هه‌ینی 15 تشرینی دووه‌م 2019
ماڵەوە / ئێران / لە ماوەی یەك هەفتەدا زیاتر لە هەزار كرێكاری ئێرانی لەسەر كار دەركراون

لە ماوەی یەك هەفتەدا زیاتر لە هەزار كرێكاری ئێرانی لەسەر كار دەركراون

هەواڵنێریی حكومەتی ئیلنا رایگەیاند، لە ماوەی یەك هەفتەی رابردوودا پتر لە 1100 كرێكاری یەكە بەرهەمهێنەرەكان لە سەر كارەكانیان دەركراون.

ئەو كرێكارە دەركراوانە لە كارخانەكانی “گوستەرش مانا ساز، قەتاری شەهری ئەهواز، گازی لولە، كاشی گیلانا، ئیران زاك، نوشابەی خوشگوار، نەوەرد و لولەی سەفا، شیشە ئابگینە، ئابفای ئابادان و سیمانی كارون” سەرقاڵی كار كردن بوون.

بە پێی ئەو راپۆرتە زۆربەی ئەو كرێكارانە سەبارەت بە دۆخی نالەباری كار، نەدانی حەقدەست و خزمەتگوزاری و هەروەها گۆڕینی گرێبەستەكانیان لە هەمیشەییەوە بۆ كاتی دەناڵێنن.

جێگای وەبیرهێنانەوەیە، لەم رۆژانەی دوایشدا نوێنەری شارەكانی مەریوان و سەوڵاوا لە رۆژهەڵاتی كوردستان رایانگەیاندبوو كە، لە ماوەی رابردوودا 300 كەس لە كارمەندەكانی زانكۆی زانستی پزیشكی كوردستان لە شاری سنە، لەسەر كارەكانیان دەركراون.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.