زاگرۆس پۆست
بە پێی ئەو هەواڵانەی بە زاگرۆس پۆست گەیشتوون، دوێنێ چوارشەمە 16ی رەزبەر گردبوونەوەیەك لە لایەن خەڵكی سەردەشت كە لە منداڵ، ژن و پیاو و هەموو چین و توێژەكانی شار پێك هاتبوو، بەڕێوە چوو.
سەرەتا خەڵكێكی زۆر بە پێی بڕیاری پێشوەخت لە مەیدانە سەرچاوێ كۆبوونەوە و پاشان بەرەو شەقامی كەمەربەندی وەڕی كەوتن و دروشمی پشتگری بۆ كۆبانیان گووتەوە.
لە درێژەی رێپێوانەكە هێزە ئینتزامیەكانی كۆماری ئیسلامی وێڕای هەرەشە، بڵاوەیان بە خەڵكەكە كرد و رێگەیان نەدا ئەم رێپێوانە بەردەوام بێت.
شایانی باسە، لە شاری مەریوانیش رێپێوانی هێمنانەی خەڵك بۆ پشتیوانی لە كۆبانی تووشی تێكهەڵچوون بوو و بەو هۆیەوە بە دەیان كەس لە لایەن هێزە حكومەتیەكانەوە دەستگیر كران.
