مافی مرۆڤ

13 مێرمنداڵی مەحكووم بە ئیعدام لە ئێران كە لە كاتی دەستبەسەر بوونیاندا تەمنیان 18 ساڵە بووە 8 كەسیان لە لایەن كۆماری ئیسلامییەوە ئیعدام كراون و 5 كەسی دیكەیشیان چاوەڕوانی جێ بەجێ كردنی حوكمی ئیعدامەكانیان

لە ناوچە سەڵماس هاوڵاتییەكی كوردی دیكە لە لایەن هێزەكانی كۆماری ئیسلامیەوە درایە بەر دەستڕێژی گوللە و بە توندی بریندار بووە.

ئێوارەی رۆژی شەممە رێكەوتی 28ی مانگی خەرمانانی 1394ی هەتاویی هێزە نیزامییەكانی كۆماری ئیسلامیەوە هاووڵاتییەكی كورد لە ناوچەی سنووری باشماخ سەر بە شاری مەریوان، دەدەنە بەر دەستڕێژو گوللە و دەیكوژن.

2 كرێكارێكی كورد لە 2 رووداوی جیاوازدا بە هۆی بەرق گرتووییەوە گیانیان لە دەستدا.

“عەلی ئەحمەد سلێمان” بەندكراوی سیاسی كوردی خەڵكی شاری سلێمانی، كە دەزگای قەزایی كۆماری ئیسلامیی ئێران حوكمی سێدارەی بۆ بڕیوەتەوە، ئێستاكە باری تەندروستیی زۆر ناجێگیرە و مەترسیی گیانی لیدەكرێ.

رۆژی رابردوو كۆڵبەرێكی كورد كە لە سنوورەكانی كوردستان سەرقاڵی كاسبی كردن بووە، بە دەستی هێزە نیزامییەكانی كۆماری ئیسلامی ئێران كوژراوە.

لە چوارچێوەی پڕۆژەیەك بەناو “گرتنی گۆمانلێكراوان” هێزە ئەمنییەكانی حكوومەتی ئێران لە پارێزگای ئیلام 38 كەسیان دەستگیر كرد.

ژمارەیەك لە كرێكارانی  رێكخراوەی دابین كردنی كۆمەڵایەتی شاری كرماشان لە ناڕەزایەتی بە نەدانی حەقدەستەكانیان ھاوكات لەگەڵ  كرێكاران و پەیمانكارانی ئیدارەی نەوژەنكردنەوە قوتابخانەكانی شاری “شەهاباد”ی سەر بە پارێزگای كرماشان كۆبوونەوەی ناڕەزایەتیان بەرێوە برد.

مەحمود ساڵەحی لە چالاكانی كرێكاریی كوردی بە 9 ساڵ زیندان حوكم درا.

لە درێژەی رەوتی زەخت و گوشاری كۆماری ئیسلامی بۆ سەر هاوڵاتییانی كورد، دوو لاوی دیكەی خەڵكی شاری مەریوان كە حوكمی زیندانیان بەسەردا سەپابوو، بە مەبەستی تێپەڕاندنی حوكمەكەیان رەوانەی زیندان كران.

بەرەباینی ئەمڕۆ بەندكراوێكی كورد لە شاری سنە لەلایەن دەزگای قەزایی كۆمای ئیسلامیی ئێرانەوە لەسێدارە درا.

كۆڵبەرێكی دیكەی كورد لە ناوچە سنوورییەكانی ورمێ لە لایەن هێزەكانی كۆماری ئیسلامیەوە كوژرا.

“یوسف ئاب خەرابات” كرێكاری دەركراوی شیركەتی كشت و سەنعەتی شاری مەهاباد كە بە تاوانی بەشداریی لە كۆبوونەوەی گشتیی ساڵانەی كومیتەی هاوئاهەنگی لە لایەن دادگای شاری مەهابادەوە بە 2 ساڵ زیندان حوكم درابوو دوانیوەڕۆی ئەمڕۆ دووشەممە 23ی مانگی خەرمانان لە زیندانی مەهاباد ئازاد كرا.

لە ناوچە سنوورییەكانی قەسری شیرین لاوێكی كورد بە هۆی تەقینەوەی مین تووشی كەم ئەندامی بووە.

دوو چالاكی كرێكاری خەڵكی شاری سەقز و ئەندامی كومیتەی هاوئاهەنگی بانگهێشتی ستادی خەبەریی ئیدارەی ئیتلاعاتی شارەكە كران.

بە هۆی نەبوونی ئەمنیەتی شوێنی كار منداڵێكی تەمەن 17 ساڵەی خەڵكی ئاوایی “تەنگیسەر” سەر بە ناوچەی ژاوەرۆی شاری سنە، گیانی لەدەستدا.