چوار شه‌ممه‌ 20 تشرینی دووه‌م 2019
ماڵەوە / جیهان / دەیان چەكداری داعش بە هۆی شەڕی ناوخۆیی كوژران و بریندار بوون

دەیان چەكداری داعش بە هۆی شەڕی ناوخۆیی كوژران و بریندار بوون

دەیان چەكداری داعش بەهۆی شەڕكردنیان لەگەڵ چەكدارانی خۆیان، كوژراون و بریندار بوون.

سەرچاوەیەكی ئەمنی لە شاری فەلوجە بە ماڵپەڕی (مەسدەر نیوز)ی راگەیاندووە، دوای ئەوەی چەكدارانی داعش لە شارەدێی جورف سەخر بە ئاراستەی شاری فەلوجە رایان كرد، كێشە لە نێوان سەركردەكانی رێكخراوی توندڕەوی داعش دروست بوو. سەرچاوەكە ئەوەشی ئاشكراكردووە، كێشەكە تا ئێستا پەرەی بە پێكدادان داوە و بەو هۆیەوە نەخۆشخانەی گشتی فەلوجە، ئەمڕۆ یەكشەممە 4ی مانگی رەزبەر دەیان چەكداری داعشی پێ‌ گەیشتووە، كە هەندێكیان بریندار و ئەوانی دیكەش لە شەڕەكەدا كوژراون.

هۆكاری شەڕەكە بۆ بوونی ناكۆكی سەركردەكانی داعش و یەكتر تۆمەتباركردنیان بە هەڵاتن و چۆڵكردنی ناوچەی جورف سەخر دەگەڕێتەوە.

لە لایەكی دیكەوە، داعش، هەڕەشەی كوشتن لەو چەكدارە بیانیانەی خۆی دەكات كە بەنیازن سوریا‌و عێراق بەجێبهێڵن‌و بۆ وڵاتەكانی خۆیان بگەڕێنەوە.

ژمارەیەكی زۆر چەكدار لە وڵاتانی جیاجیا لە ئێستادا لە نێو ریزەكانی گروپی داعشدان‌و لەچەندین ناوچەی عێراق‌و سوریە شەڕ بۆ داعش دەكەن.

بەپێی راپۆرتی رۆژنامەی “گاردیەن” سەركردەكانی داعش ئەو چەكدارە بیانیانە ئاگادار كردوەتەوە كە نابێت ریزەكانی ئەو گروپە بەجێبهێڵن‌و بەپێچەوانەوە دەكوژرێن. بەپێی راپۆرتەكە ژمارەیەك لەو چەكدارانە كە بریتانیاین كە لە لایەن سەركردەكانی داعش هەڕەشەی ئەوەیان لێكراوە نابێت بەرەكانی شەڕ بەجێبهێڵن‌و بۆ بریتانیا بگەڕێنەوە، بەپێچەوانە دەكوژرێن.

بابەتی هاوپۆل

تۆپباران کردنی بنکەکانی کۆمەڵە لە سەر سنوور

رژیمی کۆماری ئیسلامی بنکەکانی کۆمەڵەی زەحمەتکێشانی کوردستان لە سەر سنووری بۆردمان کرد. بە پێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.