زاگرۆس پۆست
چەكدارانی داعش بۆ جارێكی دیكە لە شاری كۆبانێ چەكی شیمیاییان بەكارهێنا وە و بەم هۆیەوە چەندین شەڕڤان بریندار بوون.
بە پێی راپۆرتی هەواڵنێری سپی میدیا، رۆژی پێنجشەممە 8ی مانگی رەزبەر بۆ جارێكی دیكە چەكدارانی داعش پەنایان بردەوە بەر بەكارهێنانی چەكی قەدەغەكراوی شیمیایی و بەو هۆیەوە چەندین شەرڤان بە سەختی برینداربوون.
جێگای ئاماژەیە، ئەمە چەندمین جارە لە كۆبانێ چەكدارانی داعش چەكی قەدەغەكراو بەكاردەهێنن و تا ئێستا كۆمەڵگای نێودەوڵەتی لەوبارەوە هەڵوێستی شەفافی نەبووە.
ئەم ئیدعایەش لەحاڵێكدایە كە پزیشكێكی پسپۆڕ بەكارهێنانی چەكی شیمیایی لە دژی خەڵكی خۆڕاگری كۆبانێ پشتڕاست كردووەتەوە و دەوڵەتی عێراقیش ئەو بابەتەیان تەئید كردووە و باسیان لەوە كردووە كە داعش ئەنبارێكی گەورەی چەكی شیمیایی كە پێشتر دەوترا توانای بەكارهێنانیان نەماوە، لە نزیك شاری بەغدا دەستی بەسەردا گرتووە.
