سێ شه‌ممه‌ 27 ئه‌یلول 2022

تاڵبان 5 سەركردەی باڵای خۆی لە سەر داعش دەركرد

تاڵیبانی پاكستان دەركردنی وتەبێژی رێكخراوەكەی خۆی بە هۆی بەیعەتدان بە داعش راگەیاند و باسی لەوەش كردووە كە، كەسێكی دیكەیان لە شوێنی ئەو دامەزراندووە.

بە پێی راپۆرتی كاناڵی سی ئێن ئێن، بزووتنەوەكە دووپاتیدەكاتەوە كە ئەوان بەردەوامن لەسەر بەیعەتدان بە مەلا عومەر، سەركردەی بزووتنەوەی تاڵیبانی ئەفغانی.

تاڵیبانی پاكستانی دەركردنی شەهید ئەڵڵا شەهید، وتەبێژ بزووتنەوەكەیان رادەگەیەنێت بە هۆی بەیعەتدان بە رێكخراوی دەوڵەتی ئیسلامی (ناسراو بە داعش)، بزووتنەوەكە دووپاتیدەكاتەوە كە “ئەوان بەردەوامن لەسەر بەیعەتدان بە مەلا عومەر، سەركردەی بزووتنەوەی تاڵیبانی ئەفغانی”.

بەپێی ماڵپەڕەكانی سەر بە تاڵیبان، “بزووتنەوەكە بڕیاری دەركردنی 5 سەركردەی باڵای خۆی دەركردووە بە هۆی ئەوەی لە رابردوودا رایانگەیاندبوو دەچنە نێو داعش و بەییعەت بە رێكخراوەكە دەدەن”.

لە راگەیەندراوێكی بزووتنەوەی تاڵیباندا ناسنامەی راستەقینەی شەهید ئەڵڵا شەهید ئاشكراكراوە كە ناوی تەواوی “شێخ مەقبول”ـە و نازناوی “شێخ شەهید”ی لە خۆی ناوە، لە رێگەی ئەو ناوەشی مەبەستی تایبەتی خۆی بەكارهێناوە.

بزووتنەوەی تاڵیبان ئەو دەنگۆیانەش رەتدەكاتەوە كە گوایە بزووتنەوەكەیان بڕیاریداوە بەیعەت بداتە داعش، كە هەندێك لە راپۆرتە رۆژنامەوانییەكان ئەم هەواڵەیان بڵاوكردبووەوە، گوتەبێژی بزووتنەوەكە دەڵێت،” ئەوان بەردەوامن لەسەر بەیعەتدان بە مەلا عومەر، سەركردەی بزووتنەوەی تاڵیبانی ئەفغانی”.

شایانی باسە، تا ئێستا چەندین رێكخراوی توندڕەوی ئیسلامی و لەوانە لقی “یەمەن”ی تاڵبان بەیعەتیان داوەتە گرووپی داعش و بە ریزەكانی ئەو گرووپە لە عێراق و سوریە پەیوەست بوون.

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.