کوردستان

ژمارەیەكی بەرچاو لە خەڵكی شاری پیرانشاری رۆژهەڵاتی كوردستان دوێنێ چوارشەممە وەكوو باقی شوێنەكانی دیكەی جیهان و كوردستان، بە مەبەستی پتشوانی لە خەڵكی خۆڕاگری شاری كۆبانی و بێ دەنگی كۆمەڵگای نێودەوڵەتی لەوبارەوە ناڕەزاییان دەربڕی.

شاری كرماشانیش بە شەپۆلی بەرینی ناڕەزاییە جیهانی و كوردستانیەكان بۆ پشتیوانی لە بەرخۆدانی خەڵكی كۆبانی و هەروەها بێ دەنگی و كەمتەرخەمی كۆمەڵگای نێودەوڵەتی بەرانبەر بە جینایەتەكانی داعش لەو شارەدا كۆبوونەوەیەكی ناڕەزایی دەربڕینیان سازدا.

پاشە ئەوەیكە دەوڵەتی توركیە بەرانبەر بە هێرشی داعش بۆ سەر شاری كۆبانی كەمتەرخەمی نواند و تەنیا كەلوپەلە نیزامیەكانی خۆی لە سەر سنوورەكان و بۆ پاراستنی خۆی جێگیر كرد، خۆپیشاندانێكی بەرین لە ئاست باكووری كوردستان و زۆرێك لە شارەكانی ئەو وڵاتە دەستی پێ كرد.

بە پێی ئەو هەواڵانەی بە زاگرۆس پۆست گەیشتوون، دوێنێ چوارشەمە 16ی رەزبەر گردبوونەوەیەك لە لایەن خەڵكی سەردەشت كە لە منداڵ، ژن و پیاو و هەموو چین و توێژەكانی شار پێك هاتبوو، بەڕێوە چوو.

بەهۆی خۆپێشاندانەكانی  دوو رۆژی رابردوو لە  شارەكانی باكووری كوردستان 21 هاوڵاتیی كورد بە گوللەی پۆلیسی توركیە كوژران و 168 ی دیكەش برینداربوون.

ژمارەیەكی بەرچاو لە هاوڵاتیانی شاری مەریوانیش ئەمڕۆ لە ناڕەزایی شاری مەریوانیش بەرانبەر بە هێرشەكانی چەكدارانی داعش بۆ سەر شاری كۆبانی رۆژئاوای كوردستان و پشتیوانی لەو شارە كۆبوونەوەیەكیان بەڕێوە برد.

ژمارەیەكی بەرچاو لە خەڵكی شاری بۆكان پشتیوانی خۆیان بۆ بەرخۆدانی خەڵكی شاری كۆبانی دەربڕی و دەنگی ناڕەزایی خۆیان بەو بۆنەوە بەرز كردەوە.

بە پێی ئەو هەواڵانەی بە زاگرۆس پۆست گەیشتووە، بڕیارە بەیانی شاری سەقزی رۆژهەڵاتی كوردستانیش وەكوو باقی شارەكانی دیكەی هەر چوار پارچەی كوردستان خۆپیشاندانی پشتیوانی لە خۆڕاگری خەڵكی كۆبانی بەڕێوە بەرن.

لە راگەیەندراوێكدا كە چەند خولەك لەوەپێش كۆمەڵەی زەحمەتكێشانی كوردستان بلاوی كردەوە، وێڕای خستنەرووی كۆمەڵێك پێشنیار و رێگەچارە بۆ یەكگوتاریی و یەكخستنی ماڵی كورد، دەستخۆشی لە هەموو پتشویانیەكانی كۆمەڵگای جیهانی، كۆمەڵانی خەڵكی كوردستان و رێكخراوە مەدەنیەكان، هونەرمەندان و خەڵكی بەئەمەگ كردووە.

خۆپشاندانی ئەمڕۆ شاری سەردەشت بۆ پتشوانی لە خۆڕاگریی خەڵكی شاری كۆبانی بە بەشداریی ژمارەیەكی بەرچاو لە خەڵكی ئەو شارە بەڕێوە چوو.

بە پێی ئەو هەواڵانەی كە هەر ئێستا بە دەستمان گەیشت، خۆپیشاندانێكی بەرفراوان لە شاری مەریوان لە رۆژهەڵاتی كوردستان بە مەبەستی پشتیوانی لە شاری مەریوان بەڕێوە دەچێت و رێژەیەكی زۆر لە چالاكانی مەدەنی و خەڵكی سڤیل لەو كۆبوونەوەیەدا بەشدارن.

چەكدارانی داعش پاش هێرش كردنە سەر شاری شەنگال لە باشووری كوردستان و دەستبەسەراگرتنی ئەو شارە، 5 هەزار ژن و كچی كرودی ئێزیدیان بە بارمتە گرتووە.

خوێندكارێكی خەڵكی شاری مەریوان كە لە ماوەی رۆژانی رابردوودا بۆ زیندانی ئەو شارە گوازرابوویەوە، لەلایەن دادوەری لێكۆڵینەوەی دادگای كۆماری ئیسلامی بڕیاری دانانی بارمتەی 100 میلیۆنی بۆ دەركراوە.

23 رۆژە چەكدارانی داعش هێرشێكی چڕیان بۆ سەر شاری كۆبانێ لە رۆژئاوای كوردستان دەستپێكردووە و بە هەموو شێوەیەك گەمارۆی ئەو شارەیان داوە و  رۆژی رابردوو توانیان بگەنە ناو چەند گەڕەكێكی ئەو شارە.

كۆمەڵێك لەپێشمەرگە دێرینەكانی كوردستان لە نامەیەكی كراوەدا بۆ مەسعود بارزانی سەرۆكی هەرێمی كوردستان داوای لێدەكەن بەرامبەر بە كۆبانی هەڵوێست وەرگرێت.

سەر لە بەیانی ئەمڕۆ چوارشەممە 16ی مانگی رەزبەر كۆبوونەوەی ناڕەزایی بۆ پشتیوانی لە كۆبانی و بێ دەنگی كۆمەڵگای نێودەوڵەتی بەرانبەر بە هێرشەكانی چەكدارانی داعش بۆ سەر ئەو شارە بە لە شاری “جوانڕۆ”ی رۆژهەڵاتی كوردستان ڕێوە چوو.