کۆمەڵایەتی

لە ئێران ١٦ میلیۆن كەس كە ٨ میلیۆن كەسیان منداڵان پێكی دێنن، ماددە هۆشبەرەكان بەكار دێنن.

نزیكەی 150 كرێكاریی نانەواییەكانی شاری سنە دوانیوەڕۆی رۆژی شەممە 4ی مانگی رێبەندان لە بەردەم فەرمانداریی ئەو شار كۆبوونەوە. ئەو كرێكارانە بەرامبەر بە راكت مانەوەی حەقدەستەكانیان لە ساڵی 91ی هەتاویی ناڕازیین.

هێزەكانی بەسیجی كۆماری ئیسلامی لە شاری “ئیسلام ئابادی غەرب” سەر بە پارێزگای كرماشان دەستیان بەسەر 14 هەزار لیتر سووتەمەنی كاسبكاراندا گرتووە.

دوابەدوای‌ دەركرانی‌ 350 كەس لە كرێكارە وەرزییەكانی‌ كانگای‌ زێڕی‌ “ئاغەرە”ی‌ تیكاب لە مانگی‌ بەفرانباری‌ ڕابردوودا، ئەم جارەش لە ڕێكەوتی‌ 1ی‌ ڕێبەندان خاوەنكاری‌ شیركەتی‌ “پوویا زەركان” ڕێگری‌ لە هاتنە سەر كاری‌ 40 كەسی‌ دیكە لەم كرێكارانە كردوە.

خەڵكێكی زۆر لە شاری دیواندەرە وامیان لە بانكە دەوڵەتیەكان وەرگرتووە و ئێستا بۆ دانەوەی وامەكانیان كێشەیان بۆ دروست بووە.

بە هۆی ئەوەیكە دۆخی هاوسەرگیری لاوان لە ئێران رۆژ لەدوای رۆژی دژوارتر دەبێتەوە و بەو پێیەش تەمەنی هاوسەرگیری روو هەڵكشان دەكات، ئامارە فەرمیەكان باس لەوە دەكەن، كە بە دابەزینی رێژەی هاوسەرگیریی ناوخۆیی، هاوسەرگیری كچانی ئێران لەگەڵ كەسانی بیانی 26% بەرزبوونەوەی بەخۆیەوە بینیوە.

لەگوندێكی ناوچەی “چەمشار”ی سنە، لاوێك بە شێوەیەكی دڵتەزێن دەكوژرێت.

15 هەزار كەسی كارتۆن خەو لە سەر شەقامەكانی شاری تاران بوونی هەیە و لەو رێژەیە 3 هەزار كەسیان ژنان پێكی دەهێنن.

 بەپێی ئامارە فەرمیەكانی كۆماری ئیسلامی، لە رۆژهەڵاتی كوردستان زیاتر لە 400 هەزار كەس كە تەمەنیان لە نێوان 10 تا 49 ساڵ دایە نەخوێندەوارن. بەم جۆرە كە ئیدارەی گشتیی پەروەردە و فێر كردنی پارێزگای سنە ڕایگەیاندووە لە ئاستی ئەم پارێزگایەدا 71 هەزار كەسی نەخوێندەواریان دەستنیشان كردوە كە تەمەنیان لە نێوان 10 تا 49 ساڵ دایە. ڕەمەزان یووسفی، جێگری سەوادئامووزی ئیدارەی گشتیی …

بەڕێوەبەری رێكخراوی ناوچەی ئازادیی بازرگانیی پیشەیی لە شاری “ماكۆ” سەر بە پارێزگای ورمێ رایگەیاند: پتر لە 80% ی قوتابخانەكانی ئەو ناوچەیە پێویستییان بە پێداویستی، نەوژەنكردنەوە و پێڕاگەیشتنی بنەڕەتیی هەیە.

چالاكێكی ژینگەپارێزیی كوردی خەڵكی شاری مەهاباد، كە لەلایەن حیفازەت ئیتلاعاتی سپای پاسدارانی “مەهاباد”ەوە دەستگیركرابوو، پاش ٢ مانگ راگیران لە زیندان، بە بێ‌تاوان ناسرا.

سەرۆكی ئیدارەی تەعزیراتی كۆماری ئیسلامی لە شاری “مەهاباد” وتی: كاسبكارێكی كوردی خەڵكی شارەكە لە لایەن دادگاوە بە دەیان میلیۆن تمەن پارە مەحكوم كراوە.

 جێگری كاروباری دەفتەری تەندروستیی حەشیمەت، بنەماڵە و قوتابخانەكانی وەزارەتی بێهداشت دەڵی لە ساڵدا 155 هەزار تەڵاق لە ئێران ڕوو دەدا.

لەكۆی 1095 بەندكراو لە زیندانی سلێمانی، 114 بەندكراویان هەڵگری ناسنامەی ئێرانین و لەو ژمارەیەش 98 سزادراوانیان كوردن و خەڵكی رۆژەهەڵاتی كوردستانن، سەرجەمیشیان بەهۆی بازرگانی كردن بەماددە هۆشبەرەكانەوە سزادراون.

لە ماوەی 9 مانگی سەرەتای ساڵی 1393ی هەتاویی زیاتر لە 5 هەزار كەس لە پارێزگای “كرماشان” بەهۆی دزی كردن دەستگیر كراون.

دەستڕاگەیشتن و بەكارهێنانی ئینتێرنێت لە پارێزگای “ئیلام” 38.98 راگەیەندراوە و نێوەنجی ئاماری گشتیی ئێرانیش 53.29 دیاریی كراوە، كە بەو پێیە نزیكەی 15% بەكارهێنانی ئینتێرنێت لە ئیلام لە نێوەنجی گشتیی كەمترە.