کوردستان

زیندانیانی سیاسی مانگرتوو لە بەندی 12ی زیندانی ناوەندیی ورمێ(دەریا) كە ماوەی 24 رۆژە دەستیان داوەتە مانگرتن لە خواردن، لە ئێستاوە مانگرتن لە خواردنی  وشكی خۆیان دەستپێكرد.

گوشارەكانی ئیدارەی ئیتلاعاتی كۆماری ئیسلامی بۆ سەر چالاكانی سیاسی كورد لە ناوچەكانی “ئیلام و كرماشان” پەرە دەستێنێت و ئەو گوشارانە تەنانەت ژن و كچی ئەو بنەماڵانەشی لەخۆ گرتووە.

لە كۆی هەموو جادەی لادێیەكانی سەر بە شاری “كامیاران” تەنیا 28%یان قیرتاو كراون و ئەم رێژەیە لە بەراوەرد لەگەڵ نێوەنجی گشتیی قیرتاو كردنی جادەكان لە ئێران زۆر لە خوارەوەیە.

خوێندكار و چالاكی كرێكاریی كورد “رێبوار عەبدوڵڵاهی” بە هۆی لێدان و سووكایەتی هێزەكانی كۆماری ئیسلامی، لە زیندانەوە گواسترایەوە بۆ نەخۆشخانە.

“خالید عەزیزی”‌ سكرتیری‌ گشتی‌ “حیزبی‌ دیموكراتی‌ كوردستان” لە دیداریكدا لەگەڵ  رۆژنامەی‌ “ئاوینە” باس لە بە ئاكام نەگەیشتنی‌ هەوڵەكانی‌ بۆ یەگرتنەوەی‌ هەر دوو لایەنی حیزبی‌ دیموكرات دەكا‌و دەڵێ ئێمە تاكو ئێستەش ئەو جیددیەت و بەدوداچوونەمان لە لایەنی دیكەی دێموكرات دا نەبینیوە.

دۆخی زیندانیانی سیاسی مانگرتوو لە زیندانی ناوندیی ورمێ (دەریا) زۆر نالەبارە و تا ئێستا 8 كەسیان رەوانەی بێهداریی زیندان كراون.

نوسەر‌و هەڵسوڕاوی سیاسی‌و پێشمەرگەی دێرین، رەشاد مستەفا سوڵتانی پێیوایە حیزبەكانی رۆژهەڵاتی كوردستان توشی پەتای “كۆنگرە‌و كۆنفرانس”ی ناپێویست هاتوون‌و دەڵێت “پێویسته‌ حیزبه‌کانی ڕۆژهه‌ڵاتی کوردستان، که‌ به‌ هات و هاوار شتێکن و به‌ کرده‌وه‌ شتێکی تر ،خاڵه‌ کزه‌کانی خۆیان وڕاستیه‌کان بخه‌نه‌ ڕوو، ئه‌گه‌رچی تاڵ و تفتیش بێت”.

لە ماوەی رۆژانی رابردوودا چەندین كۆنفرانس و كۆبوونەوە لە نێوان لایەنەكانی *كۆمەڵە*دا بەڕێوە چووە و لە ئاكامدا، بڕیاری دانانی 2 كۆمیسیۆن بۆ یەكگرتنەوە دەركراوە.

شەپۆلێكی نوێ بە مەبەستی كۆكردنەوەی ماهوارە لە نێو ماڵی هاوڵاتیان بە دەستی هێزەكانی كۆماری ئیسلامی، باڵی بەسەر زۆربەی شارەكانی كوردستاندا كێشاەوە.

كۆماری ئیسلامی بە بیانووگەلێكی جۆراوجۆر دەستی داوەتە رەنگ كردنی داری سەر شەقامەكان و نێو بلوارەكان لە شاری “سنە”.

كۆمەڵێ لە خوێندكارانی زانكۆی شاری “ماكۆ” لە ناڕەزایی بە گرانبوونی ژەمە خۆراك و باقی خواردنەكانی دیكەی نێو زانكۆ دەستیان دایە ناڕەزایی دەربڕین.

1242 قوتابیی كچی پارێزگای كرماشان لە ئەمساڵدا بە هۆكاری جیاواز وازیان لە خوێندن هێناوە.

هێزەكانی ئیدارەی ئیتلاعاتی رێژیمی ئێران لە شاری مەریوان هاووڵاتییەكی كوردیان دەستگیر كرد و بۆ شوێنێكی نادیار رایانگواستووەتەوە.

كەمپەینی بەرگری لە زیندانیانی سیاسی و مەدەنی لە دوتووی بانگەوازێكدا، داوای بەهاناوەچوونی خێرای زیندانیانی سیاسی مانگرتووی كردووە، كە ماوەی 23 رۆژە لە زیندانی ناوەندیی ورمێ (دەریا) دەستیان داوەتە مانگرتن لە خواردن و دۆخی جەستەیی زۆربەیان خراپ و نالەبارە.

دوای داگەڕانی حیزبەكانی رۆژهەڵاتی كوردستان لە ناوچە سنوورییەكانەوە بۆ قوڵایی خاكی باشووری كوردستان، نزیكەی 300 كەس لە كادر و ئەندامانی ئەو حیزبانە یان بنەماڵەكانیان لە باشووری كوردستان كوژراون. حیزبەكانی رۆژهەڵات دەڵێن هەمووی ئەو “تیرۆرانە” لەسەر دەستی هێزە ئەمنی و سەربازییەكانی ئێران، یان بە بڕیاری ئەوان ئەنجامدراون.

كاسبكارێكی گوندی بێوران بەهۆی گوشار و ڕێگرییەكانی هێزە چەكدارەكانی كۆماری ئیسلامی  گیانی لەدەست دا.