جیهان

ژمارەیەكی بەرچاو لە خەڵكی شاری كابۆل پێتەختی ئەفغانستان بە ئاگر تێبەردانی ئاڵای داعش سەڵای بەرزی خۆیان بۆ خەڵكی خۆڕاگری كۆبانی و هەروەها ئیدانە كردنی هێرشەكانی داعش بۆ سەر كوردستان بەرز كردەوە.

سەرچاوەیەكی ئەمنی عێراقی رایگەیاندووە كە،” چەكدارانی داعش كۆنترۆڵی سەربازگەیەكی سپای عێراقیان لە رۆژئاوای رومادی بەدەستەوە گرت و لەو هێرشەدا هیچ تەقەیەك بەرانبەریان نەكرا”.

سەرۆك كۆماری توركیە رەجەب تەیب ئۆردۆغان رایگەیاند” نارەزایەتییەكان لە ژێر دەسەڵاتی هێزە ئەمنییەكان دەرچوون”.

كۆشكی سپی ئەمریكا بە دانانی لاپەڕەیەكی رابرسی لە سەر ماڵپەڕی فەرمی خۆی، رایگەیاندووە كە ئەگەر 100 هەزار كەس ئەم راپرسیە واژۆ بكەن، بەو پێیە چەك و تەقەمەنی پێویست رادەستی هێزەكانی یەكینەكانی پاراستنی گەل “یەپەگە” لە كۆبانی دەكات.

هەردوو سێناتۆری كۆماریخواز لە ئەمریكا جۆن مەكێین و لینسی گراهام راگەیەندراوێك لەسەر رۆڵێ توركیە لە سەر مەسەلەی بەرەنگاربوونەوەی داعش بڵاودكردەوە و دەڵێین سەڕەرای رەخنەكانمان لەهەندێك سیاسەتی توركیە لە رۆژهەڵاتی ناوەراست ، بەڵام هاوڕاین لەگەڵ ئەردۆغان كە دەبێت ستراتیژییەك هەبێ بۆ نەمانی ئەسەد و داعش لەیەككاتدا.

ڕاند پاوڵ، سیناتۆری ئەمریكایی لە چاوپێكەوتنێكی‌ لەگەڵ كەناڵی‌ CNN رایگەیاند، ویلایەتە یەكگرتوەكانی ئەمریكا لە ماوەی‌ ڕابردوودا پشتگیری لە داعش كردووە وەك بەشێك لە جەنگی واشنگتۆن دژ بە رژێمی سوریە.

وەزارەتی پەروەردەی عێراق راگەیاند كە چەكدارانی گروپی دەوڵەتی ئیسلامی ناسراو بەداعش تا ئێستا 2 هەزار خوێندنگایان لە 5 پارێزگای عێراق وێران كردوە.

بەهۆی شەڕ و پێكدادانەكانی نێوان خۆپیشاندەرانی كورد و ئیسلامییە توندڕەوەكان لە  شاری هامبۆرگی ئەڵمان 14 كەس برینداربوون.

وەزارەتی دەرەوەی ولایەتە یەكگرتووەكانی ئەمەریكا رایگەیاند : شەڕی كۆبانی شەڕێكی ترسناكە. بۆیە رێگا نادەین ئەم شارە كوردییەی سەر سنور بەدەستی داعشی توندرەو شكست بخوات.

بە دەیان هەزار چالاكی تۆڕە كۆمەڵایەتیەكان پەیجی فەیسبووكی “باراك ئۆباما”یان كردە شوێنێك بۆ ناڕەزایی دەربڕین بەرانبەر بە بێ دەنگی ئەمریكا و زلهێزانی جیهانی سەبارەت دۆخی نالەباری شاری كۆبانی لە رۆژئاوای كوردستان.

بەپرسانی باڵای داعش موچەی چەكدارانیان لە پارێزگای موسڵ زیاد كردووە و هۆكاری زیاكردنەكەشی دەگەڕێتەوە بۆ ئەوەی كە بەشێكی زۆری چەكدارە بیانیەكانی ئەو رێكخراوە پارێزگاكە چۆڵ دەكەن و دەگەرَێنەوە بۆ سوریە.

وەزیری دەرەوەی ئێران لە پەیوەندییەكی تەلەفۆنیدا لەگەڵ وەزیری دەرەوەی توركیه، نیگەرانی وڵاتەكەی دەربڕی لە دەستتێوەردانی سەربازی توركیه لە خاكی سووریه.

دوێنی سێشەممە 8ی مانگی رەزبەر رێكخراوی مافی مرۆڤی سوریە رایگەیاند، گرووپی داعش ٧٠ منداڵی كوردی ئازاد كردووە كە لە بەهاری ئەمساڵەوە بە بارمتە گیرابوون.

بۆ جارێكی دیكە لە ماوەی چەند هەفتەی رابردوو دوێنێ یەكشەممە 7ی مانگی رەزبەر لایەنگرانی داعش هێرشیان كردە سەر زانكۆی ئیستانبول و هەوڵیاندا بڕۆنە نێو ئەو زانكۆە.

ناڕەزاییەکی زۆر دروستبووە لەنێو  داعشدا لەبەرئەوەی ژنه فرۆکەوانێکی ئیماراتی بەشداریکردووە لە بۆردومانکردنی بنکەکانیاندا و بە هۆی ئەو نوقرچكەوە هەستی ئایینی و پیاوانەی “داعش”یەكان ئازارێكی زۆری پێ گەیشتووە.

كاریكاتۆریست “فواد محەمەدی”