کۆمەڵایەتی

نازپه‌روه‌ری پیشه‌یه‌کی تازه‌یه‌ که به راوێژی ده‌روونناسای ئامریکا مۆڵه‌تی فه‌رمیی له‌و وڵاته وه‌رگرتووه‌و له چه‌ند شوێنێک وه‌ک پیشه چاوی لێ ئه‌کرێت.

دوێنێ یه‌کشه‌مه به هۆی مه‌له‌کردن له چه‌می زێڕینه‌ی تکاب لاوێکی ته‌مه‌ن 22ساڵی خه‌ڵکی ئه‌و شاره نوقم بووه‌و تا ئێستا چاره‌نووسی نادیاره.

دوای ئه‌وه‌ی دوو لاوی خه‌ڵکی مه‌ریوان له کاتی مه‌له‌کردن له ناو ده‌ریاچه‌ی زرێبار گیانیان له ده‌ستدا، به پێشنیاری مانگی سووری مه‌ریوان مه‌له‌کردن له‌و ده‌ریاچه‌یه به ته‌واوی قه‌ده‌غه‌کرا.

دوێنێ هه‌ینی سێ هاوڵاتیی مه‌ریوان که‌وتنه ناو ده‌ریاچه‌ی زرێبارو له ئاکامدا یه‌کێکیان رزگار بوو چاره‌نووسی دوو که‌سی تریان نادیاره.

دوێنێ سێشه‌مه 31ی پوشپه‌ڕ ژنێک له مه‌ریوان به هۆی لێدان له لایه‌ن هاوسه‌ره‌که‌یه‌وه گیانی له ده‌ستدا.

داعش له هه‌نگاوێکی نوێیداو بۆ هه‌رچی زیاتر کاریگه‌ریی له سه‌ر شری موسڵ، داوای له هاوڵاتییانی ئه‌و شاره کردووه ئه‌و بنه‌ماڵانه‌ی کچه‌کانیان خه‌ته‌نه نه‌کردووه له رێگه‌ی ئه‌و ژنانه‌ی دیارییان کردووه بۆ ئه‌و کاره، کچه‌کانیان خه‌ته‌نه بکه‌ن‌و به پێچه‌وانه‌وه‌ش روبه‌ڕوی سزا ده‌بنه‌وه.

له شاری ورمێ‌ی رۆژهه‌ڵاتی کوردستان 3لاوی کورد به تۆمه‌تی جووڵانه‌وه‌ی ده‌میان له لایه‌ن هێزه‌ ئه‌منیه‌کانه‌وه ده‌ستبه‌سه‌رکران‌و به که‌ندنی 3 قه‌بر سزا دران.

هاوڵاتیانی شاری سه‌رپێڵ زه‌هاو له رۆژئاوای پارێزگای کرماشان‌ ده‌ڵێن گه‌رما له‌و شاره‌ له ئێستادا رۆژانه ده‌گاته 50پله‌ی سه‌روو سفرو شاره‌که‌ش هیچ مه‌له‌وانگه‌یه‌کی نییه.

سه‌رله‌به‌یانیی ئه‌مڕۆ دووشه‌مه هێزه‌ ئه‌منییه‌کانی کرماشان به تۆمه‌تی نانخوارن له شوێنێکی گشتی له لایه‌ن 5لاوی ئه‌و شاره‌وه له رۆژێ پێشووتر، سزای لێدانی قامچیی له شوێنه گشتییه‌کانیان به سه‌ردا سه‌پاندن.

به هۆی کێشه‌ی کۆمه‌ڵایه‌تییه‌وه چه‌ند رۆژ له‌وه‌ پێش لاوێکی 23ساڵ ته‌مه‌ن له مهاباد ئاگری له جه‌سته‌ی خۆی به‌رداوه‌و دوێنێ شه‌مه له نه‌خۆشخانه‌یه‌کی شاری ورمێ گیانی له‌ده‌ستاوه‌.

له رووی پزشکییه‌وه، خووگرتن به سه‌یرکردنی کلیپ‌و وێنه‌ی سێکسی مێشکی مرۆڤ ده‌خاته حاڵه‌تێکی مه‌ترسیداره‌وه. لێکۆڵینه‌وه‌یه‌ک له بریتانیا نیشانی داوه به‌دواداچون‌و خوگرتن به بینینی وێنه‌و ڤیدیۆی سێکس چه‌ند به‌شێک له مێشک ئه‌وروژێنێت که کاری رۆژانه‌ی ئه‌و که‌سه په‌ک ئه‌خات‌و کاته‌کانی به شێوه‌یه‌کی ناباوه‌ڕانه به فیڕۆ ئه‌دات، ئه‌و حاڵه‌ته‌ش هاوشێوه‌ی که‌سێکی توشبوو به ماده‌ هۆشبه‌ره‌کانه،که له کاتی بینینی ماده‌ی هۆشبه‌ردا کات‌و کۆنترۆڵی …

حوجه‌توڵا موسه‌وی ئه‌ندامی شۆرای شاری کرماشان رایگه‌یاندووه زۆرێک له منداڵان کاسبی‌و کڕین‌و فرۆشیان پێوه ئه‌کرێت.

چوارشه‌مه‌ی رابردوو لاوێکی 25ساڵ ته‌مه‌ن له سه‌رده‌شت به هۆی کێشه‌ی کۆمه‌ڵایه‌تی کۆتایی به ژیانی خۆی هێنا.

دوێنێ شه‌مه هه‌واڵی راکردنی ژماره‌یه‌ک له کچان‌و بنه‌ماڵه‌کانی موسڵ ‌به هۆی ماره‌کردنیان به زۆر له ئه‌ندامانی داعش‌و هه‌روه‌ها سووتاندنی به‌کۆمه‌ڵی کتێبی ده‌رسیی خوێندنگاکانی ئه‌و شاره له لایه‌ن ئه‌و گروپه‌وه بڵاو بووه‌وه.

ئارێز موحەمەدی ئازادیی هەر كۆمەڵگایەك بەستراوەتەوە بۆ ئازادی ژن‌و چۆنیەتی بەشداریكردنی ئەوان لە كۆمەڵگە. گومانێك لەوەدا نیە كە هەر كۆمەڵگایەك كە لەسەر دین‌و سوننەت‌و كولتوورە دژە ژنەكان دامەزراوە، مەسەلەی ژن تا ئاستێكی بەرچاو پێش ناكەوێت‌و هەر ئەمەشە كە هەر رۆژە شاهیدی كوشتنی ژنان یان دەستدرێژی كردنە سەریانین.! ئەگەر لێرەدا تەنیا جەخت لەسەر ژنانی كورد لە كۆمەڵگای كوردەواریدا بكەمەوە، دەبینین مەسەلەی …

گۆڤاری فوربس ریزبەندی ساڵانەی خۆی لە نێو بەهێزترین ژنانی جیهان بڵاو كردەوە كە تێیدا ئانگلا مێركێل سەدری ئەعزەمی ئاڵمان بۆ نۆهەمین جار لە ماوەی 10 ساڵی رابردوو وەكوو بەهێزترین ژنی جیهان هەڵبژێردرایەوە. لەم ریزبەندیە جێنت بلێن یەكەمین ژنی مێژووی بانكی ناوەندی ئەمریكا لە پلەی دووهەمدایە‌و ملیندا گیتس هاوسەری بیل گیتس‌و ئەندامی هەیئەتی بەڕێوەبەری ناوەندی بیل‌و ملیندا گیتس وەك ساڵی 2013 …