کوردستان

رۆژی هەینی 26ی مانگی بەفرانبار لە شاری “مەهاباد” و لە لایەن هێزەكانی سەر بە ئیتلاعاتی سپا 12 هاوڵاتیی كورد دەستگیر كران.

لە ماوەی رۆژانی رابردوو و لە لایەن ناوەندە قەزاییەكانی كۆماری ئیسلامیەوە، لە 6 دۆسیەی جیاجیا لە پارێزگای “ورمێ” ژمارەیەك كاسبكار كە ناو و نیشانیان ئاشكرا نەكراوە، بەگشتی بە 350 میلیۆن تمەن جەریمە مەحكوم كراون.

لە ماوەی ١٠ ساڵی رابردوودا ژمارەیەكی بەرچاو لە ئاواییەكانی ناوچەی “دیواندەرە” بە هۆی نەبوونی پێداویستی و خزمەتگوزاری لە لایەن كاربەدەستانی پێوەندیدارەوە، روویان لە شارەكان كردووە.

لەكۆی 1095 بەندكراو لە زیندانی سلێمانی، 114 بەندكراویان هەڵگری ناسنامەی ئێرانین و لەو ژمارەیەش 98 سزادراوانیان كوردن و خەڵكی رۆژەهەڵاتی كوردستانن، سەرجەمیشیان بەهۆی بازرگانی كردن بەماددە هۆشبەرەكانەوە سزادراون.

33 زیندانیی لە بەندیخانەی ناوەندیی شاری “مەهاباد” راگیراون، كە بە گشتی هەموویان بە پتر لە 100 ساڵ زیندان و یەك كەسیشیان بە زیندانی هەتا هەتایی مەحكوم كراون.

دەستڕاگەیشتن و بەكارهێنانی ئینتێرنێت لە پارێزگای “ئیلام” 38.98 راگەیەندراوە و نێوەنجی ئاماری گشتیی ئێرانیش 53.29 دیاریی كراوە، كە بەو پێیە نزیكەی 15% بەكارهێنانی ئینتێرنێت لە ئیلام لە نێوەنجی گشتیی كەمترە.

زیندانیەكی “ئەلحەق”ی كورد كە لە زیندانی ناوەندیی زاهیدان گواستراوەتەوە، بە هۆی ئەوەیكە ئیزنی نەداوە سمێڵی لە لایەن كاربەدەستانی زیندانەوە بتراشرێت، ماوەی 9 رۆژە گواستراوەتەوە بۆ ژووری تاكەكەسی و لەوێ دەستی داوەتە مانگرتن لە خواردن.

فەرماندی یەكەی 33 هێزی تۆپخانەیی كۆماری ئیسلامی ئێران رایگەیاند، كە هێزێكی تۆپخانەییەكان لە پارێزگای سنە لە سنوورەكانی ئێران لەگەڵ عێراق، بڵاوەپێكردووە.

لە ماوەی رۆژانی كۆتایی ساڵدا، مەیدانی گازیی باریكەی بیجاڕ لە پارێزگای “ئیلام” پتر لە 150 كرێكاری خۆی لە بەشی خزمەتگوزاریی دەر دەكات.

بەرپرسانی ژینگەپارێزی پارێزگای “ورمێ” باس لەوە دەكەن، كە لە ماوەی 9 مانگی رابردوودا زیاتر لە 170 راوچییان لەو پارێزگایەدا دەستگیر كردووە.

كێشەی بژێویی ژیان لەنێو بنەماڵەكانی شاری “پیرانشار” بووە هۆی ئەوەیكە ٥٠٠ قوتابیی ناوەندی واز لە خوێندن بێنن.

جگە لە خوێندكاران، ژنانێك كە لە ماڵەوە كار دەكەن و سەربازان، 35 هەزار بێكار لە پارێزگای “ئیلام” بوونی هەیە.

بڵاوبوونەوەی ئەو كتێبە ئایینییانەی هزری توندڕەوی بڵاو دەكەنەوە و هانی لاوان دەدەن لە گرووپە چەكدارەكان نزیكببنەوە، لە باشووری كوردستان  روویان لە زیادبوون كردووە و بەرپرسانی حكومەتیش بە ڤایرۆسێكی خەوتووی دەزانن و بەخەبەرهاتنیشی بە كارەسات و كاریگەر بۆ سەر كۆمەڵگا وەسف دەكەن، وەزارەتی رۆشنبیری پێیوایە ئەو دیاردەیە لە دەسەڵاتی ئەوان چووەتە دەرەوە.

زیندانیەكی سیاسی كورد بە هۆی پەیوەندیی لەگەڵ راگەیاندن و میدیاكاندا 15 رۆژ دەخرێتە ژووری تاكەكەسیەوە.

قاچاخچییانی مادەی هۆشبەری “شیشە” لە شاری “مەهاباد” لاوێكی كوردیان كوشتووە و تەرمەكەیان سووتاندووە.

هاوڵاتیەكی خەڵكی رۆژهەڵاتی كوردستان كە ماوەی 20 ساڵە دانیشتووی وڵاتی “دانمارك”ە، بە مەبەستی یارمەتیدانی خەڵكی ئاوارە‌و لێقەوماوی رۆژئاوای كوردستان كە لە كەمپەكانی باشووری كوردستان نیشتەجێن، 200 تۆن یارمەتی گەیاندووەتە ئەو كەمپانە.