چوار شه‌ممه‌ 22 ئاب 2018
ماڵەوە / کوردستان / كۆماری ئیسلامی بە بیانۆێ دروستكردنی سەوزایی كەوتووتە كاولكردنی كێڵگەكان

كۆماری ئیسلامی بە بیانۆێ دروستكردنی سەوزایی كەوتووتە كاولكردنی كێڵگەكان

بەرپرسانی رژیم لەناوچەی سنە بە بیانوی دروستكردنی سەوزایی كەوتوونەتە وێران كردنی ناوچە كشتوكاڵییەكان.
بە پێی هەواڵێك کە لە سنەوە بە زاگرۆس پۆست گەیشتووە ماوەیەكە فەرمانگەی سەرچاوە سروشتیەكان بەناوی “نمام ناشتن” لەگوندی پوڵین سەر بە شاری سنە‌و بە بێ پرسی خەڵكی گوندەكە بە بێڵی میكانیكی لەناو زەوییە كشتوكاڵییەكاندا دەستیان كردوە بە چاڵ هەڵكەندن بۆ  ناشتنی نەمام.
ئەم كارەی بەرپرسانی كۆماری ئیسلامی بووەتە هۆێ ناڕەزایەتی خەڵكی گوندەكە و بە مەبەستی راگرتنی كارەكە لەگەڵ بەرپرسانی سەرچاوە سروشتیەكان كەوتوونەتە گفتگۆ، بەڵام ئەگەرچی بەرپرسان بەڵێنیان داوە كە كارەكە ڕادەگرن، جارێکی دیكە ئەمڕۆ شەممە ١٠ی مانگی خەزەڵوەر دەستیان بە كارەكەی خۆیان كردوەتەوە.
بەپێی سەرچاوەكەی زاگرۆس پۆست، ئەمە لە حاڵێك دایە كە چەند ساڵێك پێش ئێستا رژیم لەهەوڵی ئەوەدابوو بەشێك لەو زەوییە كشتوكاڵییانە بە كاربەدەستان‌و هاوكارانی خۆی لە دەزگای ئەمنی‌و ئیتلاعاتییەكان بدات كە ئەو كاتیش لەگەڵ نارەزایەتی خەڵكی ئاوایی قوڵیان رووبەڕوو بوونەوە‌و پلانەكەیان شكستی هێنا.

بابەتی هاوپۆل

پەرە سەندنی هەوڵی خۆکوژی لە پارێزگای ئیلام

پارێزگای ئیلام لەساڵی ڕابردووی هەتاویدا زۆرترین ئاماری خۆکوژیەکانی ئێرانی لەخۆ گرتووە.لە ساڵی ٩٦ی هەتاوی زیاتر …