زاگرۆس پۆست
پاش تێپەڕ بوونی نزیك بە یەك مانگ و نیو لە بەرخۆدان و خۆڕاگری شاری كۆبانێ لە بەرانبەر هێرشی چەكدارانی داعش، داوا كرانە رۆژی یەكی مانگی نوامبر بەرانبەر بە 10ی مانگی خەزەڵوەر وەكوو رۆژی جیهانی “كۆبانێ” ناودێر بكرێت.
لەم پەیوەندەدا *كۆمەڵەی زەحمەتكێشانی كوردستان* راگەیەندراوێكی دەربڕیوە و هاوخەباتی خۆی لەگەڵ خەڵكی خۆڕاگری كۆبانێ دەربڕیوە و داوای بەهێزتر كردنی پتشوانی جیهانی بۆ ئەو مقاومەتە مەزنە دەكات.
دەقی راگەیەندراوەكەی *كۆمەڵە* بەم چەشنەیە:
راگەیاندنی کۆمەڵە
له رۆژ جیهانی کوبانی هاوخەباتی جەماوەری کۆمەڵانی گەلی کوردستان و پشتیوانی جیهانی بۆ کوبانی به هیزتر بکەین
جەماوەری خەڵکی کوردستان
له دریژەی هاوخەباتی و پشتیوانی له خۆراگری و مەقاومەتی ژنان و پیاوانی شاری قارەمانی کوبانی، به بانگەوازی هەزاران کەسایەتی ئاکادمی، سیاسی و کۆمەڵایەتی سبەینێ یەکی نوامبر به رۆژی جێهانی کوبانی دیاریکراوە. لەم رۆژه له سەدان شاری گەورە و بچوکی سەراسەری جیهان بۆ پشتیۆانی له کوبانی کۆر و کۆبونەوە و رێپێوانی جەماوەری به رێوە دەچێ.
کۆمەڵەی زەحمەتکێشانی کوردستان وێرای پشتیۆانی بۆ ئەم بانگەوازە و رۆژی جیهانی کوبانی، داوا له کۆمەڵانی خەڵکی رۆژهەڵاتی کوردستان دەکات که جارێکی تر و ئەمجارە هاوکات له گەڵ زۆربەی وڵاتانی جیهان، پشتیوانی و هاوخەباتی خۆیان نیشان بدەن.
سەرکەرتنی کوبانی، سەرکەوتنی قۆناخێکی گرینگی خەباتی رزگاریخۆازی کوردستانه له هەمو پارچەکانی کوردستان له رۆژهەڵاتی ناوەراست. گەلی کوردستان و بزووتنەوە ڕەواکەی لە هەمو کات زیاتر پێشەنگی خەباتی ئازادیخۆازی و ئینسانی و بەرابەریخۆازە.
با له رۆژی جیهانی کوبانی، و بۆ پشتیۆانی له خۆراگری ژنانی قارەمانی کوبانی و مەقاومەتی ئەم شارە به ناوبانگە، له سەراسەری جیهان هاواری له مێژینەی گەلی چەوساوەی کوردستان له گەرووی میلیونها ئیسنانی ئازایخۆاز بیتەدەر و گەلی کورد نیشانی بدات که شیاوی ژیانێکی سەربەست، سەربەخۆ و ئینسانی و بەرابەرە.
هەزاران سڵاو له قارەمانانی خۆراگری کوبانی
هەزاران سڵاو له گیانبەختکردوانی کوبانی
پتەوتر بێت یەکریزی و هاوخەباتی گەلی کورد.
کۆمەڵەی زەحمەتکێشانی کوردستان
٣١/١٠/٢٠١٤
