کوردستان

لە ماوەی 10 مانگی رابردوو بەهۆی كردەوە تیرۆریستییەكانی ناو شاری كەركووك و دەورووبەری 2807 كەس بوونەتە قوربانی.

لەكۆبوونەوەیەكی حیزبە كوردستانییەكانی هەر چوارپارچەی كوردستان كە ئەمرۆ لە شاری هەولێر لەباشوری كوردستان بەڕێوەچوو، سەرجەمیان پشتیوانی خۆیان بۆ مانگرتنی زیندانیانی سیاسی بەندیخانەی ورمێ راگەیاند.

پاش تیپەڕبوونی مانگێك بەسەر مانگرتن لەخواردنی زیندانیانی سیاسی زیندانی ورمێ 7 كەس لەم بەندكراوانە بەهۆی تێكچوونی باری تەندروستییان بۆ نەخۆشخانە گوسترانەوە.

مانگێك بەسەر مانگرتنی 29 بەندكراوی سیاسی كورد لە بەندیخانەی “ناوەندی ورمێ “دا تێدەپەڕیت. بەپێی زانیارییەكانی تۆڕی میدایی رووداو تا ئیستاش 28 كەس لە زیندانیانی مانگرتوو لەسەر مانگرتنیان بۆ وەدیهاتنی داواكانیان بەردەوامن.

بەوتەی سەرچاوەیەكی ئاگادار زیندانیانی سیاسی بەندیخانەی ورمێ مانگرتنەكەیان نەشكاندوە‌و سەرەڕای بەڵێنی بەرپرسانی زیندان، تا جێبەجێكردنی هەموو داواكارییەكانیان زیندانیانی سیاسی لەمانگرتن بەردەوام دەبن. سەرچاوەیەكی ئاگادار لە دۆخی زیندانیانی سیاسی مانگرتووی بەندیخانەی ورمێ بە زاگرۆس پۆستی رایگەیاند: بەپێچەوانەی ئەو هەواڵانەی كە هەندێك ناوەند بڵاویانكردوەتە كە گوایە زیندانیانی سیاسی مانگرتنەكەیان شكاندوە، مانگرتنی زیندانیانی سیاسی بەردەوامە‌و بەرپرسانی زیندانیش تا ئێستا 6 كەس لە بەندكراوانی …

هێزە ئینتزامیەكانی كۆماری ئیسلامی لە ناوچەیەكی سەر بە شاری “سەردەشت”، وێڕای دەستگیركردنی 5 كەس لە كاسبكاران، دەستیان بەسەر كەلوپەلەكانیشیانا گرتووە.

ئەندامێكی چالاكی گرووپی داعش لە پارێزگای “سنە” دەستگیر كرا.

22كۆمەڵە و رێكخراوی داكۆكیكاری مافی مرۆڤ لە راگەیێندراوێكدا داوا لە حكومەتی كۆماری ئیسلامی دەكەن، كە هەرچی زووترە بە دەنگ داواكاری زیندانیانی سیاسی بەندیخانەی ورمێ بچێ، كە ماوەی مانگێكە دەستیان بە مانگرتن كردووە و دۆخی تەندروستییان لە مەترسیدایە. هەروەها داوا لە حكومەتی ئێران دەكەن كە بە دۆسێی ئەو زیندانیانەدا بچێتەوە.

چالاكێكی بەهایی لە شاری “سەڵماس” لە لایەن ستادی خەبەریی سەر بە ئیدارەی ئیتلاعاتی كۆماری ئیسلامی، بانگهێشت و هەڕەشەی لێكرا.

دیاردەی دزیی كردن لە گوندێكی سەر بە شاری “سەقز” بە ئاستێكی زۆر نیگەرانی لای خەڵك دروست كردووە.

هێزەكانی بەسیجی كۆماری ئیسلامی، خەڵكی ناوچەی “هەوارامان”یان خستووەتە ژێر گوشارەوە، بۆ ئەوەی بە هێزەكانی ئەوانەوه پەیوەست بن و هاوكارییان بكەن.

هێزەكانی ئیدارەی ئاگاهی بە هاوكاریی پاسگای شارۆچكەی “باژرگە” سەر بە شاری “سەڵماس” لە پارێزگای “ورمێ” بە مەبەستی پشكنینی ماڵی هاوڵاتیان، هێرشیان كردووەتە سەر ئەو شارچكەیە.

لەم رۆژانەی دواییدا و لە درێژەی گەڵاڵەی كۆكردنەوەی دیش و رسیوێری ماڵی هاوڵاتیان لە شارە جیاجیاكانی كوردستان و ئێران، “میاندواو” ئامێری ماهوارە كۆكراوەتەوە و لە شاری “كارزان”یش نمایشی ئاگرتێبەردانی ماهوارە بەڕێوەچووە.

ژمارەیەك لە چالاكانی مەدەنی و مافی مرۆڤ لە كوردستان، بە بڵاو كردنەوەی بانگەوازێك، داوای ئەوە دەكەن، كە رۆژی یەكی مانگی بەفرانباریان وەكوو رۆژی مانگرتنی گشتیی راگەیاندووە.

بە هۆی كەمینی هێزەكانی كۆماری ئیسلامی لەشاری “نۆدشە”، چوار هاووڵاتیی كورد بریندار كران، كە دوو كەسیان كاسبكار بوون.

لێژنەی داكۆكیكردن لە مافەكانی ژمان لە پەرلەمانی كوردستان راپۆرتێك لەسەر رەوشی ژنان لە كوردستان بۆ سەرۆكایەتی پەرلەمان بەرز كردەوە، كە تایبەتە بە كەیسی رفاندنی كچان و ژنانی ئێزدی لە لایەن داعشەوە.