چوار شه‌ممه‌ 20 تشرینی دووه‌م 2019
ماڵەوە / جیهان / ئەبووبەكر بەغدادی لە كوشتن نزیك بووەتەوە

ئەبووبەكر بەغدادی لە كوشتن نزیك بووەتەوە

ئاژانسی هەواڵگری و ئاسایشی نیشتمانی عیراق هەواڵی گەمارۆدان و گیرخواردنی ئەبوبەكر بەغدادی، خەلیفەی رێكخراوی دەوڵەتی ئیسلامی ( داعش) رادەگەیەنێت و دەڵێت، ئەگەری كوشتنی بەغدادی زۆر نزیك بۆتەوە.

راپۆرتێكی دەزگای هەواڵگری عیراق ئەوەدەخاتەڕوو، بەغدادی ناتوانێت بەئازادی بسوڕێتەوە لەسەرجەم ئەو ناوچانەی ژێر كۆنترۆڵی داعش، بۆیە بەناچاریی لە شوێنێكی پارێزراودا خۆی حەشارداوە و كەسێكی هاوشێوەی خۆی بۆ سەرلێشوان و كەسێكی هاوشێوەی دیكەشی بۆ حاڵەتی كتوپڕ دروستكردووە.

بەرپرسێكی ئەمنی عیراق بە وای نیوزی راگەیاندووە كە، “ئەبوبەكر بەغدادی لە ناوچەی بەععاج، خۆرئاوای موسڵ گیری خواردووە و پەیوەندیی پچڕاوە لەگەڵ سەركردە باڵاكانی دیكەی داعش، ئەوەیش بەهۆی كوژرانی زۆر لەو سەركردانە لەشەڕەكانی چەند رۆژی رابردوو”.

بەرپرسە ئەمنیەكە كە نەیویست ناوی ئاشكرابكرێت ئەوەشی خستەڕوو، “بەهۆی ئەوەی كە پێشتر دەستگیركراوە، زانیاری زۆر ورد لەسەر بەغدادی لەسەر پەنجەمۆر و دەنگ و رەنگی چاوو جۆری خوێن و شیكاری DNA لەلایەن دەزگا پەیوەندیدرەكان هەیە”.

ناوچەی بەععاج، سەر بەپارێزگای نەینەوایە و دەكەوێتە باشوری قەزای شنگال لەناوچەیەكی سنوری نێوان عیراق و سوریە.

ئەمەش لەحاڵێكدایە، شەوی رابردوو هەواڵێك سەبارەت بە بریندار بوونی ئەبوبەكر بەغداد بڵاو كرایەوە و باس لەوە كرابوو كە ناوبراو بە هۆی هێرشەكانی ئەم دواییانە بۆ سەر گرووپی داعش بریندار بووە و لە دۆخێكی شپرزەدا دەژیت.

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.