هه‌ینی 15 تشرینی دووه‌م 2019
ماڵەوە / کوردستان / شەڕڤانانی كۆبانێ: داعش لە گازی ژەهراوی كەڵكی وەرگرتووە

شەڕڤانانی كۆبانێ: داعش لە گازی ژەهراوی كەڵكی وەرگرتووە

شەڕڤانانی كۆبانێ وێڕای ئەوەیكە رایانگەیاندووە كە لە ماوەی 24 كاتژمێری رابردوو 73 چەكداری داعشیان كوشتووە، باس لەوە دەكەن كە ئەو گرووپە چەكدارییە بە دژی خەڵكی خۆڕاگری كۆبانێ، كەڵكی لە گازی ژەهراوی وەرگرتووە و ئەمەش لە سەر جەستەی هەندێ لە نەخۆشەكانی ئەو شەڕە بەرچاو دەكەوێ كە لە شاری سوروچ لە وڵاتی توركیەدان.

بەرەبەیانی ئەمڕۆ چوارشەممە 30 مانگی رەزبەر، ژمارەیەك لە خەڵكی دانیشتووی شاری كۆبانێ تووشی كێشەی هەناسە بوون و هەواڵەكان لەوە دەدوێن كە ئاسەواریی سووتاوی لە سەر جەستەیان دیارە و پێدەچێ ئەوەش بە هۆی بەكارهێنانی گازی ژەهراوی هاوێژراو لە لایەن چەكدارانی داعش بووبێت.

ئەمەش لەحاڵێكدایە كە پێشتر چەكدارانی داعش بە دژی خەڵكی كۆبانێ كەڵكیان لە بۆمبی شیمیایی وەرگرتبوو.

شایانی باسە، هەندێ ناوەندی شیمیایی لەوانە ناوەندی شیمیایی “ئەلموسەنا” لە باكووری شاری بەغدا كەوتۆتە دەستی چەكدارانی داعش و یەكێك لە پزیشكانی نیشتەجێی شاری كۆبانێ بە هەواڵنێریی بی بی سی راگەیاندووە كە، پێدەچێ ئەو گازە ژەهراویانە داعش كەڵكی لێ وەرگرتبێ لە جۆری ” گازی كولێر یان گازی فۆسفۆڕ” بێت.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.