“كرماشان”یش بە شەپۆلی خۆپیشاندانەكان بۆ پشتیوانی لە كۆبانی پەیوەست بوو / بەوێنە

شاری كرماشانیش بە شەپۆلی بەرینی ناڕەزاییە جیهانی و كوردستانیەكان بۆ پشتیوانی لە بەرخۆدانی خەڵكی كۆبانی و هەروەها بێ دەنگی و كەمتەرخەمی كۆمەڵگای نێودەوڵەتی بەرانبەر بە جینایەتەكانی داعش لەو شارەدا كۆبوونەوەیەكی ناڕەزایی دەربڕینیان سازدا.

لەو كۆبوونەوەیەدا ژمارەیەكی بەرچاو لە خەڵكی شارەكە ئامادە بوون و هێزەكانی كۆماری ئیسلامیش لە هەوڵی پێشگرتن لە تەشەنە سەندنی كۆبوونەوەكەدان.

جێگای وەبیرهێنانەوەی، دوێنێ چوارشەممە لە زۆربەی شارەكانی رۆژهەڵاتی كوردستان وئێران و هەموو وڵاتانی جیهان كۆبوونەوەی ناڕەزایی بۆ پشتیوانی لە خۆڕاگریی خەڵكی كۆبانی بەڕێوە چوو و بڕیارە ئەم كۆبوونەوانە ئەمڕۆش درێژەی هەبێت.