەکانی داعش بەرامبەر مرۆڤایەتی و نەتەوە و باوەڕە جیاوازەکان دەیکەن شتێک بکەم، نەمتوانی بە پێدانی ١٠٠ کرۆن هاوکاری ویژدانی خۆم ئاسودە بکەم، دەبێت هەرکەس نەتوانێت بچێتە ڕیزی یەپەگە، بەڵام بە شێوەیەکی تر دەتوانێت تێکۆشان بکات، نەک تەنها ڕۆژئاوای کوردستان و سوریا، بەڵکو وڵاتانی ئەوروپاش ڕوبەڕووی هەڕەشەی چەتەکانی داعش بوونەتەوە، من دەتواننم بببم بە ڕێگر لەوەی پێش ئەوەی خۆیان بگەیەننە ئێرە لەوێ ڕوبەڕوویان ببمەوە.
(جاسپەر سۆدیرلەگەڵ هەڤاڵانی شەرڤانی دا لەناو یەپەگەدا)
ناوبراو بەهۆی برینداربوونی گەڕاوەتەوە سوید و دەڵێت کەی برینەکەی چاکبێتەوە دەگەڕێتەوە ڕۆژئاوای کوردستان.
(هانس براون) پسپۆڕی بەناوبانگ لەبواری تیرۆردا لەو بارەیەوە دەڵێت: مرۆڤەکان بۆ یادگاری یان هۆکاری ئایدۆلۆژی و ئەخلاقی دەچن شەڕ دەکەن، بەڵام ئەوانەی دەچنە سوریا جگە لە ئایدۆلۆژی هۆکاری تریشی هەیە.
(چەند شەرڤانێکی بیانی لەناو یەپەگەدا)
براون ئەو کەسانەی دەچنە ناو داعش بە نازیەکانی جەنگی جیهانی دووهەم دەچوێنێت کەلە ڕیزی سوپاکەی هیتلەردا جێگەیان دەگرت و دەڵێت: لایەنگرانی داعش و نازیەکان وەک یەک وان، هەروەها چوونی کەسانێک بۆ ناو ڕیزەکانی یەپەگە و پێشمەرگەش بە چوونی ئەو شەرڤانانە دەچوێنێت کەلە جەنگی ناوخۆی ئیسپانیا دژ بە فاشیزم دکتاتۆریەتی فرانکۆ دەچوونە ڕیزی کۆماریەکان.
دەزگای ئاسایشی سویدیش لەدواین ڕاپۆرتیدا ئاشکرای کردوە کە نزیکەی 300 سویدی چوونەتە عێراق و سوریا بۆ ڕیزی چەتەکانی داعش.
هێژای بیرهێنانەوەیە کە تا ئێستا ژمارەیەک لەو بیانیانە لە بەرخۆدانی ڕۆژئاوای کوردستان دا شەهیدبوون.
(پۆلێک شەهیدی شەرڤانی بیانی یەپەگە)
