چوار شه‌ممه‌ 22 تشرینی دووه‌م 2017
ماڵەوە / کوردستان / ئەو بەڕێوەبەرەی مۆڵەتی بە خۆپیشاندەرانی بەردەم كۆنسولخانەی ئێراندا دورخرایەوە

ئەو بەڕێوەبەرەی مۆڵەتی بە خۆپیشاندەرانی بەردەم كۆنسولخانەی ئێراندا دورخرایەوە

پاش ئەوەی شەپۆلێكی نوێی لەسێدارەدانی لاوانی كورد لە ئێران دەستیپێكرد‌و ناڕەزایەتیەكی بەرین لە زۆربەی وڵاتانی جیهان دژ بە كۆماری ئیسلامیی هاتەئاراوە، ژمارەیەك لە چالاكانی سیاسی‌و مەدەنی دانیشتووی هەرێمی كوردستان پاش وەرگرتنی مۆڵەت، رۆژی 8ی مانگی 11 خۆپیشاندانێكیان لەبەردەم پاركی شانەدەر لە شاری هەولێر بەڕێوەبرد. پاش كۆتایی خۆپیشاندانەكە كۆمەڵێك لە بەشداربووان بەرەو كۆنسولگەری كۆماری ئیسلامیی رۆیشتن‌و هێرشیان بردەسەر ئەو شوێنە‌و هەندێك خەساریان بەو بنكەی كۆماری ئیسلامیی گەیاند.

پاش هاتنەئارای ئەو رووداوە، نێچیرڤان بارزانی سەرۆكی پێشووی حكوومەتی هەرێم، بڕیار دەدات ئەو بەڕێوەبەرەی كاروباری ناوخۆ كە مۆڵەتی داوەتە خۆپیشاندەران لە كارەكەی دوور بخرێتەوە بۆ ماڵەوە. بە پێی هەواڵەكان، نێچیرڤان بارزانی لە پەیوەندی بە نەوزاد هادی پارێزگای هەولێرەوە دەكات، بەڵام ناوبراو دەڵێت، ئەو رۆژە ئەو لە پارێزگا نەبووە‌و مۆڵەتی خۆپیشاندان لە لایەن عەقیدی مافپەروەر خالید كورەچی دراوەتە خۆپیشاندەران. هەر بۆیە عەقید خالید دەنێردرێتەوە بۆ ماڵەوە‌و لە جێی ئەو كەسێك بە ناوی حاجی باوەڕ كە پلەی رائیدی هەیە لە شوێنەكەی ئەو جێگیر دەكرێت.

پاش هێرشی كۆمەڵێك لە خۆپیشاندەرانی رۆژهەڵاتی كوردستان بۆ سەر كۆنسولخانەی كۆماری ئیسلامیی لە هەولێر، 8 چالاكی سیاسی‌و مەدەنی رۆژهەڵاتی كوردستان لە لایەن وەزارەتی ناوخۆی هەرێمی كوردستانەوە دەسبەسەرو تا ئامادەكردنی ئەم هەواڵە لە زیندانی محەتەی شاری هەولێر راگیراون.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …

لێدوانه‌کان