کوردستان

لە سەرەتای ئەمساڵەوە بەردەوام ئامارگەلێكی دژ بە یەك سەبارەت بە نرخی بێكاریی لە پارێزگای سنە بڵاو كراوەتەوە، بەجۆرێ كە ناوەندی ئاماری بێكاریی ئەو پارێزگایە باس لە هەبوونی 12% بێكاری دەكات و پارێزگار دەڵێ رێژەی بێكاریی پتر لە 28% دەبێت.

شەپۆلی كۆكردنەوەی ماهوارە و كەرەستەی پەیوەندیدار بە ماهوارە، لە لایەن هێزەكانی كۆماری ئیسلامی لە شارە جیاجیاكانی كوردستان بەردەوامەم.

ژمارەیەك لە بێژەر و كارمەندە دێرینەكانی “تیشك تی ڤی” سەر بە “حیزبی دیموكراتی كوردستانی ئێران” لە روونكردنەوەیەكدا باس لە داخرانی كاناڵەكەیان دەكەن.

شەوی پێنجشەممە 9ی مانگی رێبەندان لە كێوەكانی “مەشرەف” سەر بە ئاوایی باخان سەر بە شاری مەریوان 2 لاوی خەڵكی ئەو ئاواییە بە ناوەكانی “ئێقباڵ شەریفی و ئیبراهیم تام” دم و چاویان بریندار و رەوانەی نەخۆشخانەی شارەكە كران.

لە شەڕ‌و پێكدادانەكانی ئەمرۆ هەینی 10ی مانگی رێبەندان ‌و شەوی رابردوو لە ناوچەی كەركوك ژمارەیەك پێشمەرگە گیانیان بەخت كرد و بریندار بوون، بەڵام تا ئێستا ژمارەی كوژراو‌و بریندارەكانی چەكدارانی داعش ئاشكرا نەكراوە.

پێشنوێژی ورمێ راگرتنی ماهوارە لە بنەماڵەكاندا بە یەكێك لە سەرەكیترین هۆكاری بێ غیرەتی لە نێو بنەماڵەكاندا دەزانێت.

3 زیندانی سیاسی كورد لە زیندانی شاری میناب بە بۆنەی ئازادكرانی شاری كۆبانێ لە لایەن خەڵكی قارەمانی ئەو شارەوە بە دژی چەكدارە توندرەوەكانی داعش راگەیەندراوێكیان بڵاو كردۆتەوە.

لەشەڕی 130 رۆژەی هێرشی داعش بۆ سەر كوبانێ 3800 چەكداری داعش كوژران و لە بەرامبەر 408 شەرڤان و پێشمەرگەیەكیش گیانیان بەخت كردووە، ئەمەش بە سەركەوتنێكی گەورە بۆ كورد دادەنرێت.

چالاكێكی خوێندكاریی كورد كە ماوەی 2 مانگە لە لایەن ئیدارەی ئیتلاعاتی شاری سنەوە دەستگیر كراوە، لە دۆخێكی نالەباردا دەژیت.

پاش ئەوەیكە بە هەزاران كەس لە خەڵكی شاری سنە بە بۆنەی ئازادكرانی شاری كۆبانێ لە چنگی داعش دەستیان دایە دەربڕینی شایی و سەما، ژمارەیەكی زۆر لە خەڵكی ئەو شارە بانگهێشتی ناوەندە ئەمنیەتی و ئینتزامییەكان كراون.

بە وتەی پارێزگای ورمێ، ئێستاكە 40 هەزار كەس كە خوێندنیان لە پلەی كارناسی و سەرەوەتر تەواو كردووە و هێشتاكە بێكارن و بەدوای كاردا دەگرێن، لەو پارێزگایە بوونی هەیە.

بەرپرسی كۆمیتەی ئێمدادی كۆماری ئیسلامی لە پارێزگای ورمێ دەڵێ: 2 هەزار منداڵی ژێر تەمەنی 6 ساڵ لە پارێزگای ورمێ ناسێندراون كە تووشی بەدخوراكی بوون و پێویستیان بە چارەسەریی و پێڕاگەیشتن هەیە.

فەرماندەی هێزەكانی كۆماری ئیسلامی لە پارێزگای ورمێ وتی: 37 كەسی بیانی لە كاتی هاتنە نێو خاكی ئێران و 4 كەس كە لە هەوڵی چوونە دەرەوەی لە ئێرانیان هەبووە، لە سنووری شاری ماكۆ دەستگیر كراون.

پاش ئەوەیكە لە شارە جیاجیاكانی رۆژهەڵاتی كوردستان بە بۆنەی ئازادكردنی شاری كۆبانێ لە لایەن خەڵكی خۆڕاگری ئەو شارەوە، كۆڕ و كۆبوونەوەی دەربڕینی شایی و سەما بەڕێوەچوو و شیرینی لە نێوان هاوڵاتییاندا بڵاو كرایەوە، ئەو شایی دەربڕینە هەتا ئێستاش لە ژێر گوشاری كەشی ئەمنیەتیدا بەردەوامە.

تەقینەوە مین لە ناوچەی‌ گشتیی فەككە سەر بە پارێزگای كرماشان كوژران و برینداربوونی‌ 2 كەسی لێ كەوتەوە.

پاش سەركەوتنی خەڵكی شاری كۆبانێ و شكستهێنان بە چەكدارەكانی داعش، لە شارە جیاجیاكانی رۆژهەڵاتی كوردستان بەوبۆنەوە خۆشحاڵییان دەربڕیوە و سەمایان كردووە، كە ئەو شادی دەربڕینەی خەڵك لە لایەن هێزە ئەمنیەتی و ئینتزامیەكانەوە هێرشیان كراوەتە سەر.