کوردستان

ئەكاونتەكانی داعش لە تۆڕە كۆمەڵایەتییەكان، وێنەو ناوی بەشێك لەو چەكدارە كوردانەیان بڵاوكردەوە، كە لە ریزی چەكدارانی رێكخراوەكە كوژراون.

ئیدارەی پاراستنی ژینگەی شاری نەغەدە باس لە كۆچی زیاتر لە 3 هەزار قازی بۆر بەرەو تاڵاوەكانی شاری نەغەدە كردووە.

ژمارەیەك لە شۆفیر تاكسیەكان لە ناڕەزایی بە زۆر نەكردنی ئاستی كرێیەكانیان، لە بەردەم شورای شاری ئیلام كۆبوونەوەیەكی ناڕەزایی دەربڕینیان سازدا و خوازیاری بەدواداچوونی خواستەكانیان بوون.

5 زیندانی سیاسیی كورد و زیندانیەكی یارسان، كە زیاتر لە یەك مانگە كە زیاتر لە یەك مانگە لە زیندانی ناوەندیی ورمێ (دەریا) گواستراونەتەوە بۆ شوێنێكی نادیار، هەتا ئێستاش هیچ هەواڵێ سەبارەت بە چارەنووسیان نادیارە.

زیندانیەكی سیاسی كورد رایدەگەیەنێ لە رۆژی داهاتووەوە دەست دەداتە مانگرتن لە خواردن.

كاربەدەستێكی دەوڵەتیی لە “كومیتەی ئیمداد”ی پارێزگای ئیلام باسی لەوە كردووە، كە بەگشتی 8 هەزار و 954 منداڵی بێ سەرپەرەست لەو پارێزگایە بوونی هەیە، كە 6 هەزار و 17 كەسیان كچن و بەداخەوە دەوڵەت زۆر بە كەمتەرخەمی و بێ بایەخیەوە لە دۆخی ژیانیان دەڕوانێت.

خەڵاتی ساڵی 2014 ی گۆرانیبێژی ناوداری كورد “محەمەد ماملێ” لە ڕێوڕەسمێكدا لە شاری «هاگن»ی وڵاتی ئاڵمان پێشكەش بە گۆرانیبێژی كورد “زۆزان گولەر” كرا.

بەندكراوێكی كوردی خەڵكی شاری بۆكان كە ماوەی 5 ساڵ لە بەندیخانەی شاری ڕەشت لە دەستبەسەری دابوو، پاش ئەوەی كە لە دۆسیەكەی خۆی هیوا بڕ بووە بە بڕینی شادەماری دەستی كۆتایی بەژیانی خۆی هێناوە.

پیشانگای خەڵك ناسی سەبارەت بە ناوچە كوردستانیەكانی رۆژهەڵاتی كوردستان، لە چوارچێوەی پیشانگای بەرهەمە دارییەكانی “عوسمان رەحمان زادە” لە شاری بۆكان كرایەوە.

مستەفا سەلیمی زیندانی سیاسی كوردی مەحكوم بە ئێعدام لە دۆخێكی جەستەیی زۆر نالەباردایە و تووشی ئیلتهابی رێخۆڵە و ئازاری گورچیلە بووە و تا ئێستا لە لایەن كاربەدەستانی زیندانەوە هیچ بەدواداچوونێك بۆ دۆخی ناوبراو نەكراوە.

حوكمی قەزایی 16 هاوڵاتیی دەستگیر كراو لە شاری ورمێ بە تۆمەتی سیاسی و ئەمنیەتی دەركرا.

سەرۆكایەتی هەرێمی باشووری كوردستان سەبارەت بە ئەنجامەكانی ئەو لیژنەیەی بۆ بەدواداچوونی رووداوەكەی كەمپی حزبی دیموكراتی كوردستانی ئێران لە كۆیە پێكهێندرابوو، راگەیەنراوێكی بڵاو كردەوە.

وەرزشوانێكی تازەلاوی خەڵكی شاری سەقز لە وەرزشی وەزنە بەرداری (كێش هەڵگرتن) لە ئاستی ئێراندا پلەی دووهەمی مسۆگەر كرد.

پۆلیسی ئاڵوگۆڕی كەشی زانیاریی “فەتا” لە پارێزگای كرماشان، بۆ كچە چالاكێكی ئینترنتی لەو شارە دۆسیەی قەزاییان دروست كردووە و بانگهێشتی دادگای ئەو شارە كراوە.

ژمارەیەكی بەرچاو لە خەڵكی شارەانی مەهاباد، بانە، سنە، رەبەت و نەوسوود لە پەیوەند لەگەڵ بەڕێوەبردنی جێژنی سەری ساڵ و نەورۆز لە لایەن هێزەكانی كۆماری ئیسلامیەوە دەستگیر كران.

دوو ناوەندی ئێرانیی پارێزەری مافەكانی مرۆڤ لە ڕاگەیەندراوێكی هاوبەشدا توویانە: لە كوردستان هەفتە نییە چەندین كۆڵبەر و كاسبكاری سەر سنوور كە بەدوای پارووە نانێكدا شاخ و كێو دەبڕن، نەكوژرێن‌و بریندار نەبن.